خطفني فَأحبني

البارت الأول

فتح الباب ونظر الى المكان ، جان المكان صغير

ومتروس بالغراض والكراتين ، مثل المخزن

تنفس بهدوء ودخل ، شمر علاكه بيه خبز وجبن

عاين على البنيه الكاعدة ، جانت حالتها لا يحسد عليها
جانت كاعدة بالكاع ومربوطه بحبل ، وجها احمر

من البجي ؛

كال راح افتح الحبل تأكلين وتكملين وارجع الفه عليج

وما أريد اي صوت منج افتهمتي

هزت راسها بمعنى اي

فتح الحبل وانطاها العلاكه ،، نظرت عليه بنظرة

كرة واخذت العلاكه

اكلت وكملت رجع لف الحبل عليها وقفل الباب وراح

ظلت تبجي وتبجي وتذكر حياتها شلون جانت عايشه
وهسه هيه وين ، تذكرت امها وكامت تبجي بزيادة

يمه اشتاقيتلج اشتاقيت لصوتج لحضنج لمساتك

يمه ليش اني هنا شنوة السويته حتى اتعذب هيج

بويه تعال اخذني منا ما اريد ابقى هنا اريد ارجع
يمكم بحضنكم ...

ليش هيج ياربي ليش ، شنو السويته اني حتى هيج

حياتي تتغير ...

بويه تعال اشتاقيتلك اشتاقيت لروحك الطيبه

ياربي تعبت خلصني من هذا المكان الأني بي

جانت ادموعها تنزل بغزارة مثل المطر ،

وشهكاتها علت المكان ، عيونها ورمت من البجي

صوتها انبح تالي تعبت ونامت ،،

كعدت من النوم مرعوبه على صوت الرجال

صاح كومي بسرعه وجرها من ايدها بكل قوته

كامت ايده توجعه من اثر الجرة

سحبها وصعدها بالسيارة

كالت اكيد راح يرجعني لأهلي وكامت تحمد الله وتشكرة انو راح ترجع لأهلها

وصلوا المكان مهجور مابي بيوت بس بيت صغير

وقديم كلش وبصفه شجر

نزل من السيارة ونزلها

كالت وين جايبني شو ما وديتني لأهلي

هذا مو بيتنا انت متوهم

ضحك الرجل بسخريه كال : كال لا ما متوهم

كالت بس هذا مو بيتنا

كال انسي شي اسمه بيتكم انسي اهلج

بعد متشوفيهم افتمتي ...

وجرها من شعرها ودخلها للبيت ،، ضلت تعاين على البيت
جان مهجور وكله تراب ومبين محد داخله من زمان

جرها للغرفه ودفعها بالكاع وقفل الباب وراح

كامت تبجي وضهرها يوجعها من اثر الشمرة

صاحت اخ يمه لحكيلي راح اموت ، من الله لا ينطيك العافيه

متكلي سويتلك حتى خاطفني وكلساع راكعني

وضلت تبجي وتون من الألم الي بضهرها

اخ يمه وينج ليش عفتيني يم هذا الوحش

بويه تعال خلصني من هذا المكان ؛

اخ بعد ما اتحمل ؛ ربي شنو ذنبي اني

ليش دا اتعذب ، شنوة السويته ، ليش هذا الوحش خاطفني
ليش ياربي ليش

عاينت على الشباك الموجود بالغرفه

جان صغير ويدخل منه ضوء القمر

سحلت نفسه وراحت يم الشباك ؛ كعدت بصف الشباك

وتبجي ، عاينت الغرفه مقفله وبس هذا الشباك

وصغير ومقفول ، ماكو مكان تكدر تشرد منه

حتى لو شردت وين اروح حتى المكان مااندله

جايبني بنص بستان كلها شجر وماكو بيوت قريبات

من الله لا ينطيك حتى ما كال شنو السبب الي خلاه يخطفني ..

كامت تدعي يارب فرجها عليه واخلص من هذا المكان
ومن هذا الوحش ، يا رب انت تسمع ندائي استجب الدعواتي
يارب اني مضلومه وماالي ذنب باليصير ، حتى ما ادري ليش خاطفني ؛؛

يارب انت الرحيم انت ارحم الراحمين ؛؛ارحمني يا ربي
تعبت من ألم ضهرها ، ومن كثر البجي

ونامت بلكاع بلا غطى ولا فراش ...

نامت ونام اللّيل فوق سكونها
وتغلّفت بالصمت والضلماء
وغفت بأحضان السكون وفوقها
جثث الدجى منثورة الأشلاء

...................................................
السلام عليكم احبتي هذة نبذة عن روايتي
فهي الروايه الاولى لدي
اتمنى ان تنال اعجابكم
واطلب منكم تتفاعلون لكي اكمل لكم الروايه
الى القاء احبتي
دمتم بخير ، في امان الله وحفضه .