#مختلفه عنهم
الجزءالخامس والعشرون
ل وردالعامري
مريم: سعاد اتضمين سري لو مثل سالفه لحجي كل شويه تردين تحجيهه
سعاد: والله خيتي من ضيم كلبي شسوي كولي حبيبه سرج ابير
مريم: حلفي سعاد
سعاد: اكمع بنتي اذا حجيت شي
مريم: سولفت لسعاد كلشي وهيه تخرمش خدودهه وتصيح يبو
سعاد: اي وهسه شلون
مريم: ماعرف من شفته كالي هاي الثانيه والثالثه تنتضرج
سعاد: يعني شنو
مريم: يعني هوه وره تبطيلتي ومن جيت سمعت بسطيه ابويه شايليهه
سعاد: ماكلج لمدير منو لي سائل عليج
مريم: لا مكلي
سعاد: صخام هذا اكيد يروح يكولهم عليج حجي موزين ايجوز رهم سالفه وراح للمدير كله ونفس الشي ويه الحجي بس شغله ابوج شلون
مريم: موصعبه سعاد ايبلغ البلديه وتطلع عليه
سعاد: عيني شهل بلوه شتكولين نكول لامج تخابر شميسه
مريم: اي حته انفضح اكثر وشميسه من حاجتهه امج كالت فصخنه الخطبه وياه طلع موخوش ادمي وان حجيت هسه يعني فضيحه اكبر
سعاد :ياحضج الاسود يمريم شوفي خيتي مالهه غير حل عوفيه لااديريله بال والرزق مو عله احد الرزق عله الله وخيتي والله اعرف بيج تخافين الله ومتسوين الحرام ديري بالج حبيبه تره صح كاتلنه الفكر وبالكوه مدبرين العيشه بس يخيتي كلهه يهون اهم شي الشرف هذا ابوج عاش عمره كله العالم تحلف براسه ديري بالج خيتي مومن الضغط العليج تستسلمين شفتي جدج لمسكين من بعد مالعالم تحجي بزينه تالي نزل راسه من وره خالاتج يوم اسود يوم الي شفناهن
مريم: لاتخافين خيتي لتوصين حريص والله ياخذ روحي ولااعيش بعار
سعاد: فدوه لطولج خيتي عفيه عليج تره حته عذاب الله هم وراج بالاخره يعتبر زنه حبيبه ديري بالج
قصي: تخابر شمس عادي احاجيهه ماحسستهه بشي خلص هذا الثار ثاري صار نور تلح خليتهه كم مره تجي وبعدهه روحي طالعه اني تصعب عليه وحده وتمد ايدهه عليه بنت الكلب والله اله اخليج متندلين راسج وين هاي ايدج الي دفعتني اذا ماخليهه تترجاني وتطلب الرحمه اني تضربيني يصير خير
مريم: طلعت الصبح مستبشره خير يارب تفتحهه بوجهي يارب رحت للمحل ونضفت ويه لبنيه لتنضف وعدلت التعاليك وسفطت السيتات
ام نرجس (صاحبه المحل) :عفيه عفيه مريم خوش ترتيب هذا عاشت ايدج
مريم: شكرا ست
ام نرجس: هههههه نزول عليج ست شنو كولي باجي عيوني
مريم: حاضر باجي تؤمرين
اشتغل من كل كلبي حته الله يهديهه عليه وربي يفتحهه بوجهي ب10فات ولد رفيع
السلام عليكم
وعليكم السلام
وين صاحبه المحل
تفضل عيني جوه كاعده
مريم: اني واكفه وره المكياج وطب الولد حجه ويه انغام طببته جوه اني شعليه ضليت ارتب واجيب منا واحط هنا طلع الولد ووراه ام نرجس وصلته لباب المحل وطبت
ام نرجس: مريم عيني مااريد عاملات اعذريني
مريم: ليش باجي طلع مني غلط
ام نرجس: لاوالله حشاج بس حسبت حساباتي ماكدر ادفعلج راتب لان عندي ايجار شوفي غير محل عزيزتي
مريم: اخذت جنطتي وطلعت مخنوكه الدنيه اضيق من حلقه الخاتم بوجهي وين اروح وشسوي ليش مكتوب عليه هيج اني امشي واحجي ويه نفسي سمعت صوت ورايه صاح مريم انداريت شفته قصي
قصي: تحركاتهه اول باول يمي اجاني خبر اشتغلت يم ام نرجس المسيحيه ههههههههاي مااضرب من شمس اله ام نرجس دزيتلهه واحد من لولد يبلغهه تبطل مريم لان وراها مشاكل والمره مقصرت طلع الولد اني كاعد بسياره وره 5دقايق مواكثر طلعت مريم اني نزلت من السياره امشي وراها مبين من حركت ايدهه تمسح بوجهه صحتهه اندارت عيونهه مليانه دموع ومثل الطفله تنزل دموعهه
مريم: شتريد مني شتريد مني
قصي: اشششش لصيحين بشارع احنه لاتخليني اعلكج بتيل هسه
مريم: ياريت تسوي فضل تكتلني وتخلصني من شوفتك
قصي: هههههه ليش مااعجب مثل الشايب الي جنتي عنده
مريم: الله يخليك عوفني بحالي والله ماافيدك اني
قصي:شغله تفيديني اومتفيديني اني اقررهه ولتبيعين شرفيات عليه خلاتج تره عشره عمر وياهن
مريم: والله احنه مومثلهم والله وماعرفناهن غير ذاك اليوم الله يخليك والله روح اسئل والله مالنه علاقه بيهن
قصي: هههه يعني عود اشرف منهن انتي من بعتي نفسج لشايب علمود فلوسه
مريم: ياربي وحله شلون مااخلص اني متكولي شتريد مني تطلبني بعداوه انت
قصي: الي اريده تعرفيه كلش زين ليله وحده وكل هذا الي صار يتصلح واطيج الي تطلبيه
مريم: استغفرالله يااخي بنات الي تريدهن تارسات الدنيه شجلبت بيه عوفني بحالي
قصي: مزاجي وانتي هنا بدماغي ومامتعلم اريد شي وماانوله وكتلج اطيج الي يخليج تحلين كل امورج من البلديه وشيلي ايدج وليله وحده متخسرج شي
مريم: تعرف والله لو امد ايدي واجدي مااسوي الي ابالك
قصي: مريم رحمي نفسج تره انتي موكدي
مريم :اني موكدك بس الله اكبر من الكل
قصي: مريم عنادج ميفيدج نفذي وارتاحي وريحي
مريم: مااسوي الي تريده لو عله كص ركبتي
قصي: لج بابا لتعاندين والله الي شفتي نقطه ابحر تره
مريم: اكولك شغله اني ذابه حمولي عله ربي واعله مابخيلك اركبه
قصي':اعصابي صارت نار مريم روحي بس ها وهل شارب ازينه اذا ماندمتج والي ميجي بالعيني واغاني يجبوه سحل
مريم: من كتله اعله مابخيلك عض شفته الجوانيه بقوه لدرجه طلع من شفته دم لزم شاربه حلف بي وكالي يجبوه سحل وعافني وراح
عزه بعينج يمريم شهل ورطه ياربي وين اولي وين اطي وجهي والله لوامي اتمددني عل قبله مااطلع باب الحوش بعد بطلت والي تريد تسويه خل تسويه
