خطفني فَأحبني

البارت الثاني عشر

مساء الورد
مساءكم يسر لا يتبعه عسر ...

🌼🍁🌼🍁🌼🍁🌼🍁🌼🍁🌼🍁🌼🍁🌼

ميرا : هاي هيج ايهمك امري !!
قتيبه : ميهمني امرج لكن انتي الوسيله الي انتقم بيها ..
ميرا : وشنو سبب الأنتقام ، وعائلتي شمسويتلك
حتى تنتقم منها ..
قتيبه : اكلج ترا اني ادري وانتي تدرين ، فهاي البرائه
بطليها ولسوين روحج غشيمه ..
ميرا : لا ماادري شنو السبب ، وحتى اني مستغربه
شمعنا اني ..
قتيبه : لان انتي جنتي بالحادث ، ومن شفت دم ابويه ، شفتج بعيني واول ما حاول الأنتقام كلت انتقم منج ، وحسيت انتي كلش غاليه عند ابوج

ميرا : لحضه يا حادث ويا دم وشوكت اني جنت وياك ، اصلن ماذكر شايفتك من قبل ..
قتيبه : الحادث نسيتي من ابوج قتل ابويه ؛ وانتي جنتي بالسيارة ويا ؛ اذكرتي
حقج تنسي ؛ لان شي ميهمج وميعنيلج
ميرا : قصدك قبل فترة صار حادث سيارة ، وجان ابووك النسحك .. !!
قتيبه : اي ابويه النسحك
بسبب ابوج الحقير ،
تدرين ابوج يعرف ابويه !!
والحادث ماصار صدفه بل متقصد
ميرا : اخذتني الذاكرة الذاك اليوم المشؤم
كعدت فايت وكت وعندي محاضره مهمه لازم اداوم
والخط عايفني ورايح وهسه شسوي
عاينت الساعه 8:00 والمحاضرة تبدي 8:30
اووف يربي شسوي ؛؛ كمت بدلت عسريع ونزلت بلكي الكى ابويه بعده مارايح حتى يوصلني
لكيت ابويه بلباب ايريد يركب السيارة ؛؛ ركضت حتى الحك بي
كلت بويه بويه انتبه عليه كال شكو اريد اروح مستعجل ..
كتله بويه فدووه وصلني للجامعه متأخرة والخط راح ..
الأب : مااكدر عندي شغل ضروري ومستعجل لا داومين اليوم غيبي ..
ميرا : بويه فدووه مااكدر هاي المحاضرة كلش مهمه ..
الأب : بسرعه لعد مستعجل
صعدت ويا وبسرعه شخط السيارة
ويمشي عالسريع ؛ اول مرة بحياتي اشوف ابويه هيج يمشي سريع ..
كتله بويه على كيفك راح تنكلب بينا السيارة
دار وجه عليه وكال مستعجل ..
ومنشوف الا كدامنا رجال مسحوك والسيارة شخطت
والدمايه تطافر ..
والجام مال السيارة تكسر ؛ شويه اتأذيت مو هواي
ابوي مااتئذى نزل يركض ايشوف الرجال ..
بلكوه سحلت نفسي ونزلت لان شويه اتأذيت بكزاز الجام ، وكمت ارجف انهبطت ..
نزلت واشوف الرجال مشمور بالشارع والدمايه تجري
وابويه يرجف ..
ضل ابويه صافن عليه ويرجف ميعرف شيسوي
شويه واجى ولد يركض ويصيح بويه بويه
والوادم التمت علينا ..
اعاين الولد اعيونه حمر دم ؛ وشابك ابوه ويبجي
مثل الطفل ؛ واهدومه اتلطخت بدم ابوه ..
صاح بويه دمك ميروح هدر ..
صاح بسرعه سيارة واخذ ابوه للمستشفى ؛ واحنا هم
رحنا ؛ ابوه بسرعه توفى مضل لان خسر هواي دم
واجت الشرطه اخذت ابويه واجو اعمامي وعمي محمد رجعني للبيت ..
لكيت امي ادك وتلطم ؛؛ اني خفت وادموعي تنزل والحادث صار كبال عيني وشلون الدم يطافر اوف كمت ابجي ..
ابويه بقى بالسجن يومين ؛ واعمامي طلعوا كفاله ..
بس اني اسبوع الليل ماانامه ، احط راسي عالمخده
الحادث ايصير كبالي ؛ وعيون الولد شلون جانت حمر دم ؛؛ وكلمته اترن بأذني دم ابويه ميروح هدر
اوفف ..
فتحت عيني من واقع الذكريات المؤلمه ..