#مختلفه عنهم
الجزءالثالث والعشرون
ل وردالعامري
مريم: امي سوت مناحه ولطم وتغلط عليه شسويتي للرجال وشسويتي واني حايره باامري وين اولي هذا شسوه للحجي شكله عليه وخلاه ايطلكني بس يله احسن جان لشوكت ابقه ويه الحجي بس والله تعلمت عليه سوده عليه منو ايداريه هسه منو يتابع دواه
وره ساعه اجه ابويه كال الحجي كايله كول لبنتك ماعدهه اي حقوق يمي وانت لتوصل لهنا بعد والمحل والبيت معروضات للبيع
ام مريم: الله لايوفقج يامريم كون بلوه توكع عله راسج مثل هل بلوه شنسوي هسه نموت من الجوع والله جان الرجال معيشنه يل متخافين من الله شسويتي للرجال
مريم: شحجي يعني اذا امي حملتني الي الذنب وتدعي عليه صار10شهور مشكيت من شي حسبت روحي خدامه وسكتت جان يكفيني مشغل ابويه منين جابك الله عليه ياقصي الطركاعه
ابو مريم: بابا مريم صارشي بينكم تعاركتو فهمينه شو بين ليله ويوم وصلتج ورقتج
مريم: لابابا كلشي ماكو بينه شي
ام مريم :ولج ياطركاعه شلون مابينكم شي ليش طلكج لعد الله لايطيج مصدكنه تعرف ناكل ونلبس
ابومريم: عوفي لبنيه يامره هوه اصلا ماشكه منهه بيوم رجال حس بروحه جبير وهيه طفله عافهه من ضميره
ام مريم: كومي لج كومي وياي هسه ارجعج لبتج غصبا ماعليج تبقين وياه
ابومريم: ولج زكيه كعدي وسكتي هوه حاضرهه وغايبه كال مالهه شي يمي وعارض البيت ولمحل للبيع
ام مريم: كومي لج كومي لحكي جيبي هديماتج كومي بعد تحلمين تلبسين هيج رجعي عل كدري امداج وامده امج
مريم: اخذتني امي والطريق كله بس ترزل بيه وتحجي وصلنه للبيت جان مقفول بقفاله جدد رجعنه وامي تغم بيه
ام مريم: ها ياغبره كلشي محصلتي منه امداج هم طلكج وهم كلشي ماكو فوك الفكر جيتي انتي عله كلبي حته تكمل
مريم: وصل لخبر لخواتي وسهاد تلطم يمكن لوكايليله اختج ماتت متلطم هيج
سعاد: والله فرحت همزين خلصتي
سهاد: ولج لازم تخلي طين عله راسهه بعد العز رجعت للفكر
ام مريم: ولج طبهه مرض هيه انوب احنه رجعنه وياهه مصدكنه نعيش جتي كملتهه مريم
سعاد: خوش والله انعوفهه مدفونه بالحيه حته ناكل ونشرب ونلبس اذا هوه حته مكادر
مريم: سعاد اشك هدومي وتصيحون تخبلت لواحرك روحي واخلص منكم عوفوني بحالي الله واكبر
ام مريم:ام عين الصلفه الج عين تحجين ولج. هسه ابوج مين ايعيشنه الله ياخذج واخلص منج
مريم: لابسه اني الحجل ومحبس بس الباقيات عده نزعتهن هاج يمه بس سكتي وعوفيني بحالي
ام مريم: وذني شسوي بيهن اطبخهن واوكل اخوتج بيهن هم ميشبعنهم يومين
سهاد: يمه بيعيهن وخل ابويه يفتحله بسطه يحط بيهه اوراق واقلام للجهال راح تخلص نص السنه وع مدارس يشتغل
ام مريم: تعالي يامصيبتي هاج انتي اطيهن لاابوج هسه بس اطيهياه اني يلعب بيه طوبه وهم شيعيشنه ذني شدخله هل بسطه كم دينار بحلك منو نحطهه
مريم: امي اني اشتغل وارجع مثل كبل اشيل مصرف اخوتي
سعاد: ذكرتيني موكلتي ده اجمع راتبي وسويت سلفه وضميتهن
مريم: اي
ام مريم: اي وينهن لعد مطلعيهن لو من سمج بس لروحج تردين
مريم: والله ماعندي بالبيت ضامتهن وهوه كدامج قفل لبيت
كمت من يمهم ورحت لاابويه توسلت بيه تواسيل يله قبل ياخذهن كال ذني من حقج وحلفته الف يمين يله اخذهن
باعهن ثاني يوم وراح لشورجه جاب دفاتر واقلام ومساطر وهوه مجمع كم فلس جاب نساتل وحلقوم ومصقول وحطهن بركن المدرسه رتب بسطيه وحطله كرسي وكعد يومين ابويه رايح جاي لحد مااستقر وفتحه ثاني يوم رحت لدوامي اني هنه يومين اجازه وخلصن رحت لوجوه مختلفه من جوه ليجوه كملت دوامي ورجعت تلكتني امي تدعي عله روحهه لان جابتني طبيت نمت وضليت حابسه روحي بالغرفه لثاني يوم مطلعت اله من داروح لشغلي
