طار العشق

خطوات جديد

صباح يوم جديد يحمل الكثير والكثير ففي منزل الجارحي كان أوس يجلس مع والدته والتي لا تزال تؤنبة على طول الفترة التي غابها عنهم وبعد مدة طويلة من الصمت نطق أوس : يا ماما يا حبيبتي كان عندي شغل لازم امشية وكمان الفترة الجاية مش هبقا موجود علشان كده لازم تقدري ظروفي شوية .

نادية بعصبية : أنا تعبت أنا بقيت علطول لوحدي وإنتا مش موجود مراتك علطول لوحدها وكل واحد في البيت دا بقا لوحدة أنا تعبت .

أوس وهو يحاول تهدئتها : ماما أنا أسف بس أنا فعلا الفترة دي محتاج البعد دا .

جلست مها بهدوء بجانبهم وهي تقول : أوس عاش من شافك .

أوس بهدوء : إنتي كمان يا مها .

مها : أنا بس كنت نسيت إني متجوزة .

كاد أن يجيبها ولكن هاتفه قاطعهم رفع هاتفه ووجد كاميليا هي من تهاتفه فأخذ مفاتيحة واستعد للرحيل وهو يجيب : الو معلش أنا اتأخرت بس خمس دقايق وتلاقيني عندك .

كاميليا بهدوء : انا مع بابا هو جه هنا وعايزك .

أوس وهو يتجه نحو سيارتة : هتلاقيني عندك دلوقتي .

اما بالنسبة لكاميليا كانت تجلس أمام والدها كالتلميذ المعاقب ولم تحاول فتح مجال للحديث فلقد إنشغلت بصغيرها حتى يتمكن أوس من الحضور وبعد مدة قصيرة أعلن الجرس عن قدوم أوس دخل الى الداخل وجلس الى جوار كاميليا وهو يقول : خالد شرفت بيتنا المتواضع

نطق خالد بهدوء : أظن الي حصل امبارح دا مينفعش ولا ايه يا كاميليا هانم يا حرم زياد السيوفي .

نطق أوس من بين أسنانه : هتبقى طليقتة مش مراتة .

خالد : لكن لسه على زمتة وباتت في بيت راجل غريب .

أوس : أنا أبو إبنها .

خالد : اديك قولتها أبو إبنها مش جوزها .

نطقت كاميليا بهستيريا : بس بس كفاية إنتوا مبتزهقوش أنا مش كورة بتحدفوها ولا كرسي بتحركوه أنا إنسانة وأم أنا تعبت طول حياتي قراراتي غلط وبدفع تمنها حتى لما قلبي اتعلق بشخص كان الشخص الغلط ولما اتجوزت غيرة وبقيت معاه بقا زي الوحش وكأنه واحد معرفوش وأبويا سايبني من وأنا صغيرة ودلوقتي جاي يحسابني على كل حاجة بعملها أنا عايزاكوا برا حياتي كلكم كلكم .

جلست تبكي بهستريا وصراخ كما أن أوس حاول تهدئتها وما زاد الوضع سوء هو صراخ صغيرها وبكائة شعرت كاميليا كأن سكاكين تقطع أمعائها صرخت من شدة الالم وهي تقول : أوس إبني متخليهوش يموت سكاكين بتقطع في بطني .

أوس بإنتفاضة وذعر وهو يحملها بين ذراعية ويتجه نحو الباب : متخافيش ابنك هيفضل موجود .

كاميليا بدموع : مش عايزاه يروح مني لو حصلة حاجة هموت .

توتر أوس ولكن سرعان ما اتجه نحو السيارة وبدأ بالقيادة نحو أقرب مشفى .