مساء الورد ❤
....................
ميرا : ضليت محبوسه بلغرفه وافكر بالصار معقوله ابوي يسوي هيج لالا ممعقوله ..
ضليت يومين راسي راح ينفجر من التفكير
حتى قتيبه بعد ماشفته اختفى ....
كاعده وافكر بحياتي وجان الباب تنفتح رفعت راسي
قتيبه واكف بطوله وضخامته وهيبته ..
وجهه خالي من المشاعر كال ..
قتيبه : يله كومي روحي لبوج والأهلج بعد ماالي غرض بيج والأنتقام انتهى ...
ميرا : سمعته يحجي بنبرة امر خاليه من المشاعر بصوت هادي...
بس ماصدكت السمعته ضليت جامدة بمكاني !!
قتيبه : مو كا احجي وياج ياله كومي روحي
ميرا : انتى دتحجي صدك لو تشاقى يعني اروح لأهلي بعد ماابقى اهنا !؟
قتيبه : اي روحي مااريد اشوف جهرتج ياله روحي
ميرا : هذا دايحجي صدك ؛ خلي استغل الفرصه واطلع قبل ليغير رئيه ؛؛
كمت عسريع وطلعت ، وياريتني ما طلعت لو باقيه يمه احسن ..
طلعت جان الجو عصر الشمس غايبه ومابقى شي ع الليل ..
اعاين الشارع رفيع ومنا بساتين ومنا هم بساتين
الشارع صاير بنص بساتين ..
ياربي المكان يخوف واني مااندل منين اروح ..
شو خلي امشي بهذا الشارع واطلع كبل قبل ليصير الليل والمكان ايخوف ..
كمت امشي عسريع واندعي ربي ،،خاف يطلع جلب لو ذيب لو شي حيوان ..
هسه سويت جميل كمله وصلني للهلي احسن هيج اني تايهى ..
امشي وامشي والجو كام يضلم شفت سيارة من بعيد جايه كلت خلي اشرلها بلكي توصلني ..
اشرت ماكو طوطت وفاتت من يمي .. ولا كانو بشر واكف كدامهم ..اوف يربي شسوي
اجى ماطور من بعيد واني كمت امشي عالسريع الوكت يخوف والمكان كام يضلم ..
جان الماطور صاعد بي ثنين ولد جان واحد غمزلي
اني مهتميت وكمت امشي بسرعه 180 درجه شبه اركض ..
جان الماطور لاوف وشحط شحطه قويه ؛ اني نزيت
و كمت اللهث ؛؛
حجا واحد كال وين الحلوة تريد تروح اني اوصلها
كمت اركض وادموعي سابقاتني ؛ واخوف بقلبي
يارب خلصني يارب ارجوك ..
جان الماطور وكف اكبالي وطفر واحد ؛ اني رجلي خدرت وضليت جامدة بمكاني ..
واعاين هذا اجا عليه وذاك كاعد يوكف الماطور
كمت ابجي بصوت عالي ؛؛ خلص انتهت حياتي ربي شسوي انتهيت ..
اجا تقرب يمي واني كمت ارجع ليورا وابجي فدووة
عوفني اترجاك شتريد مني ..
ضحك كال اريدج !!
اني اختنكت بعد مااكدر ورجلي اشنجت والنوب ذاك هم اجا وكال مرتضى امشي اكمشهى من ورا واني من كدام ويضحك ..
اني كلت يا رب اوكف وياي وكمت بكل قوتي اركض واركض وهم يركضون كمشت حجاره وشمرتها عليه
وجان كمش عينه ويصيح ولك اكمشها اليوم انعل والديها ..
اخ عيني مااشوف بيها ركضت عسريع وجان الدنيا ضلمه وامشوف عثرت بحجارة وكعت واشوف هذا صار قريب عليها ..
وجان ايد من وراي تكومني بقوة .. قلبي كام يدك طبول مكفاني ثنين جاي ثالثهم ...
كومني وكفني يم الشجرة اعاين هذا قتيبه يارب رحمتك بلكي ينقذني ...
وراح قتيبه على هذا الولد وكمشه كتل وبوكسيات ومرافس وسب وغلط وذاك هم يغلط ويسب ؛ وجان ذاك الثاني شاف الوضع كتل ومكتول، اركب الموطور ويريد يفلت ، قتيبه ذب هاذا مدمى بلكاع وراح الذاك سحله من الموطور وكتله واخر شي تفل بوجها وكال كوم يا كلب اخذ هاذا الجرو وروح ..
كامو يتراكضون صعدو الموطور وراحوا ..
اجى قتيبه يمي كال ؛ بيج شي سوالج شي ..
حجيت واني ارجف شكله يخوف قميصه بي دم مال الولد الكتله ومشكك ، وعيونه حمر ..
احجي وسنوني اطكك خوف ؛ لا مابيه شي بس اجوا وكمت اركض ويركضون براي وانت اجيت ..
