وحين تنوي الأيام أن تقسى 👌
تقسى دفعة واحدة وكأن لا قلب لها 💔
خيريه وكلهم ببكاء : طمنا يا دكتووور شن صااار 💔
الدكتور : للأسف فقدنا الحاله 💔
أحيانا تنزل بعض الكلمآت كالصواعق على آذاننا 👌
وتتركنا غارقينا في بحر الدمووع والندم 👐💔
خيريه اغمى عليها والبنات كلهن يبكن 😢
انسام مصدومه ودمووعها ينزلو : لاااا اكيد سمعت خطا اكييد وجدان مستحيل تمووت لا 😢
رؤى مشت لمكان بروحها عشان ميشبحها حد وميشبحش دمعتها لأن هيا قدامهم كلهم البنت القويه المتمردة وأطلقت سراح دمووعها 😢💔
ألاء تبكي هيا وأسماء وكأن روحهم بتخرج :
ألاء من بين بكاها : سمعتي اسماء وو وجدان ماتت ماتت بب بالله قوللليلي أن اني نن نحلم قق قولي 😢
اسماء وهيا تبكي وقلبها بيتقطع لأنها عاركتها اليوم الي قبله : اااااه يا ألاء يااريتك تحلمي ونحلم ياااريت اني السبب اني 💔
الاء : معش تقوولي هكي هدا عمرها اسسس 😢
عند فوزيه وامال :
صح حسوو بالوجع بس اكتر تخميمهن فإن الشرطه أكيد حتحقق فالموضوع واصير موضوع كبير ✨
بعد ساعه ناضت خيريه :
ووجدااان بنتي ويينك ويينك تعاالي 💔
وجدان : ماما أني مشيت لبابا متخافيش عليا 😔
خيريه : تعالي حبيبتي معاي اني 😢
وجدان تبعد وتمشي : ماما بااااي اني بنمشي لبابا منقدرش نقعد معاك 👋💔
وهنا قفزت خيريه من الحلم وقعدت تبكي بصوووت عااالي وتخبط : ااااه يبنيتي مشيتي وانتي صغيرة ااااه يبنيتي تخليت عليك عسبات حياتي ومفكرتش فيك بكل ااااه اااه ياااربي ساامحني ااااه يااربي مكتووبلي نتبرعلها بدمي ونشبحها اليوم بعد 9 سنين 💔 وجدااااااااان 💔 واغمى عليها من جديد .
عيب البشر أنهم عندما يفعلون شيئ لا يفكرون في الحاضر وماذا سيحصل 👌 فيقوولون ويفعلون اشياء تجرح لأشخاص هم لا يعلمون أن موعد رحيلهم قريب 💔
بعد مرور 3 ايام على وفاة وجدان وفي مكان آخر 🏡
حسام : والله يا أمي رايحه بتموتي هالكه روحك 😟
لطيفه : مافيا شي يا وليدي غير تهيالك 😲
حسام : ديمه نقولك نجيبلك حد اساعدك متبيش 😤
لطيفه : منبي حد اساعدني والا كنهادا بنزوجك 😏
حسام : تبكشت هاه منبي حد اساعدك 😯
لطيفه : ههههههه عرفت كيف نسكتك 😂😌
حسام : منورة يا حويجه 😅
صفاء جت بالكروسه متاعها : ضحكوني معاكم 😁
حسام : شي شي غير الحويجه جايها شيباني 😂😂
لطفيه ضرباته علي كتفه : اسس تحشم تحسابني مزلت صغيرة 😒
صفاء تضحك : 😂😂 حييي بنحصلو عرس يا وخيي 😮😂
حسام : 👏👏👏 الحوييجه بنديرولها عرس 😂😂
صفاء : لولولولي 😂😂😂👏👏
لطيفه : خزي مهبله 😒
نعرفكم بالشخصيات الجدد :
حسام : 24 سنه متخرج من القانون وطويل وجسمه متوسط وابيض ولحيته سوده وعيونه سود وكبار ❤
صفاء : 19 سنه متقراش لانها مقعدة وعندها اعاقه بسيطه في يدها الايمين و هيا قصيرة وبيضه وعيونها عسليات ❤
لطفيه : 66 سنه مرا طيبه وجوها حلوو وتحب الناