مساء الورد والياسمين لأحلى متابعين
🌹🍃🌹🍃🌹🍃🌹🍃🌹🍃🌹🍃🌹🍃🌹
طب احمد الغرفته نزع ملابسه ولبس تراك ونزل يركض للمطبخ ..
دخل و كعد بصف اخته وكام يأكل الغداء
كالت احلام : شوكت انروح لبيت جدي
كال الأب : العصر اجي الكاكم مكملين
ابتسم احمد وكال شوكت يجي العصر حتى نروح
اكملوا الغداء ، وكامت الأم بغسل الأماعين ، كامت
ميرا تنضف المطبخ مع امها ...
صعدت الغرفتها لتجهز حتى يروحون لبيت جدهم
اخرجت فستان طويل لونه اسود وفوكه سترة ورديه
وحذاء فلات وردي ،، لبستهن وحطت كحله ، برزت عيونها الكبار العسليه
صاحت احلأم احلأم
كالت اجيت كافي اصيحين
كالتها شلونهن ملابسي حلوات لو اغيرهن
كالتلها لا حلوات ليش تغيريهم بلعكس عاكسات على
بشرتج ومنطيج منضر حلو
واني شلونهن ملابس
شافت ميرا ملابس احلأم جانت لأبسه بنطرون نيلي
وتشيرت لركبه لونه ابيض وبي زغرفه بلون نيلي
وحذاء رياضي ابيض وشال نيلي جانت طالعه حلوة
كلتله حلوات يله امشي بسرعه لنتأخر
صعدن بالسيارة ، تنفرز احمد وصاح ساعه يله تبدلن
كالت احلأم على كيفك عيني ملحك لسوالف والعب
صاح احمد اسكتي وكافي لغوة فارغه مثل شكلج
كلتله شبي شكلي احسن من شكلك رادت اتكمل
قطعها صوت ابوها ؛ صاح كافي كلواحد شكبرة
وبعدكم تتعاركون مثل الجهال وفوكاها كدامي
خلي اسمع صوت واحد منكم ، الاارجعه للبيت وماكو
روحه ...
سكتوا خافو من عصبيه ابوهم
دخل الأب البيت ابوه وخلفه زوجته واولاده
سلم على ابوة وامه وكان اخوانه وخواته مشتمعين
جلس بجانب اخوانه
وكان النسوان كاعدات بصفحه
والبنات بصفحه ، والشباب بصفحه
سلمت ميرا واحلأم على الموجودين وراحت يم البنات
كالت ميرا شلونكم بالأمتحانات ، كالت نور بنت عمها
اسكتي يمعودة صعبه موت زين لو نجحنا بلدفعات
ضحكت ملاك وكالت ليش بالدفعات بالنسبه اليه
اكيد ناجحه وبدرجات ترفع الراس ؛ مو مثل بعض
الناس ملتهين بالونسه والسوالف والمولأت ...
شمرت نور باكيت الأكنينس على سوسن وكالت ،،
اسكتي وكافي تفتخرين ، ترا ندري انتي زينه وراح تنجحين
ضحكت ميرا على نور شلون عصبت
نور معروفه بكشختها ولبسها ونستها والدراسه اخر اهتماماتها
اما ملاك بنت عمي محمد شاطرة معروفه هيه وميرا بذكائهن وشطارتهن ...
بدت السوالف والضحك
احمد اخذ كرار ومنتضر وراحو ايلعبون كرة القدم بلساحه
كانت ميرا ملتهيه بالسوالف والضحك ومتدري ٠ بالنضرات العليها
كرصتها احلام من ايدها
كالت ميرا شبيج
كلتلها شوفي حازم شلون يباوعلج
وجهت ميرا نضرها على حازم جان كاعدة ويه الولد
ويسولفون وهو صافن عليها
كالت هذا من كل عقله عباله راح اوافق على الزواج
خلي يحلم بخياله
صار الليل واجه احمد صاح اخواته وكال يله ابويه منتضر بالسيارة
صعدو بالسيارة ورجعوا للبيت ،،
دخل الأب الى غرفته وصاح الزوجته
دخلت وسدت الباب
كال ترا بيت اخويه الأربعاء يجون يخطبون ميرا
كولي الميرا وخلي تجهز مابقى شي للأربعاء
كالت ميخالف اكللها ؛ بس اذا ماوافقت شلون
كللها قنعيها متلكى احسن من حازم
ابن عمها ونعرفه وخوش ولد ومكمل دراسه
كالت ماشي بعد شويه اصعدلها
دخلت الأم لغرفت بناتها وكالت احلأم روحي بغرفه
احمد
كالت احلأم كااعاين تلفزيون شيوديني بغرفه احمد
صاحت الأم اني شكتلج كومي روحي بغرفه احمد
اريد احجي ويه اختج ؛؛
كامت احلأم كالبه الخلقه وتحجي بقلبها
هسه خو احجي كدامي شيصير ؛ عبالك ماادري اكيد
على الخطبه ، عبالهم اصغيرة ويطلعوني من الغرفه
الله ياالله ...
سدت الأم الباب وكعدت بصف ميرا وكالت
بنتي الأربعاء راح يجون بيت عمج ابو حازم ويخطبوج لأبنهم
كالت ميرا : يمه اني ماأريد اتزوج وتدرين بيه اريد اكمل دراستي ؛ وممفكرة بالزواج
كالتلها فكري يمه بالموضوع ترا حازم خوش ولد ومكمل دراسه
ومتلكين احسن منه
كالت يمه اني مااريد اتزوج وخبري ابويه برفضي
وخلي يكللهم
كالت ابوج اموافق على الزواج وراح يزوجج ان وافقتي او ماوافقتي
كالت يمه ليش ضغطين عليه كتلج مااريد اتزوج
كالت اني راح اطلع واخليج وحدج وفكري زين
دخلت الأم للغرفه وكالت بنتك خبرتها على حازم
وماقبلت وحجيت ويا ومترضى
كال خوش عوفيها واني بأجر احجي وياها
...............................................................
دمتم بخير ...
في امان الله .
أنت تقرأ
خطفني فَأحبني
Fantasyقصة فتاة كانت حياتها سعيدة بين احضان اهلها فجأة تتغير حياتها الى ظلام بسبب شاب يهوى الانتقام لثأر والدة ، وتقع الفتاة هي الضحيه وتدفع الثمن ، وقد يشاء القدر ان يَحول قلب الشاب من كرة الى حب تجاه الفتاه ، لنرى هل يفوز الشاب بكسب قلبها ام يخسر ؟
