#مشوار_أمي
#السابع_عشر
#زهره_النرجس
كعدت الصبح كلبي معصور ومااعرف شبيه الجهال كلهم بالدوام بس محمد يمي دوامه عصري هاي اول سنه اله كاعدبالغرفه ويلعب بحده شلت صينيه الريوك وبديت اغسل بالمواعين الجو بي بروده اليوم
طلعت الشبزي وكعدت اثرم بي زهوره تحبه ورادت الغده شبزي وكعدت افكر بمراد خطيه صارله شكد ماارتاح ولاكعد بالبيت واليوم من راح لبغداد مبين اكو شي لان انطاني فلوس هواي ويوصي بالجهال ادير بالي عليهم
خلصت الحمس مال الشبزي ب١١ خابر مراد طمني هو وصل لبغداد وكال عمار راح يجيب البنات من الدوام
بدلت لمحمد وراح للمدرسه واجت هناء واحمد وره
بالوحده صارت والبنات مااجن ظل بالي عليهن لازم
بالوحده وربع اجه عمار وسولفلي كلشي صار وكال ابن عمهن راح يجيبهن وانتي سولفي اله كلشي
راح عمار وانه بقيت بالطارمه انتظرهن بالوحده ونص يلا اجن اباوع زهوره موياهن
حنان ... يمه اختجن ووينه خومابيجن شي علي شنو سوالجن
عبير .. خيولي شحده يمد ايده علينه
فاطمه .. زهراء كالت نزلو انتم وانه احاجي راح يفهم منه
طلعت بالباب اباوع ماكو احد ضهر وكله راجعه لبيوته بقيت كاعده بالطارمه البنات جاعن ويردن يدرسن
هناء ...ماما انه جوعانه يمته تصبين غده
حنان ... فطومه اخذي خواتج وصبيلهن غده جوعانات وغسلي المواعين
فاطمه ... صار ماما وانتي ماتردين غده
حنان ... كلشي مااشتهي معدتي موتتني وبالي يم اختج وخايفه من خوالج ياخذونجن
بقيت كاعده بالطارمه صارت ب٢ وزهوره ماكو لبست عباتي وكعدت بالشارع اتاني بلكي اشوفها
ب٣ونص شفت عبير طلعت من الباب تصيحلي
عبير ... ماما زهوره تريد تحجي وياج
دخلت للبيت بسرعه كلبي نار عليه
خابرت زهوره وسولفت كلشي كمت ابجي على حظي ماكفرت لوبكت كل الي سويته اتزوجت على سنه الله ورسوله والزواج ستر موعيب
شوي وخابر مراد
مراد ... حبيبتي حنون شبيج شنو صاير ليش هيج صوتج
حنان ... حبيبي محتاجتك كلش اهلي درو انه متزوجه وخايفه لايسون شي وعلي خذه زهراء هنا لبيتهم واخواني متحلفين يردون يزوجون البنات
مراد .. لاتخافين هسه اودي اخواني الج ولد اخوي محد يكدر يحجي وياج شي
وانشاء الله هاي اليومين راجع الاوضاع بالعراق تعبانه ومبين راح تصير حرب ديري بالج على البنات
ختمته وياه وهو يطمن بيه
اجو اخوان مراد ولد اخوانه واجت نصره خطيه كلهم وكفو وياي
عمار ... يابه اني كدام الجميع اريد اخطب فاطمه اذا هي موافقه وخالتي حنان موافقه نروح نعقد هسه حته عمامه مايسوله مشكله
أنت تقرأ
مشوار امي
ChickLitقصه منقوله للكاتبه زهره النرجس #مشوار_أمي امراه عراقيه يبدء مشوارها عندما يتوفى زوجها ويترك ٩ اطفال كل واحد من عائلته اله قصه وشلون راح تكدر تعيشهم
