مساء الورد والياسمين
🌹🍃🌹🍃🌹🍃🌹🍃🌹🍃🌹🍃🌹🍃🌹
بدلت ونزلت اتريك لكيت اهلي كاعدين حتى احلام كاعدة ؛ كلت شعجب احلام كاعدة من الصبح واليوم اول يوم عطله استغربت ..
سلمت جان امي تكول ؛ شعجب اليوم كاعدة فايت وكت
ميرا : ليش هسه الساعه شكد
الأم : 12:00 الضهر
ميرا : عزززة واني عبالي بالتسعه ؛ واكول احلام شعجب كاعدة من وكت مو من عوايدها
احلام : انجبي ليش بالأمتحانات مو جنت اكد من السبعه الصبح ؛ لو مو بعينج
ميرا : زحمتي نفسج ؛ هو انتي بس بالأمتحانات كم يوم كعدت من الصبح
اروح اتريك احسن من كلامج الفارغ ؛
احلام : كولي اروح اتغداء مو اتريك ؛ اكو ريوك الضهر
ميرا : بكيفي اني اتريك الضهر عندج مانع ؛ عاد احسن من بعض الناس يتريكون العصر ..
احلام : اصعد فوك احسن من مااكابل وجهج
تريكت وبديت انضف ، امي جانت تحضر للغداء
كملت صعدت سبحت لكيت ابويه جاي وبدوا يتغدون كلتلهم مااريد قبل شويه تريكت ..
اروح احضر ملابس باجر الصبح اروح استلم النتيجه
والله خايفه مع العلم اعرف اني ناجحه ودرجاتي عاليه ؛ بس الخوف كتلني ..
كعدت ادور ملابس مرتبه حلوه حضرت تشيرت وبنطرون وجنطه
طبت احلام ياا وين رايحه ميرا عندج طلعه
ميرا : لا ماعندي طلعه بس احضر ملابسي باجر نستلم النتيجه شنوو متدرين خاف ناسيه
احلام : لا مناسيه بس شدعوا من هسه محضرتهن
اني باجر الصبح اطلعهن ابدل واطلع ...
ميرا : احلام اذا الصبح اتأخرتي اعوفج واروح ترا نبهتج ...
احلام : شدعوا قابل وين رايحين
ميرا : بعد اني كتلج ؛ عود مثل كل مرة ضلي دوري هاي وين وذيج وين وغراضج مطشرات ...
احلام : ماشي راح احضرهن
كعدنا الصبح الساعه ٨:٣٠ حضرنا ورحنا نستلم النتيجه ...
ها ولج احلام شطلعتي
احلام طايرة من الفرح ناجحه بدون خط احمر لو رافعيني بقرار ومامصدكه بنفسي ...
وانتي
ميرا : الحمد لله زينات درجاتي ،، امشي خلي نرجع موت حر ...
اهلي فرحوا بدرجاتي زينات واحمد واحلام هم ناجحين ...
واني وصلت للسادس لازم اشد حيلي حتى اطلع معدل عالي ...
طلعنا اتونسنا ورجعت ميته تعب كبل رحت نمت هلكانه من التعب
كعدت الصبح لكيتهم متريكين وكملين كعدت سويت ريوك
امي : اليوم نطلع نشتري ملابس مابقى شي عرس بنت عمتج يوم الخميس
طرت من الفرح عسريع اتريكت وبديت اشتغل وحضرنا الغداء
اجى ابويه امي كلتله كال عادي اطلعوا بس لتتأخرون
اتغدينا وصدت احضر نفسي ...
اشتريت فستان قصير لونه بصلي كلش حلو وعجبني ويا حذا كعب اسود ؛ و احلام اشترت فستان لركبه هم حلو وامي اخذت كوستم نيلي وبي تور مرتب وحلو وشترينا غراض للعرس ومكياج هم
ورجعنا هلكانين من الفر ..
اليوم اربعاء وباجر خميس الحنه راسلت البنات بلكروب ..
كلهم محضرين ومجهزين ومتحمسات للعرس والركص والونسه ....
كعدت من الصبح سبحت وحضرت ملابسي ابويه ماقبل انروح قبل بيوم
اخذنه غراضنه ورحنا للصالون ابويه وصلنا وكال من تكملون خابروني اوديكم للقاعه
سويت تسريحه بسيطه واكثر الشعر مفتوح وشعري طويل صار حلو
ومكياج خفيف امي متقبل واني هم مااحب الطوخ
واحلام هم مكياج بسيط ورفعتلها شعرها
امي حطت مكياج وشعرها فتحته لان مو طويل قصير طلعت كلش حلوة ...
خابر ابويه كالتله كملنا كاللها اي راح اجي
ورا شويه خابر ابويه وكال اني عندي شغل ضروري ودزيت حازم وراح يوصل ..
الام : يله ميخالف واحنا مكملين ماعدنا شي
الأم : يله بنات كملتن راح يوصل حازم
ميرا : حازم شكو
الأم : ابوج عده شغل ودز حازم
ميرا : هفف عاف الكل ودز حازم يبو على عمري الاغبر ...
شوي وابويه رمش معناتها حازم وصل
كمنا طلعنا
سلمنا وصعدنا امي كعدت ليكدام
واني واحلام ورا
كعد ايسولف ويسئل عن دراستنا وشكد جبت درجات
ووووو
اني مااطيقه ولا احب اسئلته عكد السؤال اجاوبه
وصلنا ونزلنا امي اشكرت منه ...
طبينا القاعه مليانه ناس وضجيج دخلنا الغرفه عدلنا
نفسنا وطلعنا امي كعدت يم عماتي وتباركلهن
اني رحت يم البنات ....
......................................................................
دمتم بخير ..
في امان الله .
أنت تقرأ
خطفني فَأحبني
Fantasiقصة فتاة كانت حياتها سعيدة بين احضان اهلها فجأة تتغير حياتها الى ظلام بسبب شاب يهوى الانتقام لثأر والدة ، وتقع الفتاة هي الضحيه وتدفع الثمن ، وقد يشاء القدر ان يَحول قلب الشاب من كرة الى حب تجاه الفتاه ، لنرى هل يفوز الشاب بكسب قلبها ام يخسر ؟
