مشوار امي

البارت التاسع عشر

#مشوار_امي
#التاسع_عشر
#زهره_النرجس

رحنه اختارينه بدلات على اساس عبير تلبس بدله بسيطه لان هي حفله بسيطه بس اصرت تلبس بدله عرس وتله جبيره بدله ملكيه بيت عمو حسن عدهم خير من الله ومنطين عمه نصره فلوس هواي

اختارت تسريحه ملكيه كلش وتاج ملكي طلعت مثل اللعابات فاطمه هم سوت تسريحه حلون ولبست بدله خطوبه لونه وردي طلعت ماشاء الله تجنن الصالون حجزناه بس النه جنت فرحانه بشوفه خواتي ومامصدكه انجمعت بيهن

نصره ... زهوره خلي البنيه تعدل حواجبج قبل المكياج
زهراء .. لاعمه خاف ماما ماتقبل
نصره ... معليج انتي هي كالت عدلي حواجبه انتي هسه بحكم مخطوبه لاابن عمج مكيجي ولبسي خلي يتعجب عليج

حفتلي حواجبي الحلاقه صارن كلش حلوات تغير كلش جبير بوجهي  سويت شعري كيرلي وخليت مكياج بسيط بس صار تغير

اول مادخلت جانو بيت عمو عبدلله وحسن بالباب وخوالي هم وعلي يخزر بيه خفت من نضراته لان اول مادخلنه عمار كفخني على راسي وحجه وياي

عمار .. هاي الحجيه الي مكيجه منين
زهراء ... ههههههه بعد تحجبت ماراح تعرفوني
عمار .. صخله منو راح يغازلج وتحجبتي لازم البس فطوم حجاب لان يلوك اله

ردت احجي وشفت علي يأشري على السطح اصعد
دخلت ونزعت عباتي اشوف خالتي جنان تخزر بيه وتفر بأيده عفته مااهتميت صعدت للغرفه فوك وسمعت باب السطح انفتح عدلت نفسي وطلعت
شفت واكف يعدل بالكلوبات الفوك يسوي بيهن
والجكاره بحلكه ويشتغل

زهراء ... شوكت تبطل تدخين راحت انعمت عيونك من الدخان

دار عليه وعض صابيعه
علي ..ولج دخلي شهرتينه انتي تردين تموتيني طالعه هيج بره دخلي دخلي

رفعت بدلتي  ودرت دخلت للممر الفوك اكو كبال باب السطح حمام وبعدين نستدار للغرف يعني الي يصعد مايكدر يشوفنه

علي ... اول شي انه شنو كتلج موكتلج تلبسين شي محتشم

زهراء .. وهسه انه شنو سويت لابسه مقبط

رفع ايده خلاهاو وره ضهري عبالي راح يتلمس جسمي لزم اليده مال الحمالات وسحبه وانطبكت على جسمي

اوووي هاي شبيك عورت ضهري

يعني عرفتي شبيه هذا الضهر شنو طالع والمكياج هذا والتسريحه انه شنو كلت

شسالفه موزواج اختي اليوم

زواج اختج ودخلتي مكيجه ومبدله وتتمضحكين ويا هذا السكط عمار

شبيك علي ليش تغلط شنو مسويه انه عمار  خطيب اختي وماكو احد غريب بدال ماتكول طالعه حلوه تغازلني هديت عليه