مع اشراقة شمس الصباح 🌞
بس هالإشراقه تختلف من مكان لمكان 👌
فمنهم من اشرقت عليه بفرح ❤
ومنهم من اشرقت عليه لتذكره بمواجعه يلي نساهم بالنوم 💔
عند ألاء 💔
خشت اشعيه الشمس الذهبيه علي عيون ألاء ☀
فتحت عيونها بالشويه وتشوف للمكان يلي هيا فيه 😩
عدلت جلستها ونظفت ملابسها من الغبرة و ساوت شعرها و تسندت عالساس وغمضت عيونها بألم 😔
فتحت عيونها وشبحت للشباك ⛅
يااااارب انت عالم بإني أني مدرت شي يااااارب اجعل برائتي تطلع فالوقت القريب ياااارب 💔
نزلت عيونها وطاحت منها دمعه ساااخنه علي خدها 😢
مسحتها وقعدت تشبح للشباك واشعه الشمس 💔
في مكان تاني 🏡
ولاء تجري في جرت احمد 🏃:
تعااال هاات تليفوني خيرلك 😤
احمد يضحك : كان تبيه تعاليله 😂😂😂
ولاء : احمد بلا برااده هيا 😭😭
احمد : عيطي انشاء الله تطربقي😂😂
ولاء : ماااااامااااااا كلمي ولدك الحصله 😭😭😭
سعاد : خيركم خيركم بتهبلو 😲
ولاء : خدا تلفووني ميبيش يعطيهلي قووليله 😭😭
سعاد : احمد عطيها تلفونها 😤
احمد : تي هااك هالخارب الي قالبه الدنيا عليه 😒
سعاد : عدل الفاظك 😒
الجرس يضرب 🔔
ولااء : اني نفتح 🏃
فتحت الباب ولقاته شاب 😮
شويه ووعت علي روحها وصرفقت الباب وخشت تجري 😱🏃
احمد : مني يا مهبوله 😲
ولاء : واحد 😮
احمد : هييي هدا اكيد محمد جايني نسيته بكل😅وطلع 🚶
ولاء : يعطيني دعوة طرف مغبر 😮😂😂
سعاد تنادي : ولاااء تعالي وتي معاي الغدي 😡
ولاء : جيت يا ماما جيت 😁😂😂
في غرفه البنات :
اسماء : ضروووري تمشي وتخبري امال بيلي شبحتيه 👌
وجدان : اوكي بس خاايفه 😞
اسماء : متخافيش والا نسيتي الاء يلي قاعده فالدار المظلمه الي حتى فرش مفيهاش وكلها حشرات 😔
وجدان : باهي حاضر تو نمشي ونقول 😟
وهنا سمعتها انسام 👂
وجدان ماشيه لغرفه امال وقررت انها تقول علي يلي شبحاته 🚶
.... : بس بس
وجدان تلفتت بخوف : من 😟
انسام شدتها من يدها بالقوة : وييين مااشيه وين ترا قووليلي 😌😏
وجدان : فكي يدي توجعي فيا 😢
انسام ضربت وجدان كف : انفكلك يدك يا خاينه ، والله اتقوولي حرف لتعرفي حسابك وعارفه كان تعلم رؤى شن اصير فيك 👌😡😠
وجدان كالعادة سكتت ومحاولت اتدافع علي نفسها نهائيا 💔
ورجعت وهيا تبكي 😢
لاقتها اسماء : خيرك شن في امال دارتلك حاجه وصدقاتك اولا ❗
وجدان تتكلم وراسها لوطه ودموعها اقطرو : منقدرش نقوول اني اسفه 😢
اسماء بحمق : شن تقوولي انتي معقوله للدرجه هدي خوافه 😠 والله انك طحتي من عيني 👍
وجدان كملت طريقها وهيا تبكي وخشت لسريرها غمت روحها وقعدت تتفكر 💭:
مفتاح ( زوج ام وجدان ):
ضرب وجدان برجله وهيا راقده : نوووضي ياخراا نبي الفطور نووضي 😡
وجدان تتحسس في مكان الضرب : حاضر نايضه 😞
مفتاح خلاها تصبي وعطاها كف جت طايحه: امتى بنفتك منك امتى ولامتى بتقعدي علي قلبي نصرف عليك وتاكلي من رزقي يا مصيبه 😡😠
وجدان تبكي : معنديش مكان نمشيله حرام عليك 😢
مفتاح بصوت عالي : لجهنم الحمرا انشاء الله 👊وطلع وصرفق الباب.
وجدان طلعت وهيا تبكي لقت امها مقعمزة شبحتلها بنضرة أسى : لأمتى بتشوووفي نتعذب وبتقعدي ساكته لأمتى 💔
خيريه : والله يبنيتي قلبي يتعذب عليك لذلك شن رايك نحطوك في ملجأ تتريحي من مفتاح 😶
وجدان : تحكي بجد انتي . تي افطني بروووحك راني بنتك بنتك خيرااا قلبك هكي حسي بيا حسيي 💔
خيريه : اني قتلك الحل الأفضل 😕
وجدان بصدمه من امها : ديرو رايكم 💔
نرجو للحاضر 💔
وجداان غارقه فدمووعها : اني الكل ميحبنيش من لما جيت عالحياه واني فهم ونكد حتى بابا مات وخدلاني 😢 لييش يا بابا خليتني لييش وينك تعال شووف بنتك وين قااعده تعاال يا بابا استاحشتك نبيك نبي نشوفك 💔 حتى ماما من هداك اليوم معش سألت عليا تعااال يبااابااا تعاال رااني موجوووووعه 💔
مسحت دمعتها وقررت ان كل شي حيتغير وحينتهي من هاللحظه ✨
ناضت للحمام غسلت وجهها وكسرت المرايه ☄
وخدت قطعه منها ،شبحت لوجهها فيها وابتسمت وقالت :حينتهي الوجع 👌💔
جرحت وريد يدها وقعمزت تبكي وتشبح لرووحها تنزف لين اغمى عليها فالحمام 💔
انتهى البارت ❤
يا ترى شن حيصير في وجدان 😉
كل هدا فالبارت القادم 👍
عطوني آرائكم وأرجو تفاعلكم أحبائي 😘
أنت تقرأ
تحت سقف الوجع 💔
Fantasyهادي الروايه تحكي علي مجموعه بنات يعيشو في ملجأ 💔 وكل وحده حتصير معاها قصه مختلفه حنعرفوها من الروايه ❤ ممنوع نقل الروايه ❤ ومش حنسامح اي حد ينقلها 👌
