#مختلف عنهم
الجزءالسادس عشر
ل وردالعامري
قصي :فوتت يومين وخابرت عله شمس الوو هاشموسه
شمس :هلاسيدي عاش من سمع صوتك عيني
قصي: هههه شسوي بنتج صار يومين لج بابا روحي متقبل كاعده عله كلبي
شمس: اي غير تحبك
قصي: اي اني هم احبهه ههه
شمس: هاا سيدي صدك تحبهه
قصي: اي ليش مسامعه سعدي لحلي شيكول كلبي يحب كل حلو وروحو عني اسئلو هههههه
شمس: ههههههههههه متبطل سوالفك نزول عليك
قصي: هسه عوفينه اسويتلي عل شغله الكتلج بيهه
شمس: ياسالفه عيوني
قصي: عله بت اختج شمس مرت الشايب
شمس: والله سيدي مومتلك ذوله ماكدر لااحجي وياهم ولااقترب الهم خطر ذوله سيدي خطر هههه
قصي: شمس تدرين بيه من ازعل فلاتزعليني منج بهل دروب كتلج احليلج حلكج
شمس: سيدي وروح ابويه موهذا قصدي هسه بس أئمر عله اي وحده توصلك
قصي: شموسه عوفي ابوج نايم ومرتاح الرجال شمس تعرفين قصي اذا حطيت براسي وحده وكلت اريدهه يعني اريدهه تكدرين لو اخابر عله اميره وتدرين تتمنه لمره بس احجي
شمس: لالا سيدي فدوه لعينك تدلل والله احاول بس متكلي شعجبك بيهه هل زعطوطه
قصي: طبت براسي وانت جربتي لطب براسي خلص تعشعش ماارتاح اله انفذ الي اريده واكرر اذا متكدرين اشوف غيرج
شمس: هاي شبيك ويايه ياعيني بس اطيني صبر لان ذوله ماكدر اروحلهم بعد اسبوع سهيله تريد تسوي حفله لبتهه تعقد مهر وعزمتنه هسه اأكد عليهه اشوف عازمتهم وميصير خاطرك اله طيب
قصي':نشوف شموسه نشوف خابري عله بتج عفتهه بشقه تره بده صبري يخلص لازكه يمي شكو خابريها خل ترجع واني من اريدهه اطلبه
سديته وبالي ام حجل يصير خير ام الشياب اذا ماخليتج مثل نور تبوسين قنادر اني موقصي
مريم: حياتي عاديه ماشيه وخصوصا الحجي يسمحلي ازور خواتي واطلع وياهم البيت جبير يخنك خصوصا من اينام هوه ضوجه لاحد يحجي ويايه ولاونيس اضل عل فديو اباوع يااكضيهه اقره قران واصلي عندي تلفون ارضي خابرتني خالتي سهيله تعزمنه ع مهر ثريا
الحجي: منو مريم
مريم: حجي خالتي سهيله تكول الجمعه الجايه تسوي حفله مهر لثريا وده تعزمنه وكالتلي اكول لاامي
الحجي: اي شكو بيهه هم تغيرون جو
مريم: يعني تسمحلي اروح حجي
لحجي: اي ليش لا روحي ويه حبايبج سولفي وهم فرحه هذي
مريم: الله يخليك فوك راسي عيوني حجي بين متصلي عشاك يكون جاهز
شكد افرح من اسمع بحفله خطبه لوعرس عبالك اني العروس احير شلبس وشوكت وشلون اريد اغمض وافتح والكه روحي بنص الحفله بلغت امي والبنات سعاد وسهاد راح يحضرن
سهاد: خيه واحد من هل نفانيف الحلوه اطيني اكشخ بيه
سعاد: ليش وين تحطيه بتك رجل نفنوف مريم
سهاد: غارت سعده شعليج انه واخيتي
مريم: ههه تدللين بس صدك منتلابس ولايهمج باجر اني اروحلج للقسم النسائي واجيبلج الج ولسعاد نفانيف حلوه
سعاد: لالا اني ماريد
سهاد: امداج لاتردين اي والله خيه مريومه فدوه لعينج حته اكشخ بيه بمهر ثريه
مريم: سعاد كالعاده رفضت ومتقبل باي شي من فلوس الحجي رحت لدوامي وهناك صديقتي بالقسم النسائي رحتله نوال ساعدتني هم بالاختيار اخذت نفنون لسهاد وعجبتني تنوره قصيره وقميص مشجر لسعاد
نوال :مريم انتي شتاخذين
مريم: والله يانوال ممفكره
نوال: تعالي اني عندي الج فدشغله تكعد تخبل عليج وخصوصا انتي جسمج مخصر يكعد عليج
مريم: شنو بله
نوال: شوفي هذا لموديل بنطرون هذا ايسموه جارلس باعي هذا من يم الخصر يصعدللبطن عبالك لاستيك يلزك يخصر الخصر واني ارهملج وياه تيشيرت حلو يكعد عليج يموت يموت
مريم: خوش لعد يله عله ذوقج هل مره اخذ
طلعتلي بنطرون ازرك وتشيرت وردي فاتح عجبني كلش حلوات
اخذتهن ووديت غراض خواتي وسعاد اله حلفتلهه مالتهه مومن فلوس الحجي مالات راتبي اني جامعتهن يله قبلت تاخذهن التمينه ابيت اهلي الجمعه حته مناك اروح اليوم الحجي وابويه يكعدون يسون لحسابات ميوصلونه حضرنه نفسنه
سعاد: مريم تعالي اشدلج شعرج ذيل حصان عالي مثل صباح
مريم: هههه يله عيني شفايتلي
تغدينه واخذن زعطهن ورحنه
