#مختلفه عنهم
لجزءالرابع والعشرون
ل وردالعامري
مريم: فتت للدوام وكالو المدير ايريدج نعم استاذ
مريم بنتي هاي نص راتب مال هل شهر
ليش استاذ
بنتي الي يسئل عنه اكثر من مره احنه نبطله لان مريد مشاكل
استاذ ومنو السئل عليه يعني
والله ماعرف تفضلي بنتي وبعد لتجين طلع امر بتبطيلج
اشكرك استاذ
طلعت هيه هاي الي ناقصتني طلعت ع الشارع العام الي كبال الاورزدي انتضر الكوستر بلكن تفوت دموعي ماوكفن منين ماديرهه سوده مصخمه وكفت سياره كبالي نزل الجامه الورانيه جان قصي
قصي: شلونج ياحلوه
مريم: يضحك وبيده جكاره ينفخ بدخلنه مدرتله بال مشيت لكدام وكفت تقدمت السياره
قصي: براحتج ياحلوه هاي ثنين وثالثه تنتضرج وهاا بعدج مشفتي شي
مريم :كمل كلامه وصعد الجامه وحركت السياره هوه شبقه بس روحي الثالثه تعال اخذهه وخلصني رجعت للبيت واسمع صياح وعياط شكو ياستار طبيت اركض امي تلطم وابويه حاط ايده عله راسه شكو شبيكم
ابو مريم: شكولج بابا جتي البلديه شالت البسطه وفوك هذا تريد غرامه من عندي لان ممطلع اذن بتفتيح
مريم :ليش هاي موالعالم كلهه امفتحه
ابو مريم: حض ابوج هذا شسوي
مريم: وشكد يردون غرامه
ابومريم :1500
مريم: ليش وين مفتح وشمفتح هيه بسطيه
ام مريم: هسه شنسوي وين انولي لو ضاله عله الرجال وممسويتلج وياه مصيبه جان هذا حالنه
مريم: امي حملتني الذنب وحطتني وكتلتني خلصني ابويه من ايدهه طبيت للغرفه لطمت عله راسي بلكن الله يموتني واخلص من هل عيشه وشكولهم اكولهم طردوني انوب لو اكولهم لاحكني واحد وياا تسوين الي اريده ياادمرج جتي سعاد
سعاد: سوده عليه خيتي ابوج دز عليه مرتضى اسوتلج امي حبيبه
مريم: حضنتهه وانحب شحجي شكول
سعاد: لاتبجين خيتي هاي الحمدلله بعد عندج وضيفتج وتنحل ان شاءالله
مريم: بطلوني
سعاد: ليش ولج شنوهل مصايب مره وحده تجي
مريم: شكولج اذا جنت اني نفسي ماعرف ليش مادري سعاد بطلوني وبس
سعاد: ديري بالج تكولين لاامي بطلوني باجر طلعي وشوفلج شغله منا منا شوفيلج شغله دبري بيهه هل كم يوم بين ماتترتب الاوضاع
مريم: خليتهه سكته وطلعت ثاني يوم بوقت دوامي افتر منا ومنا وين اروح ماعرف شلون اطب عل محلات اسئل محد ايشغلني اي شكو بيهه قابل ده اجدي هوه سؤال طبيت عله مكتبه سئلت كالولا منحتاج شغل اذكرت لمحلات الي انفتحن كدام الاورزدي كم مره قريت يردون عاملات رحت افتريت عليهن لحد ملكيت وحده مسيحيه فاتحه محل اللبسه داخليه كالت اي اريد عامله تعرفين بالبيع والشره
اي اي اعرف
خوش انجربج من شوكت اكدرين تبدين
من اليوم اذا تحبين
خوش انغام انغام
نعم باجي
اخذي لبنيه علميهه اليوم عله الشغل ومن باجر تبدي ويانه
مريم: فتت ويه لبنيه واحمدالله انه سهلهه عليه كملت اليوم ورجعت ابويه هستوه طاب للبيت
ها بابا الله يساعدك شسويت
ابو مريم :والله مسويت شي رحتلهم ميقبلون يطوني البسطه اله ادفع الغرامه واطلع رخصه افتح بيهه
مريم: اي وتالي
ابو مريم :التالي ربه عالي هذاهوه رجعت هيه البضاعه كلهه متجيب1500
مريم: امي بدت بالحجي طبيت للغرفه صار يومين عله كد المي حته اكل ماماكله للمغرب جتي سعاد كوه كومتني جابتلي خبزه وشويه خضره وطاسه روبه
كتلهه والله ماكدر مالي نفس
ام مريم :حقج يمه مالج نفس تعلمتي عله اللحوم والاكل الملوكي
سعاد: يمه كافي عاد عوفي لبنيه مريومه لخاطري بس لكمه خيتي فدوه لطولج ولج لتوكعين
مريم: اكلت شويه بالكوه
سعاد: مادام امي بالمطبخ كوليلي لكيتي شغل
مريم :اي لكيت الحمدلله من باجر ابلش
سعاد: اي خوش الحمدلله
مريم: بس راتب اقل
سعاد: ولج تدبر ميخالف احسن من الماكو وبذاك لوكت كولهه لامي كراوي اكل اي حجه بس مشي هل كم يوم لحد متنسه موضوع الحجي الله لايطي ضلمج من. ازوجج وحكم عليج بعيشته هاي وضلمج من عافج شايب الجن
مريم :لتدعين عليه ماله شغله بصار
سعاد: اووف لعد منو عليه لتضلين تبجين شبيج والله كلبي مايطيني اشوفج هيج
مريم :شوفي امج وين وتعالي نصعد لسطح اريد احجي وياج بشغله
