#مختلفه عنهم
الجزءالسابع
ل وردالعامري
مريم: تريكنه سوه وهوه كام كال راح اكعد بالحديقه اخذو راحتكم انتو مريم طلعيلي جاي بره
حاضر حجي
طلع وكرصتني سهاد اييي شبيج
سهاد: ولج شلون تصيحيله حجي
مريم: شصيحله لعد
سهاد: صيحيله شهاب شهوبي
سعاد: شوشو هم حلو صيحيله شوشو بعتباره اختج الجبيره
ام مريم: سعاد خذي بنتج وروحي لاتسوين مشاكل للبنيه
سعاد: يمه يامشاكل والله مصيبه مريم حفيده احفاده
سهاد: معليج لبنيه موافقه ومرتاحه كومي خيه كومي شوفينه بيتج
مريم: سعاد ممقتنعه بكل الحجي وحته بالبيت ممقتنعه امي وسهاد طايرات بي يصبحن شكبره وشحلوه وشلون اثاث وهيه تصيح ميعوض ساعه هذا من عمرهه الي ديمشي
ام مريم: تعالي هنا يمه يمي
مريم: نعم يمه
ام مريم: يمه احجيلي عن ليلتج البارحه
سعاد: شتحجي الحجي لف راسه ونام
سهاد: سعده سكتي شويه كرصي للسانج
مريم: يمه موكتلكم كلشي تمام مثل مفهمتوني سويت وصار مثل الي حجتلي عليه سهاد
ام مريم: خوش يمه بالمبارك يوم الولد الصالح ان شاءالله
مريم: احجي بس ماباوع بعين سعاد اعرف من نضره عيوني تكشفني اذا اكذب وهيه نضراتهه الي جن تكولي تكذبين وكل متريد تحجي يسكتوهه امي وسهاد راحو وطبيت اريد انام نعسانه لكيت الحجي هم نايم استحيت انام يمه نمت بصاله ع قنفه البيت ماشاءالله جان جبير بي غرفتين جوه ومطبخ جبير وهول واستقبال وحديقه جبيره والحجي زارعهه ورد واشجار رارنج وفوك غرفتين ومخزن صغير للغراض وكله مٱثث كعدت عله صوت كحته كمت اشوفه
الحجي: ها مريم وين جنتي بعدهم حبايبج هنا
مريم: لا راحو من زمان واني شفتك نايم محبيت ازعجك نمت عل قنفه
الحجي: سئلوج عل البارحه
مريم: اي سئلوني وجاوبت مثل مكتلي
الحجي :عفيه عفيه عليج اني علمودج اريدج تتعلمين عليه يله اني راح اطلع اجيب غده وفواكهه ومسواك حته من باجر ناكل من جوه ايدج محتاجه شي
مريم: لاسلامتك كلشي ماريد
طلع وانه نضفت البيت هوه نضيف جينه اني وامي نضفناه من جبنه هدومي بس ضايجه شسوي نضفته وعدلته وطبيت سبحت ده اضفر بشعري وسمعت الحجي فتح الباب ايدخل سيارته ضفرت شعري عل سريع وفتحتله باب المطبخ الله يساعدك
الحجي: ويساعدج تعالي تلكيني هذا العلاليك طببيهه وحضرينه الغده بين مااسبح
مريم :ركضت طلعتله هدوم وخاولي علكتهن بالحمام هوه طب يسبح ورحت افرغ الجايبه فواكهه وكرزات وحلقوم بس وياهن ورقه ملفوفه مثل لفه الحب فتحتهه ريحتهه موهلكد طيبه وعبالك ورق اشجار مكسر ومثل النوه بيه سديته وحطيته ع الكاونتر وحظرت الصينيه جان جايب كباب وتكه طلع وصاح الغده مريم شلت الصينيه للهول ميكدر يكعد بالكاع حطيتله طبله وكعد وصاح يله جيبيلج كرسي مناك وتعالي كعدت كباله استحي اكل هوه يلف لفات ويطيني
الحجي: اكلي مريم هذا بيتج بعد لاتستحين شوفي اني جبتلج حب وفستق وحلقوم وفواكهه اني انام من وكت اخاف انتي اتكعدين اتضوجين وحدج طلعيهن وهذا فديو وافلام يمج حطي شريط وباوعي هاي كومه افلام يمج هسه اعلمج شلون تشغليهن وكل مايخلص عندج فلم وماترديه بعد كوليلي ابدلجياه. واجيبلج واحد احله منه بعد
مريم: هههه تسلم حجي
كملنه اكل وراد جاي وكالي احميلي مي كد كلاص دفيه وجيبيه واكو لفه مال حب جيبهه الي هذي
سويتله جاي وجبتله مي واللفه خبط مدري شنو بالمي وغطاه خلص الجاي و وره وين يله شربه شلتهن ولملمت المطبخ ورحت كعدت
الحجي :مريم ماتنامين شحلاتهه نومه الضهريه
مريم :اي صح هسه هنا انام
الحجي :لالاكومي بدلي مثل البارحه ونامي بغرفتج هذي الغرفه الي والج
