#مختلفه عنهم
الجزءالرابع
ل وردالعامري
مريم :بعدهم ممكملين واجبهم
سهاد: وج عوفيهم اريدج انه وامي بسالفه
مريم: شنو السالفه شكو طبت سعاد وراهن
سعاد: ولج سهاد لاتشيلين خطيه اخيتج
ام مريم: امداج عود كلت الجبيره سعاد بنيتي العاقله تجي تعقل اختهه طلعت مخبله اكثر من اختهه
سهاد: سعيده كعدي فوك متكيفين ابوج يرتاح واخيتج تعيش وتلبس تطلع من هل فكر
مريومه خيتي والله موجبير اني شفتهه
مريم: هااا الحجي عله حجي رضا
ام مريم: اي عله حجي رضا ولج يزماله اكو وحده يجيهه كنز وادفره برجلهه
سهاد: اي والله كنز ولج بيته شكبره وبس الج وشفتي سيارته ومحلات
سعاد: شنو الفايده اذا جان بكد جدهه تعيش وياه لو ويه فلوسه هيه
ام مريم: سعاد سكتي لااكوملج بلي ابرجلي وعلي اكطعه عليج
سهاد: مريم خيتي معليج بهاي عقلهه واكف ام الحب وحبيني لو بيه خير الحب جان موهسه اخيتج كاعده ويه رجلهه بغرفه هيه وجاهلهه وكومه عيال عله راسهه
سعاد: اي شنو يعني لمهم احبه ويحبني اني عايشه وياه لو عايشه وي طابوك الغرفه
ام مريم: ولج مريم ابوج حيموت وهاي سعيده ماتفتهم شي ولج ذوله خوانج لي تكولين احبهم راح يشغل مرتضى حمال ابوج حته يجيب العيشه
سهاد: يمه لاتبجين والله بجيتيني وياج لامريم حنينه وكلبهه ابيض متعوف اخوهه يعوف لمدرسه وينكسر ضهره بالحماله
مريم: امي حطت شيلتهه ع وجهه وتبجي وسهاد هم تبجي يعني هيج اني ماعندي كلب اعوف اخويه يمه سوده بوجهي هوه هل واحد بعده ووين ووين لحماله هوه حته لحمه مابيه معصعص شلون يشتغل حمال
لايمه لاتبجين هذا هوه الي تردوه 😭
سعاد: صخام الصخمج ولج لاترضين حياتج هاي محد ليعيش عيشتج
مريم: امي كامت عله سعاد ضربتهه بالنعال وطلعتهه بره وجتي تبوس بيه
ام مريم: يبعد عين امج يمه والله ترتاحين فلوس واكل وتفاح هذا لاحمر الي نحلم بيه تكومين تاكلين منه وابوج يرجع يشتغل ويعيش ذوله لمكاريد اخوتج
سهاد: اي ولج مريم كنز انفتحلج تكومين تلبسين كله مثل سعاد حسني بوياااي شكو عليج
ام مريم: سمعي يمه ابوج عقله بدينارين ميعرف مصلحتج انا باجر امر عله حجي شهاب واكوله يرد يفتح. لموضوع ويه ابوج ومن يسئلج كولي موافقه وشيكولج كولي قابله عفيه يمه بعد بيتي الحنينه ام كلب الابيض انه اعرف ميهون عليج ميعاد ومرتضى خايبه انتي امهم موانه انتي توكلين وتلبسين وادرسين مواشتغلتي يايمه علمود يومياتهم هسه لا تشتغلين ولااتعبين وتكومين تشتريلهم لبس وجنط
مريم: ابجي وياهم ماعرف ابجي عله حجيهم لوابجي عله روحي طلعت امي فرحانه ومكيفه وطبت سعاد مفرفحه
سعاد :ولج لاترضين بكد جدج هذا حرام والله تموتين بالحيه وياه ولج هسه وكت لعبج انتي بعدج ماصرتي 16سنه شجابرج ولج لاترضين
مريم: واعوف اخوج يشتغل حماال لو ابوج الي مده يلكه شغل والي يشغله يومين ويبطله خلص ماعليه شي اني قابل حياكلني هذا هوه
سعاد: مريم محد خسران غيرج اعرف الحجي ميفيد مادام امي وسهاد تعاونن يقنعنج بس تره اخوج باجر يكبر ويزوج وينسه اصلا انتي شلون عايشه هاي اذا اذكر يسئل عليج وابوج وامج مدايمين واحنا تعرفين انتي كل وحده مزوجهه ووراها رجال وجهال وعيال يعني اذا نواسيج ساعه باقي الوقت لبيوتنه والخسران الوحيد انتي الرجال جبير يعني حته طفل ميصير عندج بااختصار ياخيتي انتي راح تصيرين ممرضه اله مو زوجه اله مثل مكتلج حجي بلافايده بس بريت ذمتي امام الله واعرف هسه اذا كلتي مموافقه بس يدخلن امي وسهام ترضين الله يسعدج خيتي مالي غير الدعاء الج
