خطفني فَأحبني

بارت الرابع عشر

اسعد الله مساءكم

قتيبه : كعدت برا انتضر حسام ؛ جان الجو ليل والهواء كلش حلو وبساتين
كاعد اشم هواء نقي واعاين على السماء شلون ضلمه
وبيها نجوم متناثرات ..
اجى حسام كمت سلمت عليه
حسام : ولك هاي شنو شصاير بيك ليش هيج هدومك كلها دم ..
قتيبه : سالفه بعدين السولفلك تعال خلي انطب جوا
حسام : ماكو احد مو ..
قتيبه : لا ميرا جوا
حسام : مو كلت راح ترجعها شصار وغيرت رئيك !؟
قتيبه : دنطيني القميص خلي انزع لعبت نفسي من الدم ، عود بعدين اسولفلك ..
حسام : هاك واني انتضرك برا ..
قتيبه : اخذت القميص طبيت سبحت وبدلت ؛ واخذت الاكل الجابه حسام وديته الميرا وطلعت ..
كعدت برا اسولف الحسام الصار وهو فاك عيونه
حسام : لك قتيبه هاي مامرجيه منك ؛ شلون تخلي البنيه تطلع وحدها وطريق بساتين وليل وهيه ماندل
عالاقل لو كايلي اني اوديها ..
قتيبه : ولك شمدريني مدري شلون كتلها طلعي وهيه ماصدك راحت تركض ..
وهمزين لحكتها ؛ جان الحيوانان افترسنها
حسام : وهسه شلون شرح تسوي ..
قتيبه : والله مادري راح اخليها يومين علما اصفي بالي واشوف شسوي ..
قتيبه اريد اكولك شي ..
قتيبه : متحجي احد مانعك ..
حسام : ههههه لا بس مادري شلون ابدي
قتيبه : دحجي يمعود
حسام : كمت احب ..
قتيبه : شلون يعني !؟ هاا يعني تحب ، وأخيرا انفكت الجبسه
زين منيه هاي سعيدة الحض ، الي انعجبت باخويه
حسام : ولك من طرف واحد البنيه متبادلني اي شعور ..
شوف ياخويه ؛ هاي مرة رحت اوصل اختي للمدرسه
وشفتها فاتت ودخلت للمدرسه ؛ اني ضليت اعاين عليها شلون تمشي برزانه وثقل ؛ ومبينه خوش بنيه
مو من ذني عينهن منا ومنا
المهم دخلت للمدرسه ؛ اني صحيت على نفسي وبعدت التفكير
بس يخوي ماكدر كلساع شكلها يجي بالي
احط راسي عالمخده اتصير بالي وتخليني الليل كلها
اسهر ..
وكمت كليوميه بحجه اوصل اختي واعاينلها من بعيد لبعيد ..
وفد مرة انتضرتها مداومت وثاني يوم نفس الحاله
وضليت اسبوع اني اللوب وهيه مداوم خفت صار عليها شي ، واني المن اسئل ..
وضليت اوصل اختي وكلت بلكي اداوم
وفعلن هيه داومت ؛ بس اتصدك معرفتها وجها شاحب واصفر ..
متحملت رحت عليها
كتلها شبيج ليش صارلج اسبوع مداومين مريضه
كالت : وانت شلك غرض وشمدريك اني اسبوع مداوم ..
كتلها مواني كليوميه انتضرج واشوفج
كالت : خويه ابتعد عني منا ناس واني معايزة مشاكل ومصايب ..
كتلها ماابتعد الا اعرف شبيج ..
كالت خويه ليش اتريدلي الأذيه ، ترا اني معايزة مصايب ..
كتلها ماشي راح اروح ؛ بس هاج هذا رقمي احجي وياج من ترجعين ..
كالت مااريد احجي وياك ، عرفه ولفه ؛ اني اعرفك حتى احجي وياك ..
كتلها لعد مااروح اضل هيج وخلي العالم تحجي عليج وتشوه سمعتج ؛ واني مالي دخل طالع منها
جرت الورقه وعسريع فلتت يمكن راحت تركض هههه
المهم رجعت وانتضر ومداكت وثاني يوم نفسه الحاله مدكت واني رحت انتضرها شفتها
حجيت وياها
كالت خويه مااكدر احجي وياك تقبلها على خواتك
ودموعها كامت تنزل ..
كتلها والله مرايد شي منج بس اسمع صوتج واشوف اخبارج ..
وربي اني احبج ومو منوع الولد الي يضحكون على البنات ..
وكافي لتبجين منا ناس يله مسحي دموعج ودخلي للمدرسه ؛ وفدوة لقلبج دكي عليها ترا روحي راحت

