وقد تحدث أشيآء معنا تغيرنا تغييراً جذريا ❤
انسام جالسه وتشبح للروشن : لأمتى أني بنقعد سيئة لأمتى ساد وجدان ماتت بسببي 💔
خدت نفس طوييييل آاااااه ياااارب 💔
يا قديش نتمنى نطلع ونشوف الحياة نقرا و نلبس ونزور صديقاتي 😞
شبحتها رؤى جتها قعمزت حداها 👐
رؤى : نسومه خيرك من لما ماتت وجدان مش علي بعضك 😞
انسام : بالله يا رؤى خليني بروحي والله ضميري يعذب فيا 💔
رؤى : والله حتى اني زيك ضميري يعذب فيا وفي زي الغصه فرقبتي 💔
انسام : شن رايكم نمشو لاسماء وألاء ونعتدرو منهن ❤
رؤى : باه هي 💕
مشن هنا الاتنين وقعمزن حدا ألاء و أسماء :
أنسام و رؤى : احنا أسفات سامحنا علي يلي فات وممكن نقعدو صديقات 😢😢
ألاء وانسام حضننهم : اكيييد وبلاش بكي معش نبو دموع بعد اليوم 👐
قعمزن جنب بعضهن وقعدن يتأملن فالسقف ويسمعن في صوت المطر 💧
ألاء : هالغرفه هدي فيها كل اسرارنا وتعلم علي كل اوجاعنا 💔
اسماء : وكأن سقفها سقف الوجع الي رغم انه واحد إلا انه حامل تحته أكتر من وجع 💔
رؤى : نسومه غنيلنا اغنيه 🎶
ألاء و اسماء : تعرفي تغني 😮
رؤى : اي وصوتها يهبل 😍
انسام : باه نغنيلكم بس متشبحوليش 😂
رؤى و ألاء و أسماء : بااه 😂😍
أنسام :
لووو ليل عليك الليل 🌃
ودمعك تحدر سيييل 💔
وإلي مااا يليل ماا يليل 💔
دمعي ما يسيل ما يسيل 💧
لوو وردك ذبل و إذبل في ليلة نسااايم ✨
ولووو زيتك كمل واطفاا قنديل القساايم 💫
بروووحك نويييت الرحيييل 🚶
بروووحك تمشي هالطرييق 🚶
بروووحك لووو 👌
ليل عليييك الليل ودمعك تحدر سييل 💧
وإلي ما يليل ما يليل دمعي ما يسيل ما يسيل 💔
والي ماا يليل ما يليل دمعي ما يسيل ما يسيل 💔
أنسام تغني فيها وتبكي 😢
والبنات يسمعو و يبكو 😢
وكل وحده غفت علي كتف التانية والمطر تنزل بغزاارة 🌧
نطلو علي البحر شويه وعالشخص الي جالس قدامه 🌅
محمد وهوا يشبح للمطر والبحر وهوا في السيارة ويفكر :
والله شكلني حبيتها هالبنت كل شويه تاخد فعقلي ❤احسن شي نتصل بأحمد ونمشيله 📞
محمد : الوو أحمد
احمد : غريبه تتكلم بأسلوب 😂😂
محمد : تي اسكت يخرا وانت وين توا 😒
احمد : خرا بروحك وتعال اني فالحوش شن تحسابني مكلوب نطلع ف المطر زي بعض الناس 😏😂😂
محمد : جايك جايك منبيش نكتر دوة 😒 وسكر عليه وطار يجري فرحان 😁 : ياااارب نشوفها ياارب 😍😍
🚗 وصل ورن الجرس 🔔
فتحله أحمد : اهلا بي احميده اهلا 😁😂😂
محمد : تي وسع بلا طروح 😒
احمد : تي خيرك يا راجل شكلك تحب😂😂
محمد : ااه لالا منحبش 😅
احمد : راجي نقوللهم اديرو قهوة ونجي 😂
محمد : باهي 😅
وفاللحظه عندي ولاء نازله وحاطه السمعات فودنها ودروحها بتضم المربوعه 😮
خشت وهيا تهز علي لحن الاغنيه ومرة مرة تطلق عيطه 😂😂
ومحمد كان مصدووم ومعش عرف شن ادير 😱😮
وهيا التفتت وشبحاته 😨😰 طاارت تجري 🏃🏃
وشويه وخش احمد 😁
احمد : خيرك منصفر 😱
محمد : آه لالا شي شي 😅
احمد : والله مانك طبيعي اليوم 😕
محمد من اختك 😮 : لا والله غير تهيالك 😅
احمد : مش مصدقك بس بنمشيها 😕
محمد : باه هيا القهوة 😅😅
احمد : والله مانك طبيعي 😐
وشربو القهوة و ولاء كانت في حالة صدمه في دارها وقلبها مداير دربوكه 😂😂
انتهى البارت 💕
سامحوني لأنه قصير 🙊
نتمنى ينال اعجابكم 💞
أنت تقرأ
تحت سقف الوجع 💔
Fantasyهادي الروايه تحكي علي مجموعه بنات يعيشو في ملجأ 💔 وكل وحده حتصير معاها قصه مختلفه حنعرفوها من الروايه ❤ ممنوع نقل الروايه ❤ ومش حنسامح اي حد ينقلها 👌
