#مختلفه عنهم
الجزءالعاشر
ل وردالعامري
مريم: حجي اروحلك فدوه عيني شهل حجي موكتلك اني ماريد لاطلاك ولاشي اني هنا باقيه اخدمك بعيوني والله حته اني تعلمت عليك وكلشي ماريد والله لاذهب ولافلوس ولاشي هذا البيت ساترني وتحت اجناحك اني الحمدلله
الحجي: ماشي يامريم ومثل مكتلج العين الج اوسع من الكاع وع راسه احطج وادللج دلال بعمرج مشايفه مثله
مريم :الله يخليك النه حجي
ضليت اندب حضي بداخلي من غير مااخلي احد ايحس بيه يعني مالي خلاص ولاالي عيشه مثل هل ناس ذبيت حمولي عله الله واجه ابالي كلام ابويه وسعاد الرجال ايريد ممرضه وخلص اني ممرضه اله كمت اداريه ماانسه دواه اركب الاكل الي هوه يحبه حته زيان كمت اكعده بالحديقه وازينه ودشاديش كوي وتعديل حسبت روحي خدامه وممرضه اله وهوه ممقصر ويه اهلي بشي ولاويايه بين يومين والثالث جايبلي قطعه ذهب بس ممنوع لااطب ولااطلع كل يوم نكعد العصر بالحديقه واحطله فواكه كدامه ونسولف سوالفه حلوه وبيوم من خلال الحديث ماعرف شلون تجرءت وسئلته
حجي عيوني انت والله اكو سؤال بخاطري بس اخاف تزعل مني
الحجي: لا مريم انت غاليه ماازعل منج كولي شنو سؤالج
مريم: يعني حجي من سوالفك انت ماشاءالله غني ابا عن جد يعني ليش لحد هل عمر يعني قصدي ليش مزوجت بشبابك
الحجي: شوفي مريم هذا لسر محد يعرف بيه بس راح اسولفه الج شوفي اني مو من بغداد اني من محافضه……… . تزوجت واني عمري 19 سنه بت امي الله يرحمهه جابتهه بت ناس عله كد حالهم اخذتهه بس بصعوبه دخلت عليهه وراها كل مااريد اتقربلهه هيه تتعب واني اتعب اكثر منهه رحت وحجيت حالتي لاابوي الله يرحمه كال اخذك لطبيب بغير محافضه ونشوف رحنه لواحد وفحصني وحجيتله كال هذا ضعف يعني غير قادر عله اقامه علاقه زوجيه كتبلي ابر وادويه وضليت فتره بس بلافايده كام ابوي واخذني لسوريا كالوله هناك حكيم ماكو منه مجرب رحناله ونفس الشي كاله ونفس الادويه وبلافايده لحد ماتعبت من اجكجك الابر وزوجتي هم تريد رجال قادر لكل وقت طلبت الطلاك وابوي اطاهم فلوس حته تسكت بس طلع طراطيش حجي واخذنه ابوي وجابنه لبغداد وابوي وامي كضو حياتهم ببغداد وماتو ببغداد وانه ضليت لالي احد ولاماحود وابوي الله يرحمه بصعوبه صار عنده خلفه صرت انه وبعد ماصار المهم فاتت سنين وبنين وانه استعمل اعشاب كل يوم رايح لعشاب شكل بالاخير كالولي هذا عشبه وماكو منهه بعد هيه ولاغير وقنعوني اخذ بت صغيره عله كولتهم طري بيهه شيباتك وانتي جيتي عله ابوج عجبتيني كلت يله ابوها عله كد الايد وانه اعين اهلهه وهيه تعيني والباقي تعرفيه شأخذ يكلب علي لحد ما اخر مره خلص حسيت بالموت وكلت اتوبه بعد من هل نوبه
مريم: اي والحظ جابك عليه متعني عنايه يله الحمدلله عل كل حال حالي احسن من غيري
ضليت 4شهور وياه لباب البيت مااطلع واذا راد ايوديني لهلي ايذبني بالباب وممنوع اطلع من بيت اهلي لحد مايجي هوه ياخذني من الباب وكل ماروح تلزمني امي وتقره عله بطني حته الله يفتحهه واحبل وانه امثله الدور واكول ان شاءالله سعاد جانت كل متشوفني تكول هذا كله ممقتنه بيه بس يجي يومج واصيدج كمت اتعمد مااشوفهه لوحدي لازم وياي احد كاعد
الحجي ممقصر ويايه بشي واني تعلمت عليه كمت احب اكعد واسولف وياه واحب من يحمدني عله اهتمامي صح هوه عنده انانيه وياي مايقبل ايطلكني واذا حجيت بطلاك راح اينفذ لبراسه نسيت بيوم من الايام اطلك او افكر بطلاك ذبيت همومي عله الله والي كاتبه ربي ايصير بس حاجيته مره ايخليني اشتغل ملت روحي من كعدت لبيت اريد شي ايلهيني
اليوم كاعده اشتغل ابيتي الحجي بشغله وندكت الباب منوو
اني سعاد فتحي مريم
