#مختلفه عنهم
الجزءالتاسع
ل وردالعامري
مريم :غديته ونام الضهريه واني احوص شلون افتح حجي وياه كعد لعصر سويتله جاي وكعد كباله بس احوص اريد احجي وماعرف منين ابدي
الحجي: كولي مريم شعندج مبينه كومه سوالف عندج
مريم: هاا اي والله حجي بس لاتزعل مني فدوه
الحجي: كولي كولي ماازعل
مريم :حجي والله اني اخاف عليك كل مره من تتخربط ماعرف شسوي وبصراحه اني ده اشوف هذا لدوه لجيبه ديتعبك عيني حجي كل الي اريده تضل فوك راسي فدوه عوف هل ادويه
الحجي: عله الي صار بيه البارحه مستحيل اخذ شي بعد البارحه شفت الموت بعيني هذا البرتقال خلاني استفرغه يله ارتاحيت
مريم: اي والله حجي خل يولي شلك بي ياعيني
الحجي: مريم اذا تردين تطلكين ماعندي مانع بس بشرط ماتبقون بالمنطقه بعد والي صار ميطلع ياما خل الكه حل حته من تطلكين لاتكوليلهم شي عني
مريم: لاعيني حجي منوكال هل حجي فدوه لعمرك وليش اطلك هياتني عايشه ومرتاحه وبعدين شكو بيهه ياعيني عايشه وياك اخدمك اني لو ضجت مني
الحجي: لالا والله بالعكس ماليه عليه البيت جنت مااطيق اكعد بيه الحياطين تطبك عله صدري زين هسه اكو ونيس بس اخاف مثل غيرج تردين واحد يكفي
مريم: حجي عيني انت مكفي وموفي ليش هيه شنيه الدنيه بس هاي اكوم اسويلك العشه عيوني
كمت من يمه واذكر كلامه متبقون بالمنطقه انوب يكولي اشوف حل يمه عزه هذا حته لااحد يحجي عليه والله كل شي يسوي هسه اني قابل كاتله روحي عله هل شغله شوعايشه واكل احسن اكل واحسن لبس هذا هوه مريم سكتي ولاتفتحين هيج موضوع ولج ابوج يكعد وبعد مين ايجيب عيشه لخوتج
عدت كم يوم واجه من المحل اتغده وصاحني
عيوني حجي صحتني
الحجي :اي تعالي شوفي شجبتلج
مريم: الله عاشت ايدك حجي كلش حلو هل حجل
الحجي :دلبسيه لبسيه
مريم: لبسته وكمت بسته من راسه الله يخليك عله راسي حجي
الحجي: شوفي مريم اني اريد احد ايعيش ويايه هذا لبيت شوفي شكبره مابيه بس اني واريد احد ويايه واني ردتج وردت ونيس فسمعيني زين ان بقيتي ويايه وحفضتي سري اكرمج وماخلي بنفسج شي حته اخوتج الصغار وابوج كلهم اني مسؤل عنهم وان كلتي لا فمااغصبج اني بس حطي ابالج تشوفون غير منطقه وكلشي مالج يمي لاانتي ولاابوج وهذا ابوج شفتي جرب يشتغل محد ايشغله وفوك كل هذا اشوفلي احد ايفض الشغله الي ماكدرتلهه اني حته اتأكد انج متحجين شي واذا حجيتي راح تكونين انتي الموزينه كدام الناس وبذاك الوقت ايكون ذبحج حلال ان فتحتي حلكج بشي وانتي حره اختاري ان بقيتي هنا الج العين اوسع من الكاع واني ردتي لطلاك ماعندي مانع بس بعد ميتنفذ الي حجيته
