#مختلفه عنهم
الجزءالثاني
ل وردالعامري
مريم: بابا موامي تخربطت وجيت عليك شسوي مجان اكو احد
ابو مريم: بعد ممنوع لو تموت امج متوصلين للمحل مفهوم
حاضر بابا جتي امي تهدي وهوه كلش ضايج منعرف شبي ثاني يوم. نزلت اروح للدوام وشفت ابويه بعده مطالع للشغل كل يوم من ال٥الفجر يطلع شفته ضايج ماسئلتهه صبحت عليه وطلعت واستمر هل حال ١٠ايام ابويه بالبيت وامي ماعرف شتحاجيه ويكوم ايصيح عليهه اتوقعنه اني وسعاد عل مصرف لان ابويه كاعد واني موهلكد راتبي يادوب ايكفي مرتضى وميعاد عله يوميات مدارسهم
اليوم رجعت وشفت برازيلي حمره ابابنه عرفتهه مال الرجال الي يشتغل عده ابويه بيتنه احنا صغير هول وغرفه وطبخ بس شي مفتوح عله شي طبيت جانو كاعدين بالهول سلمت وفتت للغرفه شويه وراح الرجال وابويه كعد بالهول طلعت صبينه الغده بس ابويه ضايج حته اكل مااكل ويانه طب للغرفه واني كعدت ادرس ميعاد وسمعنه صراخ ابويه
يكولهه لاامي مخبله انتي لج طفله طفله هاي اطيهياه شلون
ماعرف شتكوله امي بصوت ناصي تحجي وياه بس هوه يعيط
اطلعي بره لوتموتون من الجوع هم مااطيهه ولكم اكبر مني اكبرمني اطي جاهله
طلعت امي صرنه بوجهه تعض اصبعهه وتكولي كله من وراج
اني شعليه والله يالله يتعاركون ويذبوهه براس مريم فات شهر عله هل عركه بينهم وابويه كل يوم يطلع يدور شغل مايلكه رجال جبير عمره ٤٨سنه لايكدر يشتغل عماله ولا يكدر عله لحماله وشغل الي يلكاه يومين ويبطل منه شهر هوه عله هل حاله لحد مايوم رجعت وسمعت جايبين ابويه متخربط بسوك العصر اندكت الباب طلعت افتحهه جان حجي شهاب الي جان ابويه يشتغل عنده
اهلا عمو تفضل
بابا هنا مريم
اي عمو تفضل جوه
طبي اطي خبر كوليله حجي شهاب
طبيت لاابويه اكوله
ابومريم :منو طلع عل باب
مريم: اني بابا
ابومريم: والله اليوم اله اكطع الصونده عله ضهرج امشي ولي طبي جوه
مريم: عفيه مريم ساعه السوده عله راسج شسوين محد يرضه عليج
ضل كاعد الرجال تقريبا ساعتين وراح اخاف اطلع للهول لاابويه يضربني ميعاد جاعت اضطريت اطلع سمعت امي تكوله هسه دسكته شبيك كوله جدهه مصار هواي من مات وره السنه مال جدهه يله ومنا لذاك الوقت يحلهه الف حلال يمعود والله حنموت جوع ذوله. جهالك شنو ذنبهم
ابومريم: ولج وهيه شنو ذنبهه شنو طلي هيه اذبحهه اضحيه الكم يامره حرام طفله هذي
مريم: اني اطرش بزفه كلشي ما مفتهمه وره جيت الحجي شهاب بسبوع طلع ابويه ورجع صاحني
ابومريم: تعالي بابا مريم
مريم :نعم بابا
ابومريم: بنتي اجاج عريس هوه خوش رجال وعنده محلات وفلوس وسياره وبيت وماعنده احد بس هوه لاام ولااب شتكولين بابا
مريم: بابا بكيفك
ام مريم :موافقه ياعيني موافقه وين تلكه هيج قسمه
ابو مريم: انتي سكتي بابا مريم تره العريس جبير يابابا هيه موشغله بكفي انتي قرري
