#مختلفه عنهم
الجزءالسادس والعشرون
ل وردالعامري
مريم: رجعت للبيت ابويه كاعد بالهول بابا ممكن احجي وياك
ابومريم: اي بويه تعالي ليش دموعج عله خدج بويه شبيج
مريم :بابا اعرف اني مقصره والي صاربسببي
ابومريم :استغفري ربج بابا كلشي وعد ومكتوب وربج اذا احب عبدا ابتلاه
مريم: بابا اني بطلوني من الاورزدي
ابومريم: ليش بطلوج
مريم: ماعرف يمكن لان هواي عمال اكو
ابومريم: هاا اي بويه هاي يستغنون عن الفائـض
مريم: اعرف بابا مو وقتهه بس ان شاءالله الكه شغل فدكم يوم واطلع ادور
ابومريم: لتبجين بابا لتبجين وداعت عيونج الحلوه ماتظيق اذا متفرج ربج اسمه الكريم كومي بابا ارتاحي محد ايموت من الجوع تره
مريم :كمت بست راس ابويه وطبت امي
ام مريم :خير صار ساعه كاعدين ماعرف شتحجون لكيتو حل لوبعد
ابومريم: كومي بابا طبي ارتاحي وصلي وذبي حمولج عله الي لايغفه ولاينام
مريم: طبيت جوه الغرفه بابه عل هول اريد اسمع امي شحتكول
سمعت ابويه كلهه مسرحيهه من الشغل عدد هواي ومطلعيهم
ام مريم: خرب حضيج يازكيه ومالكو غير مريم ايطلعوهه هسه شنسوي وين ننطي وجهه انت عطال بطال والخاتونه بطلوهه وين اولي
ابومريم: صوتج يامره الحمدلله ربج يفرجهه
ام مريم :لاانت مامنك فايده بعد منو ايشغلك هاي الجوه من باجر تطلع ادور شغل موهيه وكعتنه بهل وكعه
ابومريم: صرت مالي فايده هسه زكيه
ام مريم :لاياعيني موقصدي بس انت محد ايشغلك بعد هذا قصدي
ابو مريم: ومريم بعد ممنوع تشتغل لبنيه صارت مطلكه والناس مترحم ولوما همه مبطليهه جان اني بطلتهه جنت منتضر بس الكه حل بنيه هاي بنيه مو ولد
ام مريم :اووف هوه منو حطنهه بهل حاله غير صخمانه مريم
ابومريم: كافي خافي ربج محمله لبنيه مسؤليه كلشي زواجهه من البدايه غلط والحمدلله الرجال حس بغلطه وفك ياخه عن لبنيه ومحد نام بله عشه الفوك روسنه اسمه الرزاق عندج تمنات وطحينات وعدسات مشي امرج بيهن
ام مريم: وذني شكد ايمشنكم عيني كم يوم وبعدهه شنسوي
ابومريم :منا لوقتهه الف عمامه تتغير
ام مريم: اله فكرنه مايتغير شدعيلج مريم كون حركه لكلبج مثل ماحاركه كلبي
ابومريم: لاتدعين عله لبنيه الله لايرحمج شنو انتي زكيه وروح ابويه ارمي عليج اليمين اذا معفتي لبنيه بحالهه
مريم: ابويه هددهه وسكتت بس امي واعرفهه متسكت بهل سهوله طلعت اساعدهه بالغده وهيه تتوعدلي كعدنه ع اكل اكلت لكمتين وكمت لميت البيت وطبيت انام بحجه النوم اكتم صوتي بالمخده واطلع كل هم لبكلبي بالبجي ماعرف شوكت نمت بس حسيت امي تعيط فتحت عيني لكيتهه فوك راسي عرفت ابويه طلع واجه وكت امي
ام مريم: نايمه مرتاحه عيني لاهم ولاغم شفتي سوايتج وين وصلتنه
مرريم: اجر بشعري وتكفخ بيه
يمه والله موذنبي
ام مريم: ذنب منو لعد ذنب منو لو معامله الرجال زين ليش ايطلكج
مريم: طلعت امي وكعدت شسوي ياربي اكتل روحي شلون انوب لاهنه بدنيه ولاهنه بااخره سمعت اذان المغرب كمت توضيت وفرشت السجاده مالي غيرك يارب صليت وقريت قرأن ومثل كل مره كتله ربي مسلمتك امري بيدك الهي مالي غيرك
قصي: تتحديني الي لك قصي تهتزلك زلم مشوربه هاي تخليك هيج متعرف شسويلهه ههه تصيح اكسر راسهه لك كسرت راسك وتحدتك بعيني يامريم مامشيتي عدل وسمعتي الحجي خوش انمشيج غصب
مريم: عدن يومين اني مااكل شي وامي شاده ويايه عله من وراج ومن وراج اليوم ابويه طب للغرفه
ابومريم: كومي بابا ليش مده اشوفج نصيحج تكولين هسه اكلت اختج عايده تكول اصلا متاكل ليش هيج
مريم: والله مالي نفس
ابومريم: بابا زبيبه بيهه 40واحد تفرج مضل هيج يله كومي اذا متاكلين ويايه مااكل اني
مريم: كمت تغديت كلام ابويه ريحني واهم من هذا اني لاطابه ولاطالعه منو يوصلي هذا الي اريده اني
امي كمت اسمع واغلس وشتريد تسمع بس حاضر يمه تدللين يمه حته متلكه حجه عليه سعاد تمر بين فتره وفتره خطيه جابتلي دشاديش من عدهه وسهاد كل ماتجي تغمني تكولي محمدتي ربج وشكرتيه ع الرجال الي جان صايغج ذهب فكريه رجعتي للفكر ولدشاديش الكدري
قصي :روحي محاملهه حته بشقه ماروح حته لاتجي نور ماريد اشوف احد حاط واحد يجيبلي اخبار مريم كل يوم يجي يكول ماطلعت بالبيت من دخلت من ذاك اليوم مطلعت بعد صار 5ايام اريدهه بس توصل باب الشارع خلص وصلت حدهه مالهه غير هل حل
خابرت عله صديقي دائما ايسوي حفلات ابيتهه ماخذ بيت بنص مزرعه حته عله راحته لااحد يسمع ولااحد ايشوف
صيدتج قربت اشوفج شلون اعله ماعندي اركبه
