سيستجيب ❤ سيجبرگ 💕 سيكرمگ 💞
لأنه الله ✨
وقت العشاء :
احمد حامق : تي اطلعو والا قسما بربي نمشي ونخليكم 😡
سعاد تلبس في حديدتها : بااهي يا احميده خير بصلتك محروقه 😕
احمد يلبس في سبيدرويه : لا محروقه لا مشيطه يا امي عاطيين كلمه للناس واني توا بنطلع نلقاكم قدامي وفرختك متطلعش وربي نفوتها 😠👌وطلع 🚶
سعاد تنادي : ولاااء يا ولااء ربي يهديك بسرعه خوك حامق وحلف 😡😡 وطلعت سعاد 🚶
نزلت ولاء تجري وتلف في وشاحها : هيا هي جيت 😨😰
ركبت للسيارة داهشه 😦😣
احمد حرك السيارة : واخيرا ست الحسن شرفت 👏😡
ولاء داهشه : بالله فوتني 😦
احمد رقتله : نفووتك صاار باهي باه احمدي ربك مبعدناش عالحوش 👌
وقف السيارة علي جنب 🚗 : هي انزلي 😠
ولاء فتحت فمها : شنيييي 😲😲😱
سعاد فنصت فيه : شن انزلي ما انزلي حرك السيارة يلا وادهم بينا علي الدكان والحلواني ناخدو حاجات للناس 😡
احمد حرك السيارة بالقوة : اي اي عطلوو وبعدها خطم بيناا 😡😤 ، وقوا السرعه 🚗
سعاد و ولاء سكتن لان يعرفنه لما يحمق يبدا معش يشبح قدامه 😓
وقف احمد وكان الدكان جنبه محل حلويات خدا منهن حاجاته وطلع 🚶 ركب السيارة وكمل الطريق 🚗
في حوش حسام :
لطيفه توتي في صفر العشاء باش لما يجو اكون كل شي واتي عالحط بس 👐
لطيفه : رؤى سلم بنيتي حطي الشكلاطه من توا مع العصير 😘
رؤى حاصله في شعرها : حاضر يا عمتي تو نحطها 😊
حطتها وسمعت صفاء تنادي فيها :
رؤى يااا رؤى 🔉
رؤى مشتلها : نعم يا صفيوة 😘
صفاء التوكه حاصله في شعرها : بالله حوليلي هادي علقت 😭😭
رؤى تفكلها فيها : حاضر هه حولت 😂😂
صفاء : رورو بالله تربحي امشي جيبيلي خراصاتي امس حطيتهن فالصاله ونسيتهن 😟
رؤى تساوي في شعرها عالمرايه : حاضر من عيوني 😘
نحكيلكم شن لابسات باختصار 😉:
رؤى لبست سروال امريكي ومعاه بلوزه بيضا شفافه شويه وتحتها كت وكانت قصيرة من قدام وطويله من ورا 👐 وشعرها مطلوق لانه قصير لكتوفها 😊
صفاء لبست سروال جيشي ومعاه بلوزة صفرا وشعرها داراته قرن او ديل حصان 😂
نكملو 😁
رؤى خشت للصاله واتدور والضي مطفي 😮
حسام كان خاش للحوش بيكلم امه وسمع صوت تخربيش استغرب 😕
خش للصاله ولع الضي 💡
شاف رؤى 😱 ورؤى يبست 😨😨
وطلعت طلقه من حداه 🏃
حسام " ياا حمار شن درت 😰 يااعاري يااعااري قداامها😯 بس طلعت طرف البنت 😮 "
ضرب روحه كف ✋ تحشم يلا البنت في حوشك 😡
ومشى للمطبخ 🚶
اما عند رؤى 😁
خشت مخلوعه لصفاء وترعش 😰😵😷
صفاء : خيرك يا بنت ووين الخراص 😱😲
رؤى ترعش : ااا اا نسيتهم 😨
صفاء مدتلها وحدات تانيات : باه لبسيلي هديم 😕
رؤى تلبس فيها وترعش : هه وهديما احلى 😅
صفاء : انتي احلى 😘
الجرس رنن رنن 🔔
لطيفه تنادي : رؤى بنيتي افتحي الباب 🔈
رؤى : حاضر يا عمتي 😊
طلعت صفاء من الدار بكروستها وحطتها في صاله الضيوف ومشت بتفتح 🚶
فتحت الباب وسلمت عليهن 😘
