خطفني فَأحبني

بارت العشرون

ميرا : دخلت للصاله امي واحلأم كاعدات ، دخلت وكعدت يمهم ..
ميرا : شفت احلأم صافنه حسيت بيها شي صايرة هواي تصفن وتفكر ؛ واحس اكو شي ضامته عليه ومتكول ..
كم مرة سئلتها ترتبك وتكول ماكو شي ...

صحت بيها ،، احلام متكومين ادرسين مو عندج مدرسه
احلام : مابيه حيل فدشويه اكوم ..

ميرا : خليج بلكي ترسبين وبعدين تتندمين ؛ الله كون اني عندي دراسه والله اشتاقيت للجامعه ولصديقاتي ..

صدك يمه ابويه شوكت يجي
الأم : مادري راح للمستشفى ايشوف اخذوا اقوال قتيبه لو بعدهم ..
ميرا : هاا انشاءالله خير
الأم : انشاء الله
والله قلبي ناغزني والخوف اكلني اخاف قتيبه يعترف ..

ميرا : يمه الله كريم الي كاتبه الله يصير وماعدنا حل غير الدعاء ..
الأم : الله كريم

قتيبه : احس براحه نفسيه ؛ صحيح اني مكسر تكسير والألم يون عليه بس شي بداخلي ارتاح لأن كتلت ابو ميرا كتل وطيحت حضه ..

احس كملت انتقام ؛ بلبدايه حركت قلبه برود وبعدين كتلته ..

اني جنت متوقع بس ارجعها اكيد راح تعترف عليه وابوها راح يجي ويهجم ..

وفعلن اجى ابوها واعمامها وهجموا عليه واني مقصرت كتلته كتل وبعدين عفته ؛ لأن اجت كدامي صورة ابويه

وضل طيف ابويه كدامي مراح ؛ واني عفته وكمت مادري شأحجي واهذي وهو هجم مثل الأسد من بهجم على فريسته ..

وكسرني ورجلي انكسرت وجبروها .. بس يالله يوم يومين واطيب المهم اني ارتاحيت وكملت الأنتقام

اندكت الباب ؛؛
قتيبه : ادخل
الممرضه : حضرتك وقت الدواء واني جبته وجبت شوربه حتى تتعشه قبل الدوا ..

قتيبه : شكرا اختي
شو جيبي خلي اخذة وأخلص ..

الممرضه : اتفضل
قتيبه : تسلمين متقصرين
الممرضه : ولو بالخدمه ، ماسويت شي هذا واجبي

قتيبه : أخذت الشوربه اريد اكل مااكدر شوربه اتلعب النفس خفيفه تكول مي ومادري شخابطين بيها ..
كعدت اكل خاشوكه خاشوكه وبلكوه اجرعها

عاينت هاي الممرضه واكفه وتعاين عليه ؛ استغفر الله قابل شكااسوي هو ازقنب عبالك فاتحين سينما وهيه تتفرج ..

أجماله شكد اكرها ولا اطيقها ؛ تارسه وجها بورك وخابطه اللوان قوس قزح ..
وكل مرة هيه تجي اتجيب الدواء عبالك بس هيه بالمستشفى ..
وفوكها تعاين بنضرات وقحه ؛ ابد متستحي ، شكد اكره هيج نوع من البنات الصلفات الميستحن ؛
احلى شي بالبنيه خجلها وانوثتها مو هاي مسترجلها وتعاين عبالك رجال

اجت ابالي ميرا وشكلها ومن جانت تبجي ..
اووف هاي البنيه ولا تطلع من بالي من يوم الرجعتها

وصورتها محفورة بدماغي ؛ ولاكأن جنت اكرها لأن بنت عدوي ..

طردت التفكير وكملت اكلي وهاي بعدها اتعاين المتستحي ..

قتيبه : اختي تكدري ترحين معندي شي ؛ شويه وأخذ الدواء ..

