خطفني فَأحبني

البارت الرابع والعشرين

السلام عليكم ..
شلونكم حبايب ❤❤ كلش مشتاقتلكم ..
واعذروني عتقصير ومن زمان مناشرة بارتات وجنت كلش مشغوله وجان عندي ضرف
وانشاء الله راح اكملها ويوميا انشر وما اتأخر ..
اني من العصر كون انشر البارت بس بسبب الأنترنيت ضعيف يمي ما انشر ونمسح البارت بالغلط 😢 ،،
قدروا تعبي وتفاعلوو حبابين 😍😍

🌹🍁🌹🍁🌹🍁🌹🍁🌹🍁🌹🍁🌹🍁🌹

ميرا : هذيج الفترة جنت كلش تعبانه وأسمع هواي حجي يغثني ودموعي خلصن بس الحمد لله هسه مرتاحه وما اسمع حجي لان فترة والناس تتنسى الشي ميجي عبالهم واحنا مو هواي نطلع اغلب الأوقات بالبيت ..

وابويه حب يغير علينا الجو وينسينا الحادث والشي الصار ، وشافني كلش اتعذبت واتألم من حادثه الخطف ..
بس خلصت المدارس وكملو أحلام واحمد امتحانات اخذنا ابويه سافرنا فترة ورجعنا وكلش جانت السفرة حلوه ..

خلتني اطلع من الكئابه الأني بيها واتناسى الشي الصار ؛؛ بس دائما طيف قتيبه يجيني وهواي جنت افكر بي وميطلع من تفكيري ..

قتيبه : حسام اني احبها اي احبها وهذا الشي الدمرني حبها عذبني وهيه شغلت عقلي وكل تفكيري
وحاير شنو أسوي ..

حسام : ها يخوي وكعت بيها ؛ مو كتلك يجي يوم وقلبك ينسرق وعقلك يدمر ما جنت تصدكني وتكلي اني بطريق والحب بطريق تذكرر ..

قتيبه : اي صحيح وشمدريني اني الحب وحده يدخل للقلبك وبدون استئذان ومتكدر توقفه ..

حسام : اي صحيح واني هيج حالتي مثل حالتك
الحب مرض يدمرك ويسلب راحتك ويشتت عقلك

فكيف ان كان الحب من طرف واحد ..

قتيبه : وهسه شلون شنسوي اذا رحنا وخطبنا والدهم ما وافق شنسوي ..

حسام : مادري اني أكول انت روح وأخطب واذا وافقوا عليك احتمال يوافقون عليه ..

واذا اني رحت وخطبت أكيد ميوافقون وميزوجون الصغير قبل الجبيرة بعد ما ادري هيج اتوقع ..

قتيبه : والله مادري يعني هيج رئيك ..

حسام : اي اتوكل على الله وانشاء الله خير

قتيبه : انشاء الله
حسام : اني اكوم اروح للشغل محتاج شي ..

قتيبه : سلامتك خويه ..
حسام : مع السلامه

قتيبه : ضليت افكر وشلون اروح وأحجي ويا ابوها
وهذا الشي صعب وأكيد ميوافق ياربي شلون واني احبها ..

ضليت افكر وقررت اروح وأحجي بالموضوع ،،

شفتها الساعه بالأربعه العصر كلت خلي اروح
سبحت وبدلت وتكشخت وحطيت عطر ورأخذت السويج السيارة وطلعت ..

وصلت بالمكان الي يشتغل بي ضليت حاير شلون
اطب وشحجي ..
اجى عامل يشتغل بالدائرة كال اتفضل خويه محتاج شي ..
كتله بس لو ادليني على المكان اليشتغل بي عامر ابو أحمد ..
الرجال : اول المكتب بالطابق الثاني ..
قتيبه : شكرا خويه