سعاد : هدي انتي البنيه الي قالتلي عليها لطيفه 😘
رؤى : اي يا عمتي 😘
وجت لطيفه : مرحبتين مرحبين شرفتوونا 😘
وخشن داخل وكان حوش اهل حسام يفتح العين المغمضه 😍 وقعمزن في صاله الضيوف 💕
وحسام خش هوا واحمد للمربوعه 😊
قدمو النسكافي مع حلويات ☕🍰🍮🍩
وعصير مع شكلاطه 🍹🍫🍫🍫
وقعمزن اهدرزن علي ما طاب العشا وسخنن الموالح 😁
وكانت رؤى تشبح لسعاد واتقول كأني شابحتها من قبل 😶بس قالت لروحها " بالله وين بنشبحها واني كنت لا طلعه لا خشه 😓 وفاتت الموضوع "
وكانن ولاء وصفاء ورؤى في جهة بروحهن 😊
ولاء : رؤى كانن عندك صاخبات غادي 😍
رؤى بحزن لانها تفكرت صاحباتها : اي كانن عندي 4 ووحده توفت 😔
ولاء : الله يرحمها 😞 شن اسمائهم ؟
رؤى : الاء واسماء وانسام ويلي توفت وجدان 😞
ولاء : الله يرحمها 😞 والله عجبني اسم الاء يااريت كانت عندي اخت وسميناها ألاء كنهادا نريحو ولاء و الاء 🙊
"ولاء واحمد كانو ميعلموش ان عندهم اخت اسمها الاء لان من لما حطوها قدام الملجأ غمو عالموضوع "
صفاء و رؤى : انشاء الله اتحصلي وخيه واتسموها الاء 💕
ولاء بفرح : يااااارب ❤
لطيفه ناضت ونادت رؤى : حبيبتي رؤى تعالي معاي نوتو العشاء 😊
رؤى : حاضر يا عمتي 💕
وناضت وخشت للمطبخ ✨
لطيفه تسقي في الكسكسي فالصواني : رؤى انتي طلعي الموالح اكيد سخنن وحطيهن في صوانيهن 😘
رؤى : حاضر يا عمتو 💕
رؤى تحط في الموالح ولطيفه طلعت بتجيب تاكم كواشيك جدد من المكتبه داستهن لما يجي ضيف 💓
وبينما رؤى تحط خش عليها حسام 😨
حسام طلع بسرعه : اسف اسف 😦😨😰
رؤى قلبها يدق : نهاارك الاحرف يا رؤى يا كشفتك 😯😰
وحسام من كتر التوتر قعد يمشي ايمين ويسار قدام المطبخ 😰 وبعدها ناداها : رؤى بالله نادي امي 😅
رؤى : ااا حاضر خاضر 😰😅
رؤى تنادي : عمتي عمتي يبيك حسام 😅
وحست بشعور غريب لما قالت اسم حسام 💕
جتها لطيفه : وينه حسام
رؤى خدت منها الكواشيك : قاعد برا اطلعيله 😀
لطيفه طلعت: ها وليدي نعم
حسام : هيا يا امي العشا 😐
لطيفه : لحظه بس واكون واتي متمشيش
لطيفه : حاضر نستنى 😘
خشت لطيفه ولقت رؤى حاطله كل شي وكل شي واتي 🍛🍚🍢🍲🍡🍕🍗 وطبعا 🍷🍷🍷مشروبه 😁
طلعتله اطيفه صفرته ورفعو هما صفرهم 😁
سعاد : ليش ليش متعبين روحكم 😱
لطيفه : لا تعب لا شي تفضلو 😘
تعشوو وكانت رؤى تشبح لسعاد واتقوول والله شابحتها هالمرا " هيا طبعا تقول هكي لان سعاد تشبه الاء "💕
وفي العشا سعاد تسأل في رؤى : قداش عمرك انتي يا بنيتي 😊
رؤى تاكل : 18يا عميمه 🙊
سعاد خطرت عليها بنتها الاء 💔: العمر كله ياارب 😘
رؤى : اميين ياارب 💕
وبعد العشا حطو الفاكهة 🍌🍎🍏🍐🍊🍇:
رؤى تقص فالتفاحه : هاك صفيوة 😘
صفاء خدتها : صحيتي يا عسل 😍
ولاء : وخيرا اني ميعطونيش 😞
رؤى تضحك : بااهي هاك 😂😂
ولاء ضحكت وخدتها 😁
ورؤى كانت اول مرة تاكل فاكهة فحياتها 💔 بس محبتش تبين انها اول مرة تاكلهن دارت روحها عاديه 💔