الممرضه : هاا ؛ على راحتك عود اخذ الدوا مو تنسى
قتيبه : اي ، من طلعين سدي الباب وراج

الممرضه : اي ماشي ؛ تدلل

قتيبه : طلعت وطبكت الباب واني اخذت الدوا وضليت امدد وأفكر ؛ حسبه تجيبني وحسبه توديني
الى ان غفيت واني مادري ..

جنت كاعد بحديقه وبيها ورود وحلوه واشم الريحه
وجان الهواء بي نسيم بارد ..
اجى ابويه كعد بصفي ..

الأب : ها وليدي احسك مرتاح
قتيبه : اي والله يابه اشو اليوم مرتاح ونفسيتي متعدله ..

الأب : دووم وليدي دوم نشاءالله
بس اني ضايج منك ؟!

قتيبه : ليش يابه ، من شنو زعلان اذيتك بشي
الأب : اي اوليدي اذيتني من ضلمت ..
قتيبه : اني ؟!!
يابه المن ضلمت كولي قابل قتلت احد او سرقت حتى ضلمت ..

الأب : اي وليدي ضلمت شخص مضالمك ولا ضالمني
وانتى راجع احسابتك ..

قتيبه : بويه وين رايح اوكف اريد احجي وياك ؛؛
اشو ابويه خلى وكام وكام يمشي ليكداام اصيح ميجاوبني ؛ بس اشوف ضله الا ان اختفى من المكان

قتيبه ::::
فزززيت من النوم مرعوب ؛ شنو هذا الحلم اعاين الغرفه ضلمه
حيل شكد صارلي نايم ؛ وضليت افكر وافكر بهذا الحلم ؛ واني المن ضلمت ؛ والضلمته مضالم لا اني ولا ابويه ..

صارت الساعه ١٠ الصبح اجى صديقي حسام
خطيه حسام ابد مقصر وياي كله هو وياي بالمستشفى ؛
وكليوميه يجي يمي ويسولف حتى يغير عليه جو

واني كلش احبه واعتبره اخويه الما ولدته امي
اعرفه من ايام الطفوله ..

حتى جان يجي يمنا ندرس اني ويا ؛ ومرات جان ابويه يكعد يشرحلنا الشي مامفتهمي ..
وابويه جان يعتبره مثل ابنه ويحبه ؛ لان خوش ولد وحباب وقلبه طيب ..

كعدنا سولفنا وكضى وقت كام حسام يريد يطلع
جان تدخل الشرطه ..

هو رجع كعد يمي ..
الشرطه : اجينا نأخذ اقوالك ؟!
كعدوا وسئلوني ؛ ومبين اني مضروب ؛ وكتلهم اني وكعدت من الدراجه من جنت اسوق ..

بس مصدكوا لان امبين اني مضروب ؛ وضلوا ايسئلوني كوم اسئله واجاوب وعدت عليهم كم مرة انو حادث ؛ وماكوا احد الا علاقه ..

طلعوا الشرطه ؛؛ حسام كال : شعجب معترفت مو تريد تنتقم ..
بس تدري احسلك الله هو اليعاقب وينتقم مو البشر

قتيبه : ولك اسكت احس اني ضلمته للرجال وضلمت بنته وتشوهت سمعتها بسببي ..

حسام : شلون ما فهمت ؟!!

قتيبه : كعدت سولفت الحلم
حسام : زين انت مو تكول انو هو وابوك جانوا متعاركين قبل الحادث بيومين ..

قتيبه : اي والله هذا الأني ادري بي ؛ بس ابويه كلي انت ضلمت شخص هو مضلمك ولا ضلمني

وانت تعرفني يا حسام اني ضالم احد

حسام : اي صحيح
قتيبه : اني اريد احجي ويا ابو ميرا واشوف شلون صار الحادث ؛ وشنو سبب المشكله .......

........................................................................

دمتم بخير ..
في أمان الله .