خطفني فَأحبني

البارت الحادي عشر

فَي جنون المساء نوقِد لنا
مِن
سراج الأمَل حكايه ؛
خيوطها
زهريه تنسدل من افاق
احلامنا
ومع الله لا تخذل

مساء الخير
🍃🌹🍃🌹🍃🌹🍃🌹🍃🌹🍃🌹🍃🌹🍃

اخ بطني توجعني والألم قوي بعد مااكدر اتحمل
كمت ادعي ربي يجي هذا الخاطفني بلكي يسويلي جاره ، ولو هو ماعنده رحم ؛ لو عنده رحم جان رحم بحالي وماخلني هيج ..
انفتح الباب شفته واكف ،، من الألم صحت بكل قوتي
بداعت كل غالي عندك انقذني راح اموت بطني توجعني ،، ودموعي يصبن
شفته اجى صوبي كال ..
شكو شبيج ليش هيج وجهج احمر ،،
كتله دخيل الله انقضني بعد مااتحمل كااكلك بطني توجعني من البارحه ؛ كعدت بدلت وسبحت واكلت شويه من هذا الجايبه والنوب بطني كامت توجعني
كال خاف صاير عندج تسمم !!
اني خفت ومادري شسوي بس دموعي تصب
كال كومي اوديج للمستشقى واذا سئلوج كليلهم وكعدت من الدرج افتهمتي ..
اي بس بسرعه وديني ..
صعدني بلسياره وكام يسوق ،، واني الوب من الوجع
والطريق بعيد لان مادري وين مكعدني البيت بنص بساتين ، وبطلاع الروح ياله وصلنا ...
نزلنا دخلنا جوى رادو جنسيه وماقبلو يطببونا خابر صديقه عنده عرف بالمستشفى صديقه كاله هسه اني اجي مسافه الطريق ..
اجى ولد سلم عليه عرفته صديقه حجى ويه المدير ياله طببونا ..
دخلوني بغرفه اجت الدكتورة وسئلتني كم سؤال ؛
شنو اكلت وصاير هيج بيه من قبل ومادري شنو وكالت ليش وجهج مزورك كلتلها وكعدت من الدرج
بلكوه صدكت ؛؛
طوني ابرة مهدء وسوالي تحاليل ..
وضلينا كالو متطلع الا نشوف شنو يطلع بالتحاليل
من التعب وشويه الألم خف نمت ..
كعدت اسمع صوت فتحت عيني اشوف هذا الخاطفني ويا ولد نفسيته الئجى طببنا وكاعدين يسولفون ماانتبهوا اني كعدت ..
رجعت غمضت عيني واسمع حجيهم ..
الولد كاله قتيبه شراح تسوي ،، وين تودي البنيه
(اني بقلبي اكول طلع الخاطفني اسمه قتيبه )
قتيبه مادري شسوي بتليت بهاي المصيبه ..
بس تدري يا حسام احس اخذت بثاري عذبتها وعذبت اهلها ..
حسام : حرام عليك يا قتيبه اعرفك انته متضلم احد
والصار قضاء وقدر ، والبنيه مالها دخل ضلمتها يا قتيبه ..
اندك الباب ،، دخلت الممرضه كالت التحاليل طلعت
ودوهن للدكتورة ..
كاموا وطلعوا صارت الغرفه هدوء
فتحت عيني اوفف ياربي شسوي شنو مصيري
والسالفه مادري شنو ،،
شنو يقصد اخذ ثاره هذا يا ثأر اووف
دخلت الدكتورة وياها هذا اليسمى قتيبه وصديقه حسام ..
الدكتورة شلونج اليوم ياحلوه ..
ميرا : الحمد لله بخير
دكتورة ماعرفتوا شنو سبب بطني توجعني ..
الدكتورة عندج التهاب بالرئه قووي وصاير بيج من زمان وهسه رجع ..
اني اذكرت من جنت بالصف السادس تمرضت واهلي ودوني للمستشفى طلع التهاب بالرئه وتعالج
ورا فترة باله صرت زينه ..
وبسببه ماقريت للأمتحانات الوزاريه وتالي طلع معدلي ناصي مو المعدل لبالي ودخلت كليه القانون
وذكرت شلون اهلي ضلو اليل كله يسهرو وياي من جنت مريضه ،، دموعي وحدهن نزلن على ذكرا عائلتي ..
اي دكتوره صحيح صار بيه التهاب الرئه بالسنه الفاتت من جنت بالسادس ..
بس دكتوره شنو سبب رجوع المرض ..
الدكتوره : بسبب فقر دم حاد وقله الأكل والوكعه المحصلتها ..
صفنت على حالي الي اني بي
الدكتورة : اتكدرون اطلعوها ، بس مثل مانبهتك
ادير بالك على زوجتك ، وخليها تأكل اكل قوي
اني ضليت فااتحه عيوني على وسعهن يا زوجتي هذا شمكربط ، فتحت حلكي اريد احجي
خزرني وكال شكرا دكتورة واحنا راح نطلع يالله ميرا كومي ..
ميرا : يا هذا حتى يعرف اسمي شمدري
صعدنا بالسياره وسلم على صديقا ورحنا رجعنا للقفص دخلني الغرفه وراد يطلع ..
كتله اوكف
كال شكو !
كتله شنو كايل زوجتي منين صرت زوجتك
قتيبه : ضحك باستهزاء الضاهر صدكتي نفسج ؛؛
لو تبقين اخر وحده بالعالم ماازوجج
بس سئالوني شصيرين مني ؛؛ فاني كلت زوجتي حتى ليشكون ..
ميرا : هاا مو اني ميته عليك ؛ لو تبقى بس انت رجال ماازوج جهرتك ..
قتيبه : شنو سمعتي فاتحين عرض للزواج واني ماادري ههههه
ميرا : سخيفف ؛ زين وشمدريك بأسمي
قتيبه اعرف كل تفاصيلج وتفاصيل عائلتج مو بس اسمج ..
تدرين اني مخطط لخطفج من زمان بس كل مرة ايصير شي وتخرب مخططاتي ومااستسلم وارجع اخطط من جديد ..
ميرا : هاي هيج هامتك اني ...

......................................................................

دمتم بخير ..
في امان الله .