#مختلفه عنهم
الجزء عشرون
ل وردالعامري
قصي :وره يومين وصلني تقريرهه كامل عمرهه 16تشتغل بال اورزدي هههه يعني ممكفيهه ضاحكه عله الشايب عله فلوسه انوب تشتغل ياطمعج صايره براسي ههههههه ماعدهه اي انتماء لالحزب ولاالهه شغله بااحد حته ماعدهه اختلاط بزملائها بالعمل مزوجه من صاحب محلات غذائيه جانت عنده سوابق ويه حزب حلو خوش شغله هاي
حسن سير وسلوك والكل تحمد بااخلاقهه هههه اكيد اخلاق حميده عدهه خالتهه منو
متصلت بعد بشمس ومافتحت وياهه الموضوع لان بعد الشغله موشغله اريدهه ليله وخلص لا اتجاوزت وماعوفهه اذا مااخليهه تتوسل تطلب الرحمه
مريم :من ذيج الليله حلفت بعد لو عرس ابويه هم مااحضره عدت 9ايام حياتي عاديه ماكو جديد بين بيت ودوام اليوم بدوام صار بوجهي خطيب نور احس دمي وكف بجسمي
قصي: السلام عليكم اريد قمصان xxl
مريم: يحجي ويايه بكلمات متقطعه وضحكه مستفزه اسلوبه ايوتر اطيته القمصان كلبهن وعينه عليه احاول ماانتبه عليه بحجت ارتب القمصان
قصي: شفتهه مبين عليهه الخوف بيناتنه ميز جام هيه وراه واكفه تقربت كلش للميز صار هوه الحاجز الي بينه بس
تعرفين بنفسج اجاوزتي بس والله مستخطيج جاي اطيج فرصه ثانيه قبل مااحطج بدماغي والله يسترج مني اذا شغلت دماغي وياج
مريم: احم العفو استاذ اطلعلك موديلات ثانيه
قصي: شوفي ان ماجيتي برجلج والله اجيبج زحف تتوسلين فصيري حبابه وبعدين احنه بينه صلت قرابه خالاتج وبناتهن يعني موجديده
مريم: الي تريده ماعدنه موكل الناس تلبس نفس الثوب اعتذر هل موديل ماعندي والموديلات لهنا متفيدك لان مراح تكون عله هواك
قصي: اتذكري اني اجيتج واطيتج فرصه وخلص سويت العليه وهسه انتضري الي راح يجيج وحملي اذا تحملين سلام يا حلو
مريم: ضلت عيوني مثبته عليه لحد مطلع من القسم كله عزه العزاج يامريم ركضت للمدير طلبت اجازه ورجعت للبيت اهلي شلون وصلت مادري سولفت لاامي وكالت لتخافين هذا فارغ لويريد ايسوي شي جان ماجه وهددج جان سواه اصلا من غير ميحجي هذا شافج تخافين وفقيره كال اهددهه اني اليوم اروح لسهليه واخليهه تخابرلي شميسه واطيحلج حضهه لتخافين يمه هيج ناس كلش ميكدرون ايسون
مريم :اقتنعت بكلام امي صدك هوه لو يكدر ايسوي شي ممااجه يحجي اني ثوله ايبين عليه الخوف بسرعه رجعت لبيتي وطبيعي ماكو شي ايخوف فاتن 3ايام بالعدد رجعت من الدوام حضرت الغده وكملت كل شغلي وانتضر الحجي شوماكو اليوم اتاخر خابرت عله لمحل محد ايجاوبني ايجوز ده اينزلون بضاعه خلي هوه يجي عله راحته
