خطفني فَأحبني

البارت الثاني والعشرون

ضليت اقراء قرأن ودموعي تنزل وادعي الله يغفرلي وبعد ما أكرر اغلاطي ،،
ضليت مرور اقرأء وابجي الا ان كمت صدقت وطبكت القرأن ، رحت نمت ...

احلأم : يووم شوكت يجي ابويه اتأخر
الأم : جيبي المبايل خلي اخابرة واشوف اشصار

كا اكوم اجيب المبايل طب ابويه شكله تعبااان كلش وعركان والجو موت حرر
ركضت للمطبخ جبت مي بارد ورحت للبويه

احلأم : الله يساعدك بويه ، تفضل اشرب مي
الأب : بعد قليبي يابه

الأم : شصار شو تأخرت ، ضل بالنا عليك وقتيبه اعترف لو لا ..
الأب : لا معترف وكال صاير ويا حادث وفضت الشغله ..
اني تعبان مابيه حيل اسولف السالفه اروح انام ساعتين وكعديني ..

ميرا : الحمد لله فضت السالفه ومرت على خير
الأم : الحمد لله

احلأم : بس شغله غريبه وتحير شعجب اعترف لو غيرة ايكول اكمل انتقامي ؟!

الأم بصياح : احلأااام اتكومين منا لو ابتلي بيج
احلام : يمه شبيج هو اني شكلت ..

الأم : كوومي منا لا بارك الله بيج
ميرا : كومي احلام انحضر أكل للعشاء
احلام : اي كايمه ..

قتيبه :
جنت افتر بغرفتي وضايج حيل ، دخل والدي مبتسم ومنور وشكله جان كلش حلو ولابس ملابس بيض

رحت يمه كتله بويه اني غلطت بهواي شغلات واريدك اتسامحني ،، بويه اني تعباان

الأب : سلامتك اوليدي من التعب ؛؛ اوليدي اطلب من ربك المغفرة هو اليسامح ..
وربك رئوف رحيم
قتيبه : والنعم بالله ..
كعد ابويه على السرير واني تمددت وخليت راسي بحضنه وجان حضنه كلش مريح وكام يمسح على راسي وجتفي ..

ويهمس بكلام ما فهمته مثل الأدعيه او الأقرأن الحد مغفيت بحضنه ..

كعدت من النوم مرتااح ومبتسم وكل عقلي اني نايم بحضن ابويه عاينت حواليه ماكو ضليت اعاين واتصفن بالغرفه ماكو اثر لبويه ؛؛

عرفت اني جنت بحلم ...

كمت بدلت وتنضفت وطلعت ميت جوع رحت على مطعم قريب اتعشيت وطلعت ضليت افتر بشوارع بغداد واشم الهواء النقي بالحدايق مرت ساعات وخليت ورجعت للبيت ..

ميرا :حضرنا العشاء وكعدنا ابويه وتعشينا وكملنا
ضلينا كاعدين بالصاله انشاهد تلفزيون ..

شويه ورحت لغرفتي نعسانه بسرعه ذبيت نفسي وغفيت مدري هيج تعبانه ..

كعدت عطشانه عاينت الساعه 11/30 اتذكرت اني بالعشره نمت ..

بس البيت هدوء وشعجب احلام نايمه من وكت غريبه ..
خلي انزل اشرب مي ميته عطش ..
فتت من يم غرفه ابويه سمعت صوت ابويه ايسولف ويا امي ؛ اني من طبعي مااحب اصنت واسمع على احد مااحب هذا الطبع ..
ردت افوت بس شي خلاني ارجع واسمع الحجي
من سمعت صوت ابويه يكول قتيبه ..

مدري ليش رجعت وسمعت كلامهم واني مااحب اتصنت ، بس ليش من سمعت بأسمه اكلني الفضول شديحجون عنه ..

