جاء الليل وجا وقت العشا ✨
وعندمآ ارآك يا مهجة القلب ❤
ينبض قلبي متسارعاً من فرحتهِ 💓
ولاء في دارها تلبس وتساوي فشعرها عالمرايه :
تي عسل وحق ربي 😍 انشاء الله نشوفه بس 😁 وحق ربي كنهادا لبنعدي للمربوعه زايد ناقص 😈😂😁
سعاد تنادي : ولااء يا ولاااء تعالي الباب ادق بلكي الناس جوو 😡
ولاء نزلت تجري : تو نشوف يماما 🏃
صبت خلف الباب وتدعي انه يكون احمد مش الناس 😮 وفتحت الباب ✨🙈
هههه طلع مش هوا 😂😂
ولاء : تفضلو تفضلو 😘
خشت لطيفه وسلمت عليها 😘
ونزل حسام كروسة صفاء وقربها من الباب وكرتها لطيفه وسلمت علي ولاء وخشو 😁 وطلع احمد لحسام دخله للمربوعه 😜
عند النساوين :
سعاد : مرحبتين مرحبتين نورتو الحوش والله 😘❤
لطيفه : مرحبتين بيك النور نورك وخيتي 😘😘
سعاد : مرحبا كيف حالك يبنيتي 😘💞
صفاء : الحمد لله يعميما كيف حالك انتي 😘
سعاد : بخير الحمد لله ، تفضلو هنا لدار الضيوف 😊
خشن وقعمزن وصفاء تهدرز مع ولاء :
صفاء : شن اسمك انتي 😀
ولاء : اني ولاء وانتي 😊
صفاء : اسمي صفاء 😁
ولاء : عاشت الاسامي 😘
وقعدو يهدرزو ويضحكو والجرس رننن 🔔
وهنا نطت الاء تجري زي المخلوعه 😂🏃
سعاد : شكلها تدكرت حاجه ناسيتها اعدرونا😅
صفاء ولطيفه : لالا عادي 😂
وهنا ولاء طالعه تجري 🏃 اكيد هوا اكيد 😍 وصلت للباب وتساوي فشعرها 😁😂وبتفتح 😮 ويجيها احمد 😱
احمد : شن اتديري هنا يا عنبوك وطالعه هكي 😡
الاء ترعش وفي خاطرها موت انشاء الله 😡: اه لالا نفتح بنفتح الباب قبل 😅😲
احمد : خشي مزال نشوفك طالعه بس 😠
خشت تجري 🏃 😂
وطبعا هدا كله ومحمد يسمع 😮
احمد فتح الباب : اهلا بي احميده 😁
محمد في خاطره يرزيني فيك قبل بنشوف الحب 😡 :
اهلين اهلين 😒
احمد : خش خش 😀
محمد : اهو خاش 😒 وقعد يشبح يمين ايسار وشبحها تبيت من الروشن 😮قعد يضحك وخش 😂😂😂
عند الاء :
هيييي شبحني شبحني يا غبااارتي السووده 😱😱😱
بس يعليك ضحكه ووو 😍😍
جتها سعاد حامقه : ارزيني فيك شن اتديري حدا الروشن تعالي عاوني 😡😡
ولاء : هي يا ماما جايا 😍
سعاد : بسرعه 😡
ولاء : هه 🏃😶
وتت العشاء هيا وامها وتعشو وعطو للرجاله عشاهم وانسجمن هلبااا مع لطيفه وصفاء 😍 واتفقن ان في يوم من الايام بيردولهم الزيارة 😘
عند البنات :
انسام تبي تغير جو رؤى لأنها مزالت مريضه : يا بنات شن رايكن نلعبو لعبه 😀
ولاء واسماء : اي باه 😍😁
رؤى : موافقه 😘❤
انسام : نلعبو لعبه صراحه وجرأه 😀
الكل : موافقات 😀
دارن دائرة وخدن شيشه بيش يلعبن بيها :
لفت الاء الشيشه وجت علي أسماء تسأل انسام ✨
اسماء : جرأه والا صراحه 😁
انسام : صراحه 😂
اسماء : ليش قبل كنتي تكرهيني اني و الاء ؟🙈
انسام : بصراحه هكي كنت نحسابكن مش كويسات ومغرورات بس بعتالي اكتشفت العكس ❤
اسماء : باه ربي اخلينا لبعض ❤😘😍
