وربما تبتلى بشتآت الأمر 👌
لتساق لخيرٍ لم تفكر به من قبل ✨❤
ناضت رؤى وتحس في روحها دايخه وتمشي بالشوي : بسم الله 😩
وفجأة طاحت أغمى عليها ✨
سمعت البنات صوت الطيحه جنها يجرن 🏃🏃🏃: رؤى خيرك شن في 😭😭😭ويخبطن فيها علي وجهها 👐:
الاء : امشي يا اسماء جيبي ريحه نشمموهلها 😭😭
اسماء مشت تجري 🏃
وانسام وألاء كرو رؤى حطوها علي سريرها :
انسام تبكي : رؤى نووضي خيرك متخليناش زي وجدان نوضي 😢
وهنا جت اسماء وبخت الريحه علي يدها وقعدت تشمم فيها لرؤى : نووضي هيا نوضي 😭😭
رؤى بدت توعى : امم أني ويين خيييرني 😖😵😫😩
انسام : الحمد لله والله خفت عليك 😢
رؤى : متخافوش اني كويسه 😫😩💔
ألاء : رؤى بنكلمو فوزيه ترفعك تعاينك 😞
رؤى : لالا متكلموهاش منبيش 😔
وهنا ألاء غمزت لأسماء باش تمشي تكلم فوزيه وأسماء هزتلها براسها يعني تمام 👍
عند فوزيه :
طق طق طق ✊
فوزيه : من ؟
أسماء : أني اسماء
فوزيه : خشي 😒
أسماء : جيت نبي نقولك أن رؤى مريضه وضروري ترفعيها للمستشفى 👐
فوزيه : منييش رافعه 😒
أسماء : حرام عليك اغمى عليها بتموت 😢
فوزيه : وتموووت من شادها الي ينقص ينقص 😏
أسماء : حسبي الله ونعم الوكيل فيك وخلاص 💔👌
طلعت أسماء وجت مكالمه لفوزيه 📞:
رننن رنن 📞
فوزيه : الو
...... :مرحبا هدا ملجأ ال ..... ؟
فوزيه : اي تفضل 😊
...... :اني نبي نتكفل منكم بنت ممكن ؟
فوزيه : اي اكيد بس نين نكلم المسؤولين الكبار لأن الموضوع فيه وراق وهلبا أشياء
...... : اي اكيد المهم رقمي عندك بعد اتقررو كلميني 👍
فوزيه : تمام 👍 وسكرت ✨
فوزيه تتكلم مع روحها : أحسن شي بنفتك من وحده منهن هالدعاوي 😒 تو نعطيهم رؤى هلي ديمه تتمرض نفتك من بلاها 😏 وهما اكيد حيجيبو الشهر الجاي دفعه بنات لأن البنات الي عندي اغلبهن كفلوهن 😌
⚡قد يفعل البشر أفعال ولا يفكرون في أن كل هذه الأفعال ستعود عليهم يوماً مآ في مبدأ 👌:
" كما تدين تدآن "✨
في حوش عادل :
احمد باس امه 😘 : انحبك يا امي اني 😁
سعاد : شن في قول قول 😂
احمد : تو ضروري كل ما نقول نحبك ونبوسك يكون في سبب 😅
سعاد : ولدي وحافظاتك 😂 قول 😉
احمد : بااهي هه 😅 والله يا امي متعرف علي ولد ونبي نعزمه هوا وعيلته عالغدا غدوة ومعاهم محمد صاحبي😀😅
سعاد : ااه قول هكي من الاول 😂
وهنا خشت عليهم ولاء : شن في تضحكو قولولي 😍😁
سعاد : خوك عازم اصحابه وبتجي عيله واحد منهم 👐
ولاء : متعباش عليا ني راه عندي قرايه 😒
احمد : تي بالله سكري خاربك يا بايرة ربي يعينه الي بيطيح فيك 😧😡
ولاء في سرها : صاحبك الطرف ياخدني 😍😍
احمد يحرك في يده قدامها 👋👋: تي هوي وين مشيتي 😒
ولاء : تي هااا اوووف منك نمشي خيرلي 😡
ومشت وهيا تفكر فيه 😍😍 ياارب نشوفه ياارب طرفي 😁😂😍😍
