#مختلفه عنهم
الجزءالثالث عشر
ل وردالعامري
مريم :الله هداهم لاابويه وللحجي اتفقو الجمعه يسون كعده زلم وعقد وتلبيسه
الجمعه حضرت هدوم الحجي ولبست فستان قصير تحت الركبه جان موديله يصير ردن طويله وقصير جوه الركبه وبي خرطه ومن جوه كيبور اشتريته من الاسواق المركزيه من دوامي واخذت حذاء كعب فرحانه راح اروح بخطبه وحفله هلكد مامخنوكه جن اني العروس وكويت شعري بالاوتي وجتي امي علينه حته نطلع من بيتنه بسياره الحجي وضلت تحجي عليه حطي شوي احمر خدود حطي حمره بيهه خير طوخي كحلتج وخلتني البس ذهبي كله كرسي جابر والبتوت والحجل والتراجي ومحبس حته عود تتباهه بيهن واني وياهه شتكول اكولهه اي مابيه حيل اعاند واترزل اريد اروح افرح واتونس
وصلنه جانت سياره سودهطابكه طبكنه احنه كدامهه صرنه كدام بيت خالتي مباشرتا بنزلتنه شفنه نور بنت خالتي شمس وواحد من شافتنه نزلت سلمت علينه وعرفت ابويه والحجي عله الرجال الوياها كالت خطيبي
ابومريم: الله يسعدكم بويه هلاابني تشرفت بيك وليدي
ام. مريم: دفوتو جوه وناس تتعرف عله ناس مو حركتنه الشمس
الخاله شمس :هلاهلا عيني شلونكم شخباركم
مريم :تلكتنه خالتي شمس بس وجهه ميتفسر هيه وبتهه هم من نزلت من السياره موعله بعضهه
دخلنه وخالتي سهيله كيفت بينه وراد يطلع خطيب نور وجلبو بيه ويه الزلم يبقه
ابو مريم :وليدي لاصغرن بيك كتلي شسمك
حجي اسمي قصي
ابومريم: ميه هلابيك يوم الي نفرحك بيكم وليدي
نوره: امين امين عمو
قصي: يعني بتج مصدكه من كل عقلهه تكول امين
شمس :اي خير تحبك ياسيدي شبيك
قصي: البارحه انكتلت كتله مكانج خالي لو لازمج اله فوكاهه تنكتلين
شمس: يااا ليش فوك مخابرتك انبهك
قصي :شتنبهيني اني ممزوج حته اضل حر عصفور طاير كل يوم عله ورده تجي بتج تسويلي زفه
اكول هاي وجهه جديد خوش كصه تره مفصله تفصال
شمس: يمه ولاتكعد راحه ياوجه جديد هاي يمعود بيت سهيله يعرفوك خطيب نور مالي حيلهم تره
قصي: ومنو جاب طاري بنات سهيله قصدي هذي ام حجل شكل جديد وتدرين احب الجديد اني
شمس: لاعيني سيدي فدوه لطولك لوضال عله بنات سهيله افضل هم يجوز نلكه مدخل معبر عليهن ههههه بس ملكيت غير بت رضا هذا ابوهن حرمنه من شوفه اختنه 13سنه وبناته مشفناهن غير بسنه مالت ابويه تذكر مرت سولفتلك عليهن من شفناهم كدام بيت اهلي شبيك
قصي: هااا ويعني الاستفاده شنو هسه شعليه بهل حجي عجبتني واريدهه وهاي شغلتج ميصعب عليج شي شموسه وكلشي بثمنه
