#مختلفه عنهم
الجزءالتاسع عشر
ل وردالعامري
مريم: الطريق كله خواتي وامي يصيحن شبيج
مابيه بس رجعوني لبيتي
سعاد :مريم مال مابيه هاي ماتمشي عليه تجين ويانه لبيت اهلي وحجي زايد ماريد
مريم: رجعنه للبيت ولحن عليه واني سولفتلهن كلشي
ام مريم: صخام الصخمج ياشميسه موكلتي بطلت وتبت
سعاد: من شنو اتوب يمه ليش شبيهه هيه
ام مريم: اوف هاي مشت بدرب اعوج هيه ورجلهه وسحبو اميره ورجلهه وياهم ومن ذاك اليوم ابويه تبره منهن واحنا زلمنه منعونه حته نوصل بيت اهلنه من مات ابويه جتي وكالت تبت توبه نصوحه والله يقبل التوبه وكلنه خليهه نشوفهه ابيت اهلنه وماتوصل لبيوتنه
سهاد: يمه اخاف صدك تايبه ونسيبهه واحد موخوش ادمي اتحارش بمريمض
سعاد: بس كوليلي انتي صدك غبيه لوتستغبين ده تكولج محاجيتهه وشغلت العصير واريد اكوم وياهه مخلتني هذا كله مدبر
ام مريم: والله لروح لشميسه والعب بيهه طوبه
سهاد: لايمه يمعوده تردين اطلكينه من زلمنه اذا سمعو والله يذبون هنا
سعاد: شكدانانيه انتي ومفكرتي بااختج
سهاد: بالعكس فكرت بيهه اذا سمع رجلهه يطلكهه وثانيا عليمن خايفين ردتهه وردت النكس الي وياهه واختنه ونعرفهه متسوي الغلط مو مريومه حبيبه
مريم: اشايفيني انتو ليش هيج تحجن حاصرتني البجيه ولكيت حجه افرغ بيهه
سعاد: اوووف هذا الي كلته وماخذتن حجايتي طفله ويشوفوها بيد شايب شكو كلب يطمع بيهه
ام مريم: رجعت سعاد لنفس الموال عوفن البنيه كافي عاد كومي يمه اردج لبيتج
مريم: رجعت لبيتي احس روحي تعبانه والله خوفني الحجي بعده مراجع طبيت لغرفتي نمت وللصبح يله كعدت لكيت للحجي بالحديقه
صباح لخير حجي
الحجي: هلاصباح النور مريم البارحه شوكت رجعتو رجعت لكيتج بسابع نومه
مريم;:اي والله دخت من صوت المسجل والهوسه ورجعنه من وكت اعذرني محسيت عليك البارحه سوده عليه نمت بله عشه
الحجي :لالا اسم الله عليج تعشينه انه وابوج ومن رجعت شفتج نايمه انه هم نمت يله كومي سويلنه ريوك ورانه شغل وحته اليوم انه اذبج لدوامج طالع للشورجه
قصي :رجعت للشقه مورث نار اني هاي الزعطوطه ام لشياب تمد ايدهه عليهه يصير خير خابررت عله شمس نص الليل
الوو
نور: هلو حبيبي ليش رحت موكتلك انتضرني
قصي: نور واصله روحي لخشمي ليش تخليني اجي افرغ شكو بالمسدس براسج اطيني امج بسرعه
شمس: هلاسيدي خير جتي كعدتني نور تكول صاير اعصاب
قصي: شمس عنوان بيت اختج وين
شمس: وعيونك سيدي ماندلهم
قصي: شمس اسمهه الثلاثي واسم امهه لوهم متعرفيه
شمس: لاسيدي اعرفه بس شسوي بيه
قصي: شمسسس تره مشتعل نار ليش اهجم بيتج عله راسج اطيني الاسم وبله لغوه
شمس: اي عيني اي بس اعصابك عيني اسمهه مريم رضا جبر حمادي
وامهه زكيه محسن هاشم صالح
قصي: ولي هذاهوه
سديته واتصلت عله حارث
الو ها حارث اليوم خفاره مو
هلاسيدي اي والله خفاره
قصي: جيب ورقه وقلم وسجل هذا الاسم خلال يومين اريد تقرير مفصل عله مكتبي سجل
حارث :بعيوني سيدي تدلل يومين ويمك التقرير
قصي: يصير خير اعلمج شلون تتطاولين عله اسيادج صايره شريفه ام الشياب هههه خالاتج منو شمس واميره بت الكلب اني هيج وحده تحرك اعصابي اذا ملفيتج حوالين نفسج موقصي