كال الحمد لله ؛ يله كومي
كتله وين ؛؛كال كومي امشي والا كولج ابقي براحتج اني رايح ..
ميرا : يا هذا صدك عافني وراح اعاين عليه شلون يمشي برزانه وهيبه ..
عزه واني شلون شسوي هم يوجني المتوحشين ،،
بله هذا شلون عافني وراح ..
خلي اروح الحك بي قبل ليروح ..
رحت اركض ابرا جان واكف يفتح باب السيارة ايريد يصعد ..
شافني ضل صافن وينتضر احجي ..
ميرا :عزة هسه شحجي شكله اخذني وياك يبو كااحجي وجان يكول ،،
يله بسرعه صعدي بالسيارة ماعندي وقت وجان يصعد ويطبك الباب ..
اني كمت امشي رجل ليكدام ورجل ليورا شكله يخوف ؛؛ واني الخوف بقلبي دااصعد بالسيارة ؛ كال شنو تمشين على بيض مكسر ..
صعدت عسريع ليورا ..
كام يمشي بالسيارة وطلع مبايله وخابر كال
الوو حسام .... الحمد لله انت شلونك .....
اكولك اذا متصير زحمه جيبلي قميص و اكل
....... رحمه والديك ...... بيت القديم .................
حسام هسه تجي لو لا اذا متكدر لتجي .....
الله وياك ..
وصلنا لنفس البيت المهجور ؛ طببني للغرفه وطلع ..
...........
قتيبه من بعد ذاك اليوم احس شي بداخلي ارتاح ليش ماادري ؛؛ من حجيت ويا ميرا وبجيت ارتاحيت
بس اني مو اول مرة احجي ؛ اني فاتح قلبي لصديق طفولتي حسام وكلشي يعرف عني بس شو من حجيت وياها ارتاحيت ؟!!
ضليت يومين افكر وحجيت ويا حسام ودائما ايكلي انت انسان مؤمن تؤمن بقضاء وقدر عوف الأنتقام
بس ما سمعت منه ورحت خطفت بنت القاتل ابويه
بس من خطفتها كلت مااذيها ولا المسها ولا اسويلها
شي غير بس احبسها ،،
بس مرتين عصبتني وكام تفزع الأبوها وتسب ؛ خلتني اضربها واني ماعمري ضربت مرة ، بس بسببها تعصبني المهم ..
حجيت ويا حسام وكتله اني راح اعوفها اعتقها لوجه الله ..
حسام فرح وكال اي خويه عوفها البنيه ماالها ذنب بالصار وحرام عليك اتسوي هيج ..
وابوك بكبرة ميرضى ..
طلعت من حسام ورحت لكيتها كاعدة شافتني رفعت راسها حجيت وياها وكتلها روحي بس ضلت كاعدة
حجيت مرة الثاني كتلها ياله روحي ،، كالت تحجي صدك شكلها مامصدك صفنت بوجهي شويه وجان تركض عسريع وطلعت ..
ضليت كاعد بالكاع شويه وافكر ..
كلت اني شلون خليتها تطلع وحدها والدنيا راح تضلم وطريق بساتين وهيه اكيد متندل ،، والوكت مو امان ؛؛
خلي الحك بيها ، طلعت عسريع وامشي بالسيارة
ماكو اتكول زبدة وماعت وضليت افتر وادور الدنيا ضلمت وامشي بالسيارة وشفت من بعيد ..
بنيه تركض واحد يركض براها ؛؛ كلت اكيد هيه
نزلت عسريع من السيارة ورحت اركض لكيتها واكعه
وهو مثل الذيب شافني ضل واكف كومتها
اعاين مو هيه القبل شويه عفتها صح عفتها وجها اصفر لان متاكل ونحفانه ..
لكن هاي وجها اصفر ازرك من الخوف وصوت قلبها يدك عسريع وتلهث من اركض ..
كمشتهم كتلتهم ورحت اخذها كالت وين ؟!!
كتلها كومي والا اكولج ابقي اني رايح ..
كلت خلي اهبطها عفتها ومشيت اروح للسيارة ..
شويه وسمعت صوتها تركض ، عفتها ماالتفتت ضليت امشي وردت اصعد السيارة صارت قريبه
انتضرتها تحجي ماكو ،، اتكول السانه انبلع صافنه بوجهي ،، كتلها يله صعدي .....
.......................................................................
دمتم بخير ..
في امان الله
أنت تقرأ
خطفني فَأحبني
Fantasíaقصة فتاة كانت حياتها سعيدة بين احضان اهلها فجأة تتغير حياتها الى ظلام بسبب شاب يهوى الانتقام لثأر والدة ، وتقع الفتاة هي الضحيه وتدفع الثمن ، وقد يشاء القدر ان يَحول قلب الشاب من كرة الى حب تجاه الفتاه ، لنرى هل يفوز الشاب بكسب قلبها ام يخسر ؟
