#مختلفه عنهم+18
الجزءالخامس
ل وردالعامري
مريم :ثاني يوم من جيت جان. حجي شهاب موجود سلمت وطبيت للغرفه مجرد شوفته كافيه وره شويه راح كعدنه ع الغده وابويه ساد لموضوع محجه بس امي بدت
ام مريم: اكول رضا شنو مناوي تفتح لموضوع
ابومريم :ياموضوع هذا يامره اكلي وسكتي فتحناه وسديناه وانتهه موكل يوم نعيد الحجي
ام مريم: اي بس هم لازم تحجي متعرف الواحد بين ساعه وساعه راي اكولج يمه مريم حجي شهاب اجه لبوج وصار كم مره يجي
ابومريم :زكيه خل نسمم سدي الموضوع
مريم: لاليش بابا اذا عله موضوع الزواج اني موافقه
ابو مريم :شنو موافقه بابا موذاك اليوم فتحنه السالفه وسديناها شعادها
ام مريم: لاتباوع عليه حجي مادري اني حالي حالك هسه ده اسمع
مريم: بابا فكرت بالموضوع وشفت من مصلحتي اخذ الحجي
ابومريم: لج اي مصلحه هذي تخبلتي انتي ولج هذا يريد ممرضه مو زوجه لج بابا اعرف حطوهه بعقلج بس والله تندمين
مريم: امي تأشرلي كتله بابا اني موافقه
ام مريم: والله يارجال انت طولتهه لبنيه موافقه اني شايل لحيتي شلك غرض ياقاضي لبنيه ده تكولك موافقه بعد شكو
ابومريم: كله البله من راسج عبالج مادري
مريم: بابا محد ادخل هذا قراري اني وفكرت وشفت مالكه قسمه احسن من الحجي
ابو مريم: يصير خير بابا اللهم اني بلغت فااشهد
مريم: طبيت للغرفه بحجه انام كتمت صوتي بالمخده وشبعت بجي عله حضي بس يله قابل شحيصير عله كولت امي راح البس واساعدابويه الي نكسر ضهره علينه ردو خبر للحجي واجه يشوف طلباتنه محد طلب شي كناله بكيفك اتواعد ويه ابويه يجي باجر علينه اخذني واخذلي ذهب بوقتهه اخذلي كرسي جابر وبتوت واخذنه للكاضم زرنه اتفقووا وياه اهلي وره سنه جدي الزواج هسه هيج عود بس خطبه لاحفله ولاابد بس اشتره النيشان بين يوم ويوم يجي يمنه ومحمل مسواك وفواكهه امي طايره بكل شي وياهوه الي تشوفه نسيبي جابلنه هذا لتفاح الاحمر ذيج الايام جان التفاح ينباع وحدات وذاك من ذاك لي يشتريه يجي يتغده يمنه ويكعدون هوه وابويه يايسون حسابات يا يحجون عله امور السوك حته مواضيع مشتركه بينه ماكو جنت اتمنه احس بالفرحه الي اشوفهه بعيون اخوتي لصغار وامي بس ماكو احس كلشي ميفرحني ابويه هم رجع شويه ارتاح رجعه حجي شهاب لشغله وزاد راتبه
مشت ايامنه عادي بين سعاد لتكولي لحكي خلصي تره تندمين وبين امي وسهاد ليحسدني عله هل نصيب قربت السنه مال جدي وامي تريد تروح وجلبنه بيهه اله نروح وياج عدنه خالات وخوال اريد نعرفهم ابويه معارض قنعناه بالكوه ورحنه. ويه امي وهوه ايوصي باامي بناتج بناتج ودز ويانه مرتضى جان عمره ٩ سنين ويوصي عينك عله خواتك رحنه وتعرفنه ع خالاتي جانن ٦ خالات وامي السابعه شفنه بس خمسه حبابات ويبوسن بينه ويبجن. حجن عله امي لان كاطعتنه خوال ماعدنه هنه بس ٧ بنات عد جدي رحنه للمقبره وبيبي تحجي ويه قبر جدنه اكوله ذني بنات زكيه مشفتهن وانت حي شوفهن هسه بكبرك دزهن رضا خلاك بحسره شوفتهن وتالي بموتك دزهن وتبجي واحنا طرشان بزفه بس فرحانات بخالاتنه ولهفتهن علينه رجعنه لبيت جدي جانو اماجرين كوستر ورحنه بيه من طبينه الفرع جانت سياره سوده واكفه نزلت منهه مره امي كالت لخالتي سهيله اكبر وحده بخالتي هاي شجابهه خالتي كالتلهه من مات ابويه جتي وكعت علينه واعتذرت وشريد منهه احد هيه عله كد بيت ابونه نشوفهه بي لاتوصلنه ولانوصلهه نزلنه احنا وضلن يتسالمن كاطعات الشارع ونزلن بنات ثنين من السياره واخر شي نزلت وحده من الصدر بس لبسهه ووجهه مختلف عبالك ممثله حرك الرجال الي بسياره وراح وبعدين عرفنه هذي خالتي اسمهه شمس عدهه ٣بنات و٣ ولد حضنت امي وكامت تبجي وامي تبجي وياه اتكولهه انتي السبب خليتي ابويه يموت ومشايف جهالنه