سمعت ابويه يكول سامحته وانقهرت صحيح هو غلط وغلطته جبيرة وسببت هوايه اذيه ؛ بس هو بعده ولد طايش وغلط وماكو بشر ميغلط ..

وكتله اطلب من ربك يسامحك ،،

ميرا : بعد ما سمعت كلام ابويه عن قتيبه وانو هو عباله ابويه قتله عمدا ووو
ضل كل تفكيري بي وانقهرت عليه ، خطيه وحيد مااله احد فاقد امه وهسه فقد ابوه لذالك انجن من شاف ابوه ميت كدام عينه ..

خلي اعوف التفكير والله يصبرة على الفراق ؛ اروح انام احسلي ..

شربت مي وصعدت انام ؛ كلما ادير وجي منا اريد انام ايصير قتيبه بوجي واندار مناك نفس الحاله

يا ربي شدايصيرلي اريد انام تعبت من التفكير وقتيبه مدايروح من بالي وعقلي ..

قتيبه : كعدت الصبح تريكت وبدلت ورحت افتح الجبس من رجلي واحس احسن صرت

خابرت ع حسام ورحتله للمحل ضلينا انسولف وسولفلي على البنيه اليحبها ، ويوم عن يوم حبه ايزيد والبنيه متجاوبه ..

قتيبه : حسام اكولك اني صايرلي فترة وتفكيري ميطلع من هاي البنيه الخطفتها تذكرها ..

حسام : اي اتذكر
قتيبه : مادري ليش صاير هواي افكر بيها ومتطلع من بالي وبالخص من التقت بابوها وطلعت اني اني المذنب من اهدها واني افكر بيها ..

حسام : الضاهر وكعت بالحفره ههههه

قتيبه : ولك يا حفرة
حسام : حفرة الحب ههههههه
قتيبه : هااا
حسام : وجعااا شبيك ولك الضاهر انت مو فد تحبها وانما تعشقها ..
وطيرت تفكيرك ...
قتيبه : لا يمعود يا حب يا بطيخ اني وين والحب وين مجرد تفكير هيج ...

حسام : انشوف هذا التفكير وين يوصل

ميرا : يبوو اليوم بيت عمي يمنا وشيخلصنا من حجي مرت عمي الغثيثه

اروح اغير ملابسي ؛
نزلت سلمت وكعدنا انسولف واني اكره سوالفهم كله غيبه هاي شترت وذيج سافرت وو
كاعده واسمع الحجي طلعت رحت للمطبخ اشرب مي وكا ارجع اريد اطب اسمع مرت عمي تكول للأمي

اكو ناس ايريدون يخطبون بنيه واني كتلهم على ميرا ؛؛
خوش ولد ومرتب وعمره 39 سنه ومطلق ..

امي : لا بنتي صغيره ومازوجها لواحد بكد ابوها

مرت عمي : اني كتلج ادزهم عليكم هاي اذا قبلوو بنتج ؛؛
امي : وليش اسم الله شبيها بنتي وحتى ميقبلون بيها ألف واحد يتمناها ..
مرت عمي : لا مبيها شي بس مخطوفه ؛ وانتي تعرفين الناس شتحجي على البنيه المخطوفه وشنو بنضرهم ؛؛

امي : شوفي خيتي ااني معليه بالناس شنو بنضرها
اني عليه بنفسي وبنضري وبنضرب ابوها ابنتي احسن واشرف من كل بنيه ..

فمعليه بنضر البقيه ؛ واذا على ذوله الناس خليهم يجون يخطبون بنتج ، اشو حس قولك خوش ولد وميتعيب وبنتج هم خوش بنيه فيتوالمون ..

ميرا : سمعت هذا الكلام مدري شصار بيه اختنكت كمت ما اشم الهواء وادموعي وحدها كامت تنزل ؛ خليت وركضت لغرفتي ..

طبيت بغرفتي وقفلت الباب وكمت ابجي والكلام يتكرار بأذاني ..

.....................................................................

دمتم بخير ..
في أمان الله .