خطفني فَأحبني

البارت التاسع عشر

صباح الورد للغالين ❤❤

شلونكم حبايبي ، فدووه أتفاعلو بالقصه حتى تنطيني وأهس أكملها ..
متخصرون شي لو ضغطتوا على 🌟 بلعكس راح تفرحوني بيها ..

🍁🍃🍁🍃🍁🍃🍁🍃🍁🍃🍁🍃🍁🍃🍁

صعدت الغرفتي طلعت كتاب بي ادعيه وكمت اقراء
وقلبي يرجف من الخوف ، والتفكير قتلني ..
كمت احس اني السبب اني المذنبه صدك بهاي اللحضه كرهت نفسي وتمنيت الموت وأخلص
ياربي شنوه الذنب السويته حتى هيج اتعاقب

انحرمت من اهلي وانحبست وتعذبت والنوب كلام الناس الأسمعه يجرح ، وهسه ابويه مادري بي وين الله اليعلم ، اخاف صار بي شي ..

قريت دعاء وكملت نزلت اشوف بلكي امي فهمت خبر ..
نزلت امي بعدها تقراء ادعيه ؛
ميرا : يوم هم خابرتي ابويه ،
الأم : على حطيته مغلق

ضلينا كاعدين وقلبنا يدك طبول من الخوف ..
شويه ونسمع الباب انفتحت ..
بنفس اللحضه كلنا كمزنا انشوف اجى ابويه

ركضنا للباب لكينا ابويه كا يطب
عاينه على ابويه تعبان كلش الى درجه بالكوه واكف
وملابسه املخه تمليخ وكلها دم ..

وجهه بي دم وبي خراميش وعورات ..
وايده من فوك مشخوطه بسجينه والدم يجري منها

ضلينا صافنين أللسانه انعكد منكدر نحجي ..

أمي ركضت عليه وتكمش بوجهه كله عورات ،هاي شنو شصاير ليش هيج حالتك والدموع كامت تجري ..

الأب : اني تعبان وخروا مني وروحي طالعه ،
اتريدون تفتهمون اتعاااركت ويله وخروا ..

خلى وصعد فوك ، كعدنا ضلينا صافنين وألف سؤال براسنا ليش هيج وابويه شبي عصبي ..

ويامن متعارك وهيج مضروب والدمايه تجري ..

كامت امي تصعد تشوفه ، وداوي ايده ..
حمدنا الله ألف مرة انو رجع سالم بس مضروب ..
المهم عايش الحمد لله ..

شويه ونزل ابويه سابح ومبدل ، صاح الأحمد
الأب : أحمد تعال وياي للمضمد بسرعه ..

راح احمد يركض ويا ابويه ..
اني متحملت صعدت فوك وكمت ابجي كله بسبي
لو اني مجايه لدنيا جان كل هذا مصار ..
ابوي يكسر خاطري وجهه اصفر والدمايه تخر منه
والشيب ترس راسه والتفرفح ومنغير يسمع كلام اخوانه والناس ويطنش ، صحيح هو يطنش بس اكيد الكلام يبقى يفكر بي ويحرك قلبه ..

اوف شكد كرهتك يا قتيبه الله يأخذك ويخلصنا منك
حطم حياتي وحرمني من احلامي ويريد يحرمني من ابويه ..
ضليت ابجي لحد مغفيت وبعد ماحسيت ...

كعدت الغرفه ضلمه فتحت الضوء عاينت الساعه 3/30 .. احلأم بسأبع نومه

ضليت صافنه مادري صبح مدري لليل شوكت نمت
راسي يوجعني الضاهر نمت هوااي ..
ودماغي مخربط ميستوعب ..