الكل : اميين ❤😍
لفت الاء الشيه مرة تانيه وجت أن رؤى تسأل ألاء :
رؤى : شن هيا اكتر حاجه تتمنيها فالحياة ؟🍁
الاء : أن اجي يوم ونشبح بابا وماما 💔
البنات : ربي يعطيك ما تتمني 💔
الاء نزلت راسها : اميين ياارب 😔
اسماء متبيش الاء تبكي فحبت تخش عالخط : هيا لفي بسرعه 😁
الاء : حاضر 😘 ولفت الشيشه وجت علي انسام تسأل رؤى :
انسام : ليش ديمه نحس فيك غامضه وتحبي اتطلعي روحك قويه ؟💔
رؤى بحزن : لأني تعلمت أن الحياه متبيش الشخص الضعيف وأن الناس لما يشبحو ضعفك ودمعتك يتقاوو عليك وغامضه لأني كان نفتح قلبي ونحكي حنبكي هلبا 💔
تأترن البنات وقاللها احكيلنا احنا نسمعوك معش اتدسي في خاطرك 💔
رؤى ناضت وخشت لسريرها ودارت وجهها للساس
البنات عرفن ان رؤى متبيش تحكي مبنش يضغطن عليها وقعدن اهدرزن ✨ وفجأه سمعن صوت رؤى تتكلم :
كان يا مكان في قديم الزمان 💔
كان في بنت اسمها رؤى من لما وعت عالحياة وهيا متعرف حد ومعمرهاش حست بالحنان 💔😢
البنات ناضن وقعمزن حدا سرير رؤى ومحبنش يقاطعنها 💔
رؤى وهيا تبكي :
رؤى وعت علي روحها في ميتم كانت ديمه فالليل تنوض تعيط وتقول : بابا ماما وينكم 💔 بس مفيش حد اجي يسكتها ويحضنها 😢 كانت لما تخاف متلقاش من يحميها 😢كانت لما تجوع متلقاش من اوكلها 😢 كانت لما تسقع متلقاش من اغطيها 😢 كانت لما تمرض متلقاش فحد يسهر عليها ولا اب يجيبلها دواها 😢 رؤى كبرت وبدت تستوعب فالأمر ان هيا معندهاش اب ولا ام 💔 كانت كل يوم بعد يرقدو يلي حداها تقعمز تبكي وتقوول اني شن ذنبي بيش بابا وماما لوحوني 😢 ايعاملو فيها معامله قاسيه لو كانو امها وبوها موجودين راهو مخلو حد يلمسها 💔كانت تتمنى فيوم تقول بابا او ماما وايردو عليها 😢 فالليل كانت ديمه تحكيلهم علي يلي اصير معاها ودموعها علي خدها 😢
رؤى كانت كل شهر او شهرين تحس بوجع كبييير بس متقوولش نين زاد وجعها وشاكه ان يكون عندها مرض خطير 💔
هنا البنات كلهن حضننها وهنا غارقات فالدموع : انشااااء الله لااا اسسسكتيي 💔😢😢😢
رؤى : خلوني نكمل 💔
رؤى يلي اتدير فالمشاكل قبل كان كله بيش تلفت الانتباه 😢
رؤى في وجع في قلبهااا وجسمها ما يعلم بيه الا يلي خالقها 💔😢 وهادي هيا رؤى 💔😢
البنات يبكن : احنا عيلتك وانتي مفيك شي وتو نطلعوك بيش تعايني بالغصب 😢😢💔
رؤى : ربي اخليكن ليا يارب 💔😢
حضنن بعضهن وراحن في سبات عميييق ودموعهن علي خدهن 💔
عندمآ نرى آلام البشر أحيآنا تهون علينا آلامنا 💔
انتهى البارت 💕
انتظرو البارت الجاي ❤
أنت تقرأ
تحت سقف الوجع 💔
Fantasyهادي الروايه تحكي علي مجموعه بنات يعيشو في ملجأ 💔 وكل وحده حتصير معاها قصه مختلفه حنعرفوها من الروايه ❤ ممنوع نقل الروايه ❤ ومش حنسامح اي حد ينقلها 👌
