بعد رقدو الكل :
رؤى : انسام يا دعوة هيا تحركي باش انفدو الخطه 😠
انسام : هيا هيا تحركت 😪
رؤى وانسام قدام غرفه المسؤوله امال :
رؤى : خشي انتي الاولى 😐
انسام : لا يعيوني نخشو جميع 😠
رؤى : تي باهي باهي غير هيا 😤
خشو هما الزوز بالشويه وامال كانت راقدة 😴
رؤى فتحت الدولاب : اني نفتش ولما تتحرك قوليلي 😾
انسام : تمام تمام 😈
رؤى : لقيت خاتم غالي يا انسام تعالي اشبحي 💍😲
انساام : بااهي يا همي حطيه في جيبك ونطلعو 😡
طلعن وحطنه في شنطه الاء ورقدن وكانن في عيون اراقبن فيهن 👐
تاني يوم الصبح ✨
امال وفوزيه : نووووضن نوووضن سحيقه تسحقكن وحده وحده 😡😡😠😠😠
فوزيه شاده الطوبو وتضرب : نوضي يا كلبه انتي وياها نووضي 😬😬
ناضن البنات كل وحده تبكي بسبب الضرب والمعامله القاسيه 😔
الاء : اااه يدي قبل ضربتني عليها واليوم 😢
اسماء : تو نربطهلك بعتالي تحملي وخلاص الله غالب علينا 💔
جت رؤى تضحك : مالو الحلو عم يبكي 😏 ههههه😏
انسام : وجعتها الخبطه ينااري ههههه 😮😏
اسماء : خيركم انتو متحسووش خيركم بالله وانتي يا وجدان زيدي هزي ورايهن زي الكلبه راك اتديري قيمه لروحك 😤
انسام : يناااري طلعت البنت مكبوته هههههاااي 😮😈
رؤى : حسها اترت فيها 😮 ههههه😼
اسماء : اضحكي انتي وياها بس بنقوللكن حاجه راهو كلنا في داخلنا نفس الوجع ونفس الهم متديرنش روحكن عايشات وجوكن تمام اووكي 👍
رؤى بعد سمعت الكلام هدا حست نخصه في قلبها 💔
هيا انسام و وجدان نمشو 😒 ومشن 🚶
الاء : فكك منهن معش تركزي 😔
اسماء : لامتى بنسكت عييت 😢
الاء حضنت اسماء وقعدو يبكو 💔
في غرفه امال 👌
امال : وينه ياربي متأكده امس حطيته هنا اني 😩
خشت فوزيه عليها : خيرك شن اتدوري
امال : اندور في خاتمي امس حطيته هنا وكأن الدولاب انشق وبلعه 😫
فوزيه : بلكي وحده من الدعاوي خداته 😲
امال : والله لتطلع حقه انشعفها علي حياتها 😡
فوزيه هي انفتشوهن 😡
في غرفه البنات كل وحده جالسه فمكانها :
امال دفت الباب برجلها : يا خنابات اتفوو عليكن والله لتطلع وحده منهكن واخده خاتمي اليوم نهايتها 😡😠
وهنا رؤى غمزت لأنسام وضحكت 😏
امال : فوزيه هي فتشي واني انفتش 😡
فوزيه : تمام هي 👿
وجا الدور لشنطه الاء :
امال تفتش وتلقى الخاتم 💔
الاء انصدمت وقعدت تبكي💔: والله ما اني خديته والله ما سرقه والله 😢💔
فوزيه تضرب فيها بالعصا : يا خنابه يلي مش متربيه تسرقي مني هدي اخرتها 😬
الاء تبكي: والله ما خديته حررااام عليك حرااام 💔😢
اسماء تبكي واتدافع عليها : الاء مستحيل اتديرها حرام عليكم حرام 😢😢
جتها فوزيه شدتها من شعرها : سكري فمك خير ما نريشك ترييش توا 😠😤
وفي هاللحظه كانن في عيون يشبحن والدموع تنزل منهن 😢
امال : امشي قدامي يلا 😡
