خطفني فَأحبني

البارت الثامن عشر

مساء الحب والأمل والتفائل ❤❤

حبايبي اسفه لأن طولت ياله نشرت لان جنت مشغوله ومكدرت انشر والوقت زاحمني
أعذروني حبايب ، اتعرفون بعد اجت المدارس وانشغلت ...
قرأه ممتعه ....

🍃🍁🍃🍁🍃🍁🍃🍁🍃🍁🍃🍁🍃🍁🍃

كعدت بكل حيويه ونشاط ومبتسمه ، شعور حلو انت
عايش بين اهلك وحياتك سعيدة ..
يا رب احفض اهلي ولا تفرقنا عن بعض ،، كمت كلهم كايمين بس اني باقيه نايمه ..

عاينت الساعه 12/00 الضهر ، اووه ليهساتني نايمه
اروح اسبح واصلي ..

فتحت الكنتور ملابسي على حطيتهن نفس الترتيب مامتغير منهن شي ..
اخذت اتراك خفيف و سبحت وبدلت وصليت ونزلت
صباح الخير ..

الأم : صباح الورد حبيبتي
احلام : مساء الحب ، بله متكليلي هذا يصبح الساعه
ب 12/30 الضهر ..
ميرا : غير انتوا عفتوني نايمه ليش مكعدتوني
الام : اي حبيبتي عفناج نايمه حتى ترتاحين
ميرا : اي والله شلون نومه حلوووة من زمان منايمه هيج نومه بسعاده ..
من انخطفت كل ما انام ادموعي تجري ومن تعب البجي اغفى ..
الأم : الله يساعدج قليبي بيه ولا بيج ..
ميرا : اسم الله عليج يمه ..
احلام : نوم العوافي قليبي
ميرا : بعد قلبي انتي ،، صدك وين ابويه ..
الأم : طلع هو واحمد لأعمامج علمود شغله هذا الخطفج ..
ميرا : اتذكرت قتيبه بس بأخر يوم من راد يرجعني جان قلبه طيب وبي حنيه ؛ اووه هسه اني شلي دخل بي وحتى اتذكرة نسيت هو الخطفني والحبسني وبعدني عن اهلي وشوه سمعتي ..

احلام : ميرررا
ميرا : هاا
احلام : وجعا ، سالي ساعه اصيح وين جان بالج
مير : هيج ماكو شي بس جعت اروح اسويلي اكل
تاكلين وياي ..
احلام : اي امشي واريد اسولف وياج ..

ميرا : طلعت جبن وسويت جاي و كاهي و مربه برتقال ..
الله شكد صارلي ما ماكله هاي المربه امووت عليه
العشق مالي ..
احلام : هههه أكليها كلها شبعي منها ؛ ولج راح انتخم
هذا الريوك الثاني ..
ميرا : ههههن عادي اكلي حتى اتسمنين لان ضعفانه
احلام : ههههه انتي هم كلش ضعفانه وجهج اصفر
ميرا : شسوي بعد ،، صدك سولفيلي علمدرسه و البنات وشصار بغيابي ..
كعدنا سالفنا و اجت امي هم وكمنلنا اسوالف وياها
كلش فرحت ما مصدكه اني رجعت بينهم ،،
سلفولي علحجي الناس الحجته بغيابي كلش قهرني
ناس انطيها بس تحجي وتشيل غيبه ونفاق ..
كلشي ميدرون بالسالفه ايلفون قصص وينشرون الخبر الله ينتقم من الضالم ..
طب ابويه علينا واحنا انسولف مندمجين ماحاسين
غير نسمع ضحكت ابويه واحمد ..
اندارينا شفناهم ..
الأب : السلام عليكم
جاوبنا وعليكم السلام ..
الأب : شكلكم مندمجين ومتدريون بالدنيا هههه
الأم : اي والله جنا انسولف ؛؛ خلي اكوم اصب غداء
الأب : اروح اسبح واجي ..
الأم : تمام
احمد هم صعد ايبدل ..
احنا كمنا نحضر الغداء ..

نزلو ابويه واحمد صبينا وكعدنا نأكل ونسولف وفرحانين ، حتى ابويه اشوف بي لمعه بعيونه ..
امي سئلته : شصار على الشغله ، بس ابويه مجاوب كال كلشي مصار وغير الموضوع ..
بس حسيت اكو شي وابويه ميريد يحجي بي

كملنا سوينا جاي سمعت الباب انطبكت
كلت الأمي شنو ابويه طلع ..

الأم : اي
ميرا : شعجب مو سويت جاي حتى مشرب
الأم : اتصل بي عمج ناصر وطلع عسريع ومكال شي
كال عندي شغله وحتى مااخذ احمد راح وحده

اني قلبي كام يلعب حسيت اكو شي الله اليستر ..

صار العصر اجوا نسوان خوالي وبناتهم ؛ سولفنا وكضينا وقت وراحوا مقبلوا يبقون ..
اذن المغرب وابويه ماكو قلبنا كام يلعب

اندك على تليفونه مغلق ودكينا على عمو ناصر ميجاوب ..
ضلينا بنار اكيد اكو شي وابويه طلع من ساعه باثلاثه الضهر وهسه صار الليل وماكو ..

امي كامت تقرا ادعيه وتصلي وتدعي لبويه يرجع سالم ..

........................................................................

دمتم بخير ..
في امان الله .