خطفني فَأحبني

البارت الخامس عشر

ميرا : طلعت برا كعدت يم قتيبه ، جان الجو شويه بي بروده والسماء كلها نجوم الجو جان كلش حلوو

انتبهت على قتيبه رافع راسه للسماء ويشاهد النجوم
اريد احجي ويا اخاف يكب بيا ، بس هو مبين قلبه طيب بس ليش هيج ينتقم وخطفني ..
اتجرئت وكلت خلي احجي ويا ، اليوم مبين هادء ماطول قبل شويه ضحك ..
اممم ممكن سؤال ..
قتيبه : اتفضلي ؟!!
ميرا : انت مبين قلبك طيب وحباب بس شعجب اتريد تنتقم وخطفني ؟!
قتيبه : اه شلون ابدي احجي ، عايني اني اخاف ربي
وماعندي ذني ااسوالف مال الولد والمعارك والخطف
ومادري شنو ،، المهم اني مااريد امدح بنفسي
بس اني اخاف ربي ؛ لكن من توفى والدي انهاريت
وماعرف شنو اسوي ؛ واول مااجى ابالي انتقم
ومن ردت انتقم من اهلج اختاريتج انتي ؛ مادري ليش يمكن لان جنتي بوقت الحادث ..
بس اني اول ماكلت انتقم ، كلت مااذيج ولا اسويلج شي ؛ غير بس احبسج علمود يحترك قلب ابوج ..
وشكد صديقي حاول وياي اعوف الانتقام وهذا مو من طريقي ؛؛ بس اني ماسمعت كلام احد
العناد جان راكب راسي ...
ميرا : بس حرام عليك حتى والدك بكبره ميرضى
باليصير ، حرمتني من اهلي ،، متدري هسه شصاير
باهلي ، خلي مكانك بمكاني وفكر ايش ايصير بأهلك
دموعي كامت تنزل وحدهن اشتقت الأهلي ..
قتيبه : انشاء الله عن قريب ارجعك وتشوفين اهلك ..
ميرا : دموعي كامت تنزل ميقبلن يوكفن ، وصوت شهقاتي على علمكان ، اشتقت الاهلي الله اليعلم شلون حال امي هسه وابويه ..
قتيبه : تفضلي ومسحي ادموعج مابقى شي وارجعك لاهلك ..
ميرا : اعاين ماد ايده وبيها كلينس ..
اخذت منه وكمت امسح ادموعي ؛ بس ميقبلو يوكفو
عبالك محبوسات من فترة وكامن ينزلن ..
جان قتيبه كاعدة شويه قريب يمي يعني مسافه قليله بيناتنا ...
امسح بدموعي وينزلو ؛ وماحسيت الا قتيبه ادنى صوبي وخلاني على صدرة ..
كان راسي على صدره ودموعي كثرت ؛ كان صدرة كلش دافي وشعور حلو اول مرة اشعر بي ..
قتيبه : اووف لتبجين والله انقهر من اشوف ادموعك بسببي ...
فدووة لتبجين وكلتك راح ارجعك لاهلك وبعد متشوفيني ..
ميرا عايني ؟!!
ميرا : شنو اعاين على ايش ..
قتيبه : النجوم شوفيهن شكد شوفي اني راح احسب النجوم وانتي هم وياهو الي يحسب النجوم اكثر
واليتعب ويوكف يكون خساران ..
ميرا : ماشي يله ابدا
قتيبه : واحد ثنين ثلاثه عشرين واحد وعشرين ....
قتيبه : حسيت شي ثكل عليه اعاين ميرا نامت
اووف خطيه قهرتني من كامت تبجي ؛ خلاص باجر وعد ارجعها لاهلها ..
شلتها وطببتها ليجوه ..

ميرا : كعدت الصبح اني نايمه بالغرفه ، اتذكرت البارحه ؛ معقوله اني نمت بره
اتذكرت شكله لقتيبه ، الله شلون حضنه دافي وقلبه طيب ، بلكي صدك يرجعني لاهلي ..
عاينت خاط علاكه بيها اكل ..
اني مااشتهي بقيت كاعدة ..
شويه واجى قتيبه بيدة علاكه ضليت اعاين عليه واحفض ملاحمه ..
قتيبه : هاي العلاكه بيها ملابس وحجاب روحي بدلي
علمود اوديج لاهلج ...
ميرا : صدك طرت من الفرح اخذت العلاكه واركض للحمام ..
بدلت وكملت واجيت ؛ ها توديني لو اروح وحدي مثل ذاك اليوم ؟!!
قتيبه : لا اني اوديج امشي يله
صعدت بالسيارة واني طايرة من الفرح ياربي واخيرا راح التقي باهلي ..
ياترى شلون راح يكون اللقاء ، اهلي شلون راح يكونون اوفف ماامصدكه راح ارجع سالمه ..
كاعدة وافكر سمعت صوت قتيبه يله وصلنا ..
اعاين هذا فرع بيتنا اي هو الفرع اوفف واخيرا
اريد افتح السيارة وانزل ..قتيبه بعدنا خلي اوصلج يم بيتكم ..
ميرا : لا وكف السيارة هذا بيتنا بدايه الفرع اني اروح ..
قتيبه : براحتج وكف السيارة ..
ميرا : ماصدكت رحت اركض للبيت ماعونت وصلت
دكيت الباب ، واني قلبي يدك طبول خوف على اشتياق على فرح ..
دكيت الباب مرة الثانيه سمعت صوت احمد كال منو
اي هذا صوت احمد اللللله صارلي شكد مسامعته
احمد هاي اني افتح ..
انفتح الباب ضليت صافنه بوجه وهو صافن بوجهي
بعد فترة كتله احمد ..
احمد : انتي منو ميرااا
ميرا : شبيك احمد هاي اني ميرا ، حسيت اكو شي غريب صاير بغيابي ..
ميرا : احمد شبيك معرفتني ؟!!!
احمد : لا عرفتج بس وين هاي الغيبه وين جنتي مو قلبنا ورم من وراج ..
ميرا : احمد ليش هيج تحجي ؛ تعال خويه وربي مشتاقتلك ومامصدكه اني كدامك ..
طبيت حضنته وكمت ابجي ..
احمد صح مبين مشتاقلي وحضني وبجى وياي ؛ بس اكو شي غريب صاير احمد متغير ..
سمعت صوت امي تكول احمد منو اجى ..
احمد : يمه تعالي اجتي ميرا
الام : هاااا
ميرا : يممممممه
شفت امي ضلت صافنه بوجهي وبعدين كامتت تتماوع شكلها راح تتخربط ..
بس شنو هاي مو امي تكول امبدليها الوجهي اصفر وضعفانه حيل ..
ركضت على امي كمشتها ، وكعت بحضني وغابت على الوعي ..
صحت مي احمد جيب مي عسريع ...

......................................................................

دمتم بخير ..
في امان الله