مساء الانوار على احلى متابعين 🌹
🍃🍂🍃🍂🍃🍂🍃🍂🍃🍂🍃🍂🍃
وجهي صار اصفر ورجلي اشنجت اريد اشوف منو حاط ايده على جتفي
بلكوه انداريت وكانت الصاعقه
حازم بعصبيه : شتسوين اهنا وحدج
ميرا : قلبي يدق طبول من الخوف لكن اتضاهر بالقوة ...
يعني اشوفني شكااسوي داشتري ملابس
حازم : وشعندج وحدج جايه
ميرا : اني مو وحدي احلام وياي كااكمل قطعني صوت امي
الأم : شلونك ولدي حازم
حازم : هلا عمه الحمد لله بخير
انتوا شلونكم عمي شلونه
أم ميرا : الحمد لله كلنا بخير
خير وليدي شكاسوي هنا
حازم : والله عمه جنت افتر ويه جماعتي بالمول وشفت ميرا وحدها ! كلت اشوفها شكاسوي
ميرا : كتلك مو وحدي احلام وياي وامي واحمد بالمحل البصفنا ...
حازم : عالعموم كملتوا لو بعدكم علمود ارجعكم للبيت ...
ام ميرا : روح وليدي لا نتعبك احنا نأخذ تكسي ونرجع
حازم : تعبكم راحه ، عمه شتحجين اني مثل ابنج واني ارجعكم ...
رجعنا للبيت وحازم وصلنا ؛ واشتريت صدريه اصلن معجابتني من وراء حاززمو اخذتها ...
وين مااروح هل حازم يطلع بوجي عبالك مرصاد ..
اوف تعبانه اكوم انام احسلي وباجر عندي دوام
نمت وكعدت من الصبح
سبحت وبدلت وكعدت احلام ونزلت اتريك ؛ كعدت بصف احمد اكلت وكملت انتضرت احلام تنزل واصيح وارجع ليورا بطلاع الروح يله كعدت ...
شرفت ست الحسن والجمال
يله عيني احلام بسرعه راح اروح واعوفج
ترا ميصير هيج بعدنه بدايه الدوام ؛ اذا اضلين هيج تتأخرين بعد ماانتضرج اعوفج واروح وصحت فااهمه
احلام : فهمت من الصباحيات انطيتيني جريدة اووف يله امشي ...
وصلت للمدرسه وطبيت للصف سلمت على صديقاتي وكعدت بصف صديقتي سها ؛ وكعدنا نسولف ...
رجعت للبيت طبيت وطبت احلام بئراي ، امم ريحه لذيذة
صاحت احلام وركضت للمطبخ
الللله شنو هاي الريحه يمه شطابخه ؛ وفتحت الكدر
وكعدت تأكل بالدولمه
الأم : ولج احلام انتضري هسه يجي ابوج وكلنا نأكل
احلام : اووف يمه ميته جوع
الأم : احلااام
احلام : ماشي راح اصعد ابدل وانزل
صعدت بدلت ونزلت لكت جاي الأب والأم كا اصب غداء
كعدوا ع السفرة وبدو يأكلون
الأب : شلونكم بالدراسه
ميرا : الحمد لله سهله
احلام : على الله
احمد : يبوو لذكروني صعبه مدري منين جايبيها
احلام : جايبيها من المريخ
احمد : ومالكوا غير المريخ ايجيبون منه
الأب والأم وميرا خربووا ضحك على احمد واحلام
ميرا : ولج احلام عود هاي انتي الجبيرة ؛ هاي يا مريخ جايبين منا
احلام : شمدريني غير صعبه
الأب : اعتمدوا على نفسكم واقرو تصير سهله عليكم
احلام : انشاء الله
بدت ايام الدراسه واني احب اجيب درجات كامله ولازم اجيب معدل عالي
لان اني معروفه من بين بنات كرايبنا شاطرة
وكمت اقراء هوااي ؛ حتى احصل درجات كامله
جنت كاعدة اقراء لأمتحان باجر
وجان تجي احلام تركض وجها احمر
ميرا : احلام شبيج شكوا
احلام متكدر تحجي من الركض بس اتأشر بيدة
ميرا : احلام احجي شكو والله خوفتيني
احلام : ميرا ابوويه
ميرا : شبي ابويه ؛ ولج احجي وكامت اتصيح عليها
احلام : سمعت ابويه ايكل لأمي حازم ابن عمي ناصر
ايريد ايخطبج وابويه راح يوافق
سمعت ايكول اني ادرى بمصلحتها
ميرا : انصعقت من الخبر وضلت صافنه
دغتها احلام : ميرا مو كااحجي وياج مو وكت صفناتج
مو تكولين ترا محد يدري واني سمعت بالخفيه
مو تكولين فدووة
ميرا : اي مااكول وانهارت من الخبر
احلام : ميرا كافي لتبجين فدووة هسه تشوفج امي
كامت ميرا : لا ماابجي على شنو ابجي
اني اكول مااموافقه واكيد ابويه ميغصبني على الزواج
احلام : والله ماادري شكولج ؛ بس ابويه كال اني ادرى بمصلحتها
وسمعته يمدح بحازم
............................................................
تفاعلكم يشجعني ان اكمل الروايه
احبائي انشروا رابط الروايه ؛؛ اذا كانت الروايه تعجبكم وقولوا لاصدقائكم عليها لكي يقرئوها
اسفه اذا اكو اخطاء املأيه ...
دمتم بخير 🌷
في امان الله وحفضه ...
أنت تقرأ
خطفني فَأحبني
Fantasyقصة فتاة كانت حياتها سعيدة بين احضان اهلها فجأة تتغير حياتها الى ظلام بسبب شاب يهوى الانتقام لثأر والدة ، وتقع الفتاة هي الضحيه وتدفع الثمن ، وقد يشاء القدر ان يَحول قلب الشاب من كرة الى حب تجاه الفتاه ، لنرى هل يفوز الشاب بكسب قلبها ام يخسر ؟