نرجو لأحد وامه خلوها فخيالها 😁 :
احمد : هاا يمي شن موافقه 😟
سعاد : باهي موافقه حاضر 😂😌
احمد باس راسها 😘 : ربي يحفظك يا غاليه 😍 وخليني توا نكلم صحابي 😁
اتصل احمد ب حسام 📞:
حسام : ايوا احميده
احمد : شن الجو يا مان 😁
حسام : بخير والحمد لله وانت😊
احمد : حتى ني كويس وكان وافقت بنريح اكوس 😁
حسام : اطلب وحاضر 😂
احمد : عازمك غدوة علي العشاء انت وعيلتك 😀
حسام : انقولو انشاء الله نكلمهم ونرد عليك 👐
احمد : مفيهاش كيف يا راجل تجو يعني تجو 👇
حسام : باهي هدي حاضر بنجو 😂
احمد : باهي مالا توا نخليك 👋
حسام : تمام وسلام 👋
سكرو واتصل احمد بمحمد صاحبه خبره 📞😍 وطبعا محمد فرح وانتو عارفين ليش 😜😂😂
تم اليوم وجا الليل 😉 خلونا نشوفو البنات ✨ :
ولاء مقعمزة حدا البنات وكلهن راقدات الا هيا تفكر ❤ :
زعما بابا وماما شن اديرو توا 😔 ياريتني معااهم وعندي خوت وخوات نهدرز معاهم ونضحك ونفرح 💔 يااارب اجي يووم ونجتمع بيهم يااارب واقولولي شن السبب الي خلاهم اديرو هكي 😢💔 وقطع تفكيرها رؤى تكح : كح كح 😩
الاء : خيرك رؤى نجيبلك ميه 😞
رؤى : لا لا والتفتت وكملت نومها 💤
ألاء ساوت مخدتها وغطت البنات ورقدت حتى هيا 💤💔
تاني يوم صباحا 🌞:
سعاد اتطيب واتوتي فالحاجات عشان العزومه و ولاء تجبد فالنوم متعلم عالدميا من وين زارقه 😂 " ياريت كل الامهات زي سعاد 😂"
عند حسام :
جالس يفطر مع امه واخته ❤
امي بنقولك راهو اليوم فالليل عازمني صاحبي وقال جيب العيله 👐
لطيفه : باهي يوليدي مدا بينا نطلعو ❤
صفاء بفرح : واخييرا بنطلع ونمشي لحد ونهدرز 😍😍
حسام : الي يسمعك اقول حابسك اني 😂
صفاء : لا مش هكي قصدي نطلع لحوش حد 😍😍
حسام : فاهمك فاهمك 😂😂 ومن بين ضحكه حس بنخصه في قلبه 💔 ناض واستأذن منهم وطلع 🚗 وقفت بيه السيارة لمكانه المعتاد " البحر 🌅 ":
نزل ومفتاحه فيده وقعمز علي شط البحر و دمووعه قعدو ينزلو بروحهم وحده ورا التانيه 💔💧
آاااه ياا بحر آاااه 💔 مهمووووم وانت الوحيد الي نجي ونشكيلك 💔 معش نقدر ندس هالشي هدا دااير غصه في رقبتي ووجع في قلبي كبييير 😢
وينك يا بووي غيبتك كسرت ظهري 😢 لما نمووت لمن بنخلي امي واختي 💔 يااااارب طول في عمري عشانهم يااارب 💔عااارف ملينا حد من لما مات بووي 😢 يااارب خفف عليا الوجع ياارب 💔
فرغ يلي في قلبه ومسح دموعه وناض 🚶 ركب السيارة ومشى لعمله 🚗 .
لوكان الوجع الذي في داخلي يستطيع رؤيته الاخيرين 👌
لنفدت دموع البشر على وجعي 💔
انتهى البارت 😘
نتمنى يكون عجبكم 😍😀😘😘
أنت تقرأ
تحت سقف الوجع 💔
Fantasyهادي الروايه تحكي علي مجموعه بنات يعيشو في ملجأ 💔 وكل وحده حتصير معاها قصه مختلفه حنعرفوها من الروايه ❤ ممنوع نقل الروايه ❤ ومش حنسامح اي حد ينقلها 👌