وجااء وقت المرواح بعد ما كلو وهدرزو وضحكو 💕
لطيفه تسلم علي سعاد : بااش تعاودها راه 😍
سعاد : اكييد حاضر والمرة الجايه عندي 😘
لطيفه : حااضر انشاء الله 😘
ولاء : تعالن انتن يا صفاء ورؤى هدرزن معاي اني ديمه بروحي 😞
صفاء ورؤى : حاضر انشاء الله 😍
واحمد كان ابيب 🚗
طلعن يجرن 🏃:
احمد : سااعه متفكرتنش الدوة الا وقت المرواح 😡
ولاء : اللهم طولك يا روح 😒
احمد : سكري فمك خيرلك 😡
وروحو لل🏡
ولطيفه ورؤى ضمن المطبخ وصفاء ساعدتهن في حاجات بسيطه وخش كل حد لسريره ✨
رؤى في نفس دار صفاء وصفاء رقدن ورؤى مجاهاش نوم 😞
خدت وشاحها وطلعت للجنان قعمزت تشبح للنجوم ⭐
زعما البنات توا شن اديرن 😞 استاحشتهن هلبااااااا 💔
بس والله فرحت هلبا اليوم الناس كانو كويسين وعمتي لطيفه وصفاء احبوني هلبا 💔
يااريت كانت عندي عائله تحبني 💔ونزلن دموعها 😢
ااه ياارب نحس في رووحي مكبوووته 😢
وفالوقت هدا كان حسام واقف في روشن داره وشبحها عرفها تبكي 💔 قرر ينزللها 💕
لبس جاكيت متاعه ونزل :
ممكن نجلس جنبك ❤
رؤى ارتبكت ومسحت دموعها : اكيد تفضل 💔
حسام في يده عصا صغيرة ويرسم عالرمله : ليش تبكي
رؤى حطت ايديها علي وجهها وبدت تبكي : استاحشت صاحباتي 😢💔
حسام وهوا يرسم علي الرمله : بااه متبكيش ليش ديمه دموع 💔
رؤى بعبرتها : ليش اهلي لوحوني 💔
حسام انصدم من سؤالها وقعد ساكت لان الحروف كلهن عجزن يكونن اجابه مقنعه 💔
رؤى تبكي : قوول ليش لوحووني 😢سكتت لان مفيش اجابه عاارفه 😢 لان مفييش اي عذر اخلي اب وام يخلو طفلهم في شارع وميفكروش فيه لما يكبر شن بيحس 💔
حسام قلبه وجعه عليها وتدكر همه : احمدي ربك وخلاص في غيرك متمني اكون علي قيد الحياه 💔
رؤى : يااريتني نمووووت يااريت ونتريح ياااريت😢
حسام : استغفري ربك 💔
رؤى : نبي نموووت والله عيييت عيييت 💔
حسام رسملها وجه مبتسم عالرمله : اشبحي هدا
رؤى من بين دموعها شبحت للرسمه
حسام : نبيك زيه 💔
مهما كاان في قلبك وجع وهمووم وحمل ثقيل نبيك زيه 👌
رؤى مسحت دموعها وابتسمت : شكرا حسام ❤
حسام : مفيش بيناتنا شكر 💕
رؤى صبت : توا بنخش نرقد تو صفاء اتدورني ❤
حسام اخربش فالرسمه : عدي تصبحي علي خير👋
رؤى شرتله بيدها : وانت من اهله 👋
وخشت وهوا قعمز مكانها وحط يده علي قلبه 💔
لالا بالله يا قلبي انت مش للحب 💔😔
وقعد يشبح للنجوم ويفكر نيين نعس وناض ركب لشقته ورقد 💔💤
قد ننام أحيآنا ونحن مثقلون بالهموم 💔
ودموعنا تأخد مسارها في رسم خريطه وجع على ملامحنآ البآلية 💔
انتهى البارت 💞
انشاء الله يكون نال اعجابكم ❤
أنت تقرأ
تحت سقف الوجع 💔
Fantasyهادي الروايه تحكي علي مجموعه بنات يعيشو في ملجأ 💔 وكل وحده حتصير معاها قصه مختلفه حنعرفوها من الروايه ❤ ممنوع نقل الروايه ❤ ومش حنسامح اي حد ينقلها 👌
