طار العشق

أحداث ومشاعر

في شركة أوس الجارحي كان جالسا في مكتبه منتظرا قدوم كاميليا هو يعلم كيف تفكر لقد قام بإغضابها واستفزازها لاقصى درجة هو يعلم انها سوف تأتي اليه بعد ساعة أو ساعتين كحد أقصى سوف يتابع الاعمال ومنها الاجتماع الذي سوف يعقد الان فلقد دخل الى غرفتة مستشارية ومسؤلوا القطاع الهندسي بشركتة

تحدث رئيس قطاع المهندسين منصور : أوس بيه احنا خلصنا الرسوم المبدئية الي حضرتك هتعرضها على الشركة الالمانية لما يجواا ودي نسخة منها .

أوس :تمام أنا هشوفها وأقولك رأيي فيها .

تحدث مستشارة رامز :عندنا مشكلة واحدة ان الارض الجديدة الي احنا عايزين نشتريها المالك بتاعها غير رائيه وبيقول انه هيبيعها لحد تاني

أوس :حد تاني مين انا الارض دي عايزها هعملها مبنى هندسي لينا وكمان هعمل فيها فرع للمبيعات  اتصرف وشوف هو هيبيعها لمين وادفعله اكتر من الي هيدفعة .

تحدث منصور بصوت منخفض نسبيا : تسمحلي اقولك انه هيبيعها لكاميليا جروب والعقود تقريبا اتوقعت معلوماتك متأخرة يا رامز .

تملك أوس قدرا هائلا من الغضب لماذا  عليها ان تقع في طريقه حتى عندما كان طفلا كانوا في نفس المدرسة  حتى لو كان يكبرها بأعوام  كان يراها دائما  والان هاهي تسرق ما يريده هو تحدث من بين اسنانة :  رامز انتا ازاي تضيع الارض دي من ايدي ولمين لبنت السيوفي انا هحاسبك على الغلطة دي بس مش دلوقتي .

خرج من الغرفة ولم يهتم بتركهم خلفه لقد اكتفى من تلك العائلة ربما كان جده محقا حينما قال انها يجب ان تنتهي من جذورها هو سيحرص على ذلك وخاصة تلك الكاميليا ...

في مكان اخر لقد اجتمع أقطاب العائلتين وحيد السيوفي وشوكت الجارحي في مطعم راقي مع كبير عائلة الشرقاوي الذي اتى من الصعيد خصيصا لهم .

نطق وحيد بعد صمت دام طويلا وقد مل من ذلك الاجتماع : خير يا حج هادي جايبنا هنا ليه احنا كنا جايين الصعيد قريب مكنش في داعي للاجتماع دا

نطق الحج هادي بحكمة : صحيح مكنش في لوزم للقعدة دي بس لازمن تعرفوا ان مفيش حد راضي عن طاركم الي انتوا عايزين تاخدوه من بعض هتفتحوا بحور دم ملهاش لازمة .

نطق شوكت بعدم صبر : أنا قولت الي عندي وبلغت كبار البلد علشان لما اجي هاخد حق ابني وحفيدي انا جاي اخر الاسبوع يعني كمان يومين كده الكلام خلص انا همشي .

رحل شوكت من المكان بأكمله وبقي وحيد والحج هادي
فنطق وحيد بألم : لو يرضيك الي حصل وان بنت ابني اتيتمت وهي حتى ملحقتش تحفظ ملامح امها وان هيا تعرف ان امها اتدبحت بسكينة باردة من عدنان ابن الجارحي انا هقف في وش الي هيا بتخطط له او الي هتحاول تعمله .

فقد هادي الامل في كلا من العجوزين الذين كانا من أعز الاصدقاء في يوم من الايام ....