حطتها في غرفه مظلمه ومليانه حشرات وسكرت عليها 💔
الاء : اااه ياااربي يااربي ساعدني تعبت تعبت والله 😢
وينكم يا بابا وماما وينكم راني نتعدب ااااه عمري 18 سنه وكل حياتي اوجاع وهمووم 💔 يااااارب 💔
بعد البكاء غفيت الاء عالوطا البارده والحشرات وهيا دموعها علي خدها 😢
فالغرفه :
اسماء : كان نعرف بس من حطه والله نقتله 😠
رؤى : يروووحي قعدتي برووحك 😮هههههه 😏
انسام : تعرفي واجعتني 😟 هههههه 😏
اسمااء : قلوبكن بالله من شن مصنووعه من شن 💔
رؤى وانسام : من حديد 😌
اسماء : حسبي الله ونعم الوكيل وخلاص 👌
ومشت وخلتهن ✋
وجدان مشت لاسماء وهيا تبكي 😢
وجدان : ساامحيني اني ريتهن امس حطنه ومقدرتش اندير شي سامحيني 😢
اسماء بحمق : شن تقوولي انتي شن 😬
وجدان : امس فالليل رؤى وانسام حطنه فشنطه الاء 😢
اسماء : ليش مقلتيلي ليش عاجبك هكي توا عاجبك 😡😠
وجدان : اسفه والله مستعده اندير اي شي عسباها 💔
اسماء وجعتها وجدان : باهي خلاص اسكتي تو انشاء الله انطلعووها 😞
وجدان سكتت : باهي حاضر 😔
خلونا نمشو لمكان بعيد من هنا 🏡
احمد : امي هيا وين الفطوور وقت عليا 😤
سعاد : هيا تو نجيبه شويه بس يا احميده 😧
ولاء نازله من عالدروج : مامتي حبيبتي هيا حتى اني وقت عليا 😟
سعاد : وااك قديش مني اني 😡
احمد يبوس فراس امه : سامحينا يا نبع الحنان الا زعلك 😘
ولاء : انحبك مامي وحضنتها 😘😍
سعاد : ربي ما يحرمني منكم يارب هي قعمزو افطرو😘
عادل: احم احم واني وين فطوري 😅
سعاد : ههههه سامحني نسيتك ضناك لهووني عليك 😂
عادل : اوو القصه بدت تكبر حسها 😅
احمد و ولاء : بابا شن تغار مالا 😂😂
عادل : تحشم انت وياه 😂😂
سعاد : تفضل فطورك 😁
ولاء تشبح للساعه : حييي وقت هيا يا احمد 😱😱
احمد : هيا هي اطلعي 😲
تعريف بأعمار الشخصيات وشكلهم:
الاء : 18سنه ومتوسطه الطول وضعيفه شويه و بيضه وعيونها سود كبار وشعرها اسود طويل وجذابه ❤
اسماء : 20 سنه ، طويله وجسمها وسط واسمرانيه وعيونها خضر كبار وشعرها كستنائي ناعم وطويل ❤
رؤى : 18 سنه ، قصيرة وجسمها متوسط وعيونها عسليات وصغار وبيضه وشعرها لكتوفها ناعم ❤
انسام : 19 سنه ، متوسطه الطول وجسمها مليان شويه وعيونها زرق وشعرها اصفر قصير وبيضه ❤
وجدان : 17 سنه قصيرة وضغيفه و عيونها بنيات وبشرتها قمحيه ❤
عائله الاء :
عادل : 40سنه
سعاد : 38 سنه
احمد : 17سنه ويشبه الاء هلباااا ❤
ولاء : 15 سنه , عكس الاء تماما بس احليوة ❤
انتهى البارت 😘 اعطوني رايكم 😉
أنت تقرأ
تحت سقف الوجع 💔
Fantasyهادي الروايه تحكي علي مجموعه بنات يعيشو في ملجأ 💔 وكل وحده حتصير معاها قصه مختلفه حنعرفوها من الروايه ❤ ممنوع نقل الروايه ❤ ومش حنسامح اي حد ينقلها 👌