رجعت للبيت واني منتضر اتصالها احر من الجمر
وتالي دكت اصيح الوو الوو
متجاوب بس اسمع صوت نفسها ودكات قلبها العاليه
وتالي انغلق الفون ..
رجعت اني دكيت عليها
مافتحت دكيت مرة ثاني بلكوة فتحت
حجيت وياها كالت يله دكيت احجي شرايد بسرعه قبل ليجون اهلي وتصيرلي مصيبه ..
وكعدت سولفتلها من اول يوم شفتها بي لحد هاي الحضه ..
وسئلتها ليش غابت اسبوع ..
كسرت خاطري كلمت تبجي وتشاهك وكالت امي مريضه ..
كالت امي كل فترة ونوديها مستشفى لان تتخربط على فراك اختي ..
بس مقبلت تحجي اختها شبيها ..
واني هسه قلبي مشلوع وهيه متقبل تحجي وياي
وكل يومين ثلاثه ياله تفتحلي خط وتحجي كلمتين
تكول اني زينه وتروح ...
ولك ياخويه اني مشلوع قلبي ..
قتيبه : افاا كل هذا واني مادري ؛ واكول حسام بي شي طلعت العاشق الولهان ههههه
حسام : دكوم اني قلبي مشلوع وانت تتمضحك ..
يجي يوم وتوكع بالحب وشوف المعانا وامأسي
قتيبه : الحمد لله اني بطريق والحب بطريق ثاني
حسام : هههه انشوف بعدين يلتقون هذان الطريقان لو لا ..
يله اني امشي محتاج شي ..
قتيبه : سلامتك ؛ بعد وكت شعندك ..
حسام : يمعود نعست اروح انام وباجر اروح من الصبح اشوف الحب
تدري حفضت الدوام مالتهم هههه
قتيبه : الله يساعدك ، الله وياك ..
دخلت جوة لكيت ميرا كاعدة بلكاع يم الباب وتسمع حجينا ..
كتلها : شعندج هنا وخو لو جايا كاعدة يمنا وتسمعين
هيه نزت الضاهر جانت بغير عالم وخلت وراحت للغرفه ..
رحت براها لكيتها ماماكلها واني جنت جوعان ..
رحت كتلها ليش مااكلتي يله تعالي اكلي ..
اجت تمشي خفيف كعدت واني هم كعدت اكل
اني اكل لكمتين وهيه تلوج بالأوله ..
قتيبه : شنو معاجبج الأكل ليش متاكلين ..
ميرا : لا طيب وهاي كااكل ..
وكامت تأكل عسريع عبالها راح اكتلها لو اسويلها شي
كمت اضحك على شكلها شلون تاكل ..
هيه انتبهت كالت شبيك خربان ضحك كدامك قرقوز ..
كتلها : لا حشاج بس شكلج يضحك شلون تأكلين ، ١ على كيفج لا تختنكين
ميرا : والله حرت وياك ، ساعه تكول متاكلين وساعه
تكول لتختنكين ..
قتيبه : ههههه على راحتج شلون متردين اكلي ، المهم تاكلين احين ميبقى وجهج اصفر ..
ميرا : ضليت صافنه هذا هو لو مبدلي ..
قتيبه : شبيج صافنه بوجهي بس لو انعجبتي بي
ميرا : لااا
بس تدري او مرة اشوفك تضحك ، فتفاجئت
قتيبه : هاا اي صحيح ، يمكن اول مرة اضحك من قلبي بعد وفات والدي الله يرحمه ..
ميرا : الله يرحمه
شفت عينه لمعت الضاهر اتذكر ابو ..
كال الحمد لله شبعت وخلى وكام ..
اني هم كمت وشلت الأكل حطيته على صفحه
كلت هذا يمكن راح عزة شلون اخاف عاف الباب مفتوح ..
كلت خلي اشوف بي المفتاح علمود اقفله فتحت الباب لكيته كاعد برا ويدخن ..
شافني طفى الجكارة وكال شكو محتاجه شي ..
ميرا : لا بس عبالي رحت وبقى الباب مفتوح فخفت
كلت بلكي اكو مفتاح علمود اقفلها ..
كال لا اليوم مااروح ابقى يمج لو اريد اروح جان رحت ويا حسام ..
ميرا : ليش تبقى يمي .
قتيبه : انتي شكد غبيه يعني ليش كلت خاف يجي شي مفترس وانتي وحدج ..
ميرا : هاا
قتيبه : خليج بغبائج اني طالع برا اشم هوى تجين ..
ميرا : اي اجي احسن من الخنكه جوا ...

...........................................................................

دمتم بخير ..
في امان الله