#مختلفه عنهم
الجزءالاول
ل وردالعامري
ليس كل اصابعنه متساويه من فينا لايوجد به خطأ اذ لم يكن فيه فممكن ان يكون بالمقربين منه ولو اقتربنا من الخطأ وان كنا صح لكن نحسب مثله…
بطله القصه بعثت لي تفاصيل قصتهه ومادفعها لنشرها هيه قراءت قصه بحكم الحب من قصصي هيا نستمع ونخوض بتفاصيل القصه التي يرويها لنا ابطالنا واكدت لي ان الاسماءوالاحداث حقيقيه
الكاتبه وردالعامري😘
هلو وياكم مريم من ابتدت قصتي كان عمري17سنه من عائله متكونه من ٥بنات وولد ابويه يشتغل بمحل محاسب خاليه عله الدخل وامي ربه بيت اخواتي سهاد ونهاد وسعاد. اكبر مني واني بعدهم وورايه مرتضى وميعاد ذوله لصغار
سهاد اكبر وحده بينه متزوجه ابن عمي وعدهه ولد
ونهاد: الي بعدهه مزوجه رجال غريب وعايشه وياه بديوانيه اتزورنه بالسنه مره عدهه بنات ثنين
سعاد: اكبر مني بسنتين والاقرب الي من كل خواتي مزوجه غريب جوارينه حبته وحبهه واخذهه
حالته الماديه متوسطه الحمدلله اخويه مرتضى عمره ١٠سنين وامي استبشرت خير كالت اذا احبل هم يجينه ولد حبلت وجابت اختي ميعاد عمرهه ٩ سنين
ابويه رجال بسيط وحمل بنات بركبته وعيشه صعبه وهوه موصغير رجال جبير
وعينه ع الدنيه نعرف عدنه بيت جد اهل امي بس لانوصلهم ولايوصلونه بالاعياد تروح بس امي وابويه مكطوع من شجره انولد يتيم ابوه متوفي وعافهم هوه واخوه وعمره ٨سنين وامه ازوجت وضل هوه واخوه عايشين ابيت عمتهم اخت ابوهم لحد مكبرو وازوجوا جنه نروح لعمه ابويه نزورهه ماكان عدهه اولاد الله مرازقهه بذريه عمري ١١سنه وماتت الله يرحمه وام ابويه نعرف ان صارت عدهه بنيه بس مشايفيهه ابد وعمري ١٥سنه واجه خبر لاابويه ان امه ماتت الله يرحمهه عمي اخو ابويه عنده ٢بنات و٢ ولد اكبر واحد بالولد ماخذ اختي سهاد والثاني بعمر اخويه مرتضى اروحلهم نزورهم وهمه يجونه
اني وصلت صف ثالث متوسط وبطلني ابويه بهل فتره ابويه كلش تعب واحنا مسؤليه بركبته قنعته امي اني اشتغل جارتنه كايلتلهه عله الاسواق المركزيه يردون بنات عاملات قنعته ورحنه اني وابويه للاسواق المركزيه الي بشعب واشتغلت هناك عله قسم الملابس الاطفال جان عمري ١٥سنه ضليت عله قسم الاطفال سنه اشتغل بعدهه حولوني عله قسم لملابس الرجاليه
بيوم رجعت من دوامي ولكيت امي متخربطه ومحد يدري بيهه اخويه مرتضى راح ويه بيت سهاد وميعاد بالمدرسه كومتهه شربتهه مي بس هيه كلش تعبانه ركضت ع ابويه يشتغل محل بسوك موبعيد علينه دخلت للمحل مموجود اكو رجال جبير كاعد وره ميز سئلته
عمو وين حجي رضا
طالع رضا ليش شتردين منه منو انتي
عمو اني بنته واريده امي متخربطه
رضا دزيناه للعلوه امشي ويايه ناخذهه للمضمد مجبل بين ميجي ابوج
لاعمو عادي ننتضر ابويه
دمشي بابا ابوج منا للمغرب ميجي امشي امشي دليني بيتكم
اخذته دليته بيتنه جانت عدنه سياره برازيلي حمره اخذنه امي وديناها طلع ضغطهه مرتفع اطاهه دوه المضمد ورجعنه الرجال بس عرفت ان امي متخربطه سامعه خبر ابوها مات رجعنه الرجال واخذ من خاطر امي ومن ديطلع صاحني
نعم عمو
انتي شسمج
اسمي مريم عمو
ضحك وباوع عليه وراح ضليت كاعده يم امي وهيه تنعي وتبجي للمغرب اجه ابويه سولفناله واخذ امي وراح بقينه اني وميعاد بالبيت رجع ابويه ساعه ٢بليل كال امجن حتبقه ابيت اهلهه ديرن بالجن عله البيت ميعاد بجت تريد امي كالتله اروح لاامي وديني يمهه وكام ايصيح ابويه عليهه ممنوع وحده منجن توصل بيت جدهه وعافنه ونام حاولت اسكت ميعاد وثاني يوم دزيتهه للمدرسه ورحت لشغلي ورجعت ٣ايام ورجعت امي بس حزينه عله ابوهه وكل شوي تبجي والحبايب الي يعرفنهه ايطبن ويطلعن عليهه صارت شهرين واجه ابويه مهموم وصيح عليه لان رحتلهه للمحل قبل شهرين
حيل شنو ابويه هسه اذكر
