#مختلفه عنهم
الجزءالثامن
ل وردالعامري
مريم: كمت لبست من الي اشترتهن امي وصتني ذني من اريد انام البسهن لبست واحدجديد جان لونه احمر بس ماعرف شلونه مو مستور طبيت جوه الغطه حته لايشوفه عود طب هوه وره شويه طفه الضوه واجه تمدد شويه شويه كام يتقربلي لحد مصار فوكايه مثل الصبح لاتتحركين ويحاول لحد ميتعب ويكوم انوب يختنك بالكوه ايجر النفس
ضلينه عله هل حاله للسبعه مالتي كل يوم يحاول ولو يتخربط لو يكوم ويكولي من وراج انتي تتحركين واني اصلا خشبه صايره عدله مثل المسطره حته ماارفع ايدي اخاف منه سوينه حفله بينه وجني خواتي وهل مره حتي خالتي سهيله وبناتهه وكلهه تصيح جبير ولج شلون ومالون واني اكولهم لحمدلله مرتاحه وياه وسعاد قافله وتصيح يجي يوم وافرغلج
وره السبعه بيومين اجه جايب شيشه مثل شيشه الدبس حطهه ع راس الجربايه وكالي لاتوصليلهه هذي الي اني تابعت ان كل مايريد يتقربلي ياخذ شي وكل مره من يطلع يسوك يكون جايب شي وياه جيس جديد ياعلبه يالفه حب اليوم شيشه
وكل مره من يتقربلي اختنك من التقليص الي مقلصته اخاف اتحرك احس حته النفس اكطعه
راح للكهوه العصر ورجع جايب وياه حب وكرزات وجكليت وحلويات كلشي ممكن تشتهي النفس جايبه هوه مقرر ب9لازم اينام ميسيطر اكثر صبيت العشه وتعشينه ورحت اغسل لمواعين صاحني صوته بالغرفه
نعم
عوفي البيدج هسه تعالي نامي يمي
والله هل كلمه من اسمعهه مثل الي يكولي اتشهدي راح ايوجهوج عله الموت
حاضر بعيني صعدت يمه ضل يلزم بجسمي ويحاول اخر شي راسه وكع عله صدري ويطلع اصوات شلون يعني مثل اغغغغغغغغغغغغغغغغ اغغغغغغ وجسمه كله يرجف دفعته بسرعه ع الجهه الثانيه اعيط اصيح ماكو بس جسمه يرجف وشفته زركت ويطلع صوت اغغغغغغغغغ ركضت جبت دولكه مي وذبيتهه عليه كعدته عدل اهز بيه ماكو بيدي مثل الطينه هذا الي شثكله ماكو مثل الطين يتحرك بيدي رحت جبت مي مره ثانيه واذب عليه واعيط واصيح كال غطيني بردان بس بالكوه يحجي الجربايه كلهه مي صارت من جهتهه دفعته ادفع عل جهه الثانيه وغطيته يرجف هوه ركضت سويت عصير برتقال كومته بالكوه شربتهياه ورجع نام كرهت زواجي عله هل شغله عله يومهه كل يوم جسمي يرجف ومثل لمخبله اركض عله شنو ضل للصبح ساعه ايصخن ويعرك وساعه يبرد ايثلج كلت بس يطلع الصبح اروح لهلي الدنيه ليل واهلي بعيدين علينه وماعرف لاجار ولااحد هنا ضليت من يصخن اسوي كمادات ومن يبرد اغطيه للصبح كعد بس وجهه اصفر كومته للحمام وسبحته وطلعته ريكتهه كوه يتحرك هوه اكل وراد اينام لجربايه من البارحه كلهه مي الغرفه الثانيه بيهه سرير حديد ابو نفر نيمته عليهه وطلعت لفراش كله ع الشمس ورجعت فتت سويتله برتقال كتله راح اصيح احد ايودينه للمستشفى مقبل ضليت كل ساعتين مكعدته اشربه كلاص برتقال للمغرب اتقيئ رجعت طببته سبحته ونيمته ونضفت الغرفه هوه صاحي وحاس بس ميكدر يتحرك مثل التعبان المهدود نام وضليت للصبح اراقبه لا زين مومثل البارحه بس كل شويه يكعد ايريد مي حسيت الصبح يكعدني
الحجي: مريم كومي ليش هيج عله الكرسي نايمه كومي مكسوره ركبتج كومي
مريم: صباح الخير حجي شلونك اليوم
الحجي :زين زين الحمدلله ليضل بالج كومي نامي
مريم :لالاحسويلك ريوك هم يالله سندته كعدته بصاله وسويتله حليب خليته يشربه عله ريكه وطكيتله بيض ريكته
احضرلك هدوم تطلع
الحجي :لالا بس جيبي دفتر الارقام بمجر البوفيه اكولهم مااجي اليوم هسه ضال بالهم لاالبارحه رحت ولا اليوم
مريم: اطيته الدفتر وطلع رقم اتصل اسمعه ايكوله ابو مريم مااجي اني شويه تعبان عرفت ده يحجي ويه ابويه اخذته سلمت عليه ورحت سويتله كلاص عصير برتقال وشربتلهياه
شلون تحس نفسك اليوم
الحجي :لاالحمدلله نعمه من الله وين جنت
مريم: الحمدلله يله راح اسويلك شوربه ع اللحم حته خفيفه عله معدتك
جنت مقرره يرتاح واحجي وياه شغله واضحه دياخذ ادويه وماعرف شنو حته يكدر يتقرب الي وهذا ده ايتعبه
