#مختلفه عنهم
الجزءواحد وعشرون
ل وردالعامري
للعصر والحجي ماكو والله اندكت لباب صحت منو صوت ابويه
هلا يابه تفضل
ابومريم: الله يساعدج يابه مااجه الحجي
مريم: لاوالله اني كلت ايحوزعدكم بضاعه واتاخر
ابومريم: لاوالله جوي جماعه عليه واخذو وراحوو
مريم: منو معرفت
ابومريم: كال كرابتي عندي شغله اكملهه وارجع وعينكم عل محل وراح وياهم
مريم: والله مادري شنو منو ذوله اني ادري ماعنده احد هوه
ابومريم: لالا بابا هاي قبل كم سنه هم اجوه جماعه راح وياهم وويومين ورجع جانت عدهم وفاه لو تشوفيهم مريم بويه كلهه قوط ومبينين ناس مرتاحه هذا رجلج من جده جده عدهم حال ومال
مريم :اي كال يله بلكن ايبين
ضلينه لليل ننتضره وماكو
بابا والله ضل بالي
ابومريم :لابابا ماكوشي االغايب عذره وياه ولو صاير شي موزين جان سمعنه الاخبارالموزينه اطش بساع كومي بويه قفلي بيتج تعاي وياي ومنا لصبح ايحلهه الف حلال
مريم :قفلت البيت ورحت ويه ابويه الليل كله منمت وين راح الرجال
قصي: 3ايام اطيتهه فرصه وهيه مجتي بالعيني واغاتي بسيطه دزيت شباب عله رجلهه ووصيتهم ايطلعوه من محله بكل هدوء واحترام وهوه اصلا زايرنه قبل فتره يعني راح يفتهم ويتعاون وياكم ساعه 11الصبح هوه يمنه بغرفه التحقيق دخلت الملازم حارث عليه واني اتابع من بعيد
حارث :اسمك وسنك
الحجي: شهاب احمد رزاق 64سنه
حارث: شنو علاقتك بحزب…… .
الحجي :بويه مالي علاقه قبل سنين واحد من كرابتي انضم الهم وجوي الامن شالونه كلنه وعرفو ماعدنه شي هدونه وانه بيت فتره وفتره اجيبيوني يبوك شوفني رجال جبير لاالي بزيد ولاالي بعمر كاعد بمحلي واسئل الناس كلهه عني
قصي: اطلع ملازم حارث اني اكمل التحقيق ويه الحجي جيبولنه ثنين جاي استريح حجي استريح
الحجي :رحم الله والديك
قصي: ابو منو حجي
الحجي :والله مااربك كتبلي ذريه
قصي: اشرب جايك حجي
اسمعني حجي وافهم كلامي زين حته تتسهل لشغلك ولبيتك
الحجي: اكون ممنون احجي بويه اسمعك
قصي: عمي انت رجال جبير واعرف كلش زين محد ايحب يدخل للمخابرات وانت رجال تعبان مومال بهذله نفذ لمطلوب منك واخلص من هل دوخه كلهه وبهل شارب تطلع معزز مكرم وسياره توصلك لباب بيتك
الحجي: واني بالخدمه بويه شنو لمطلوب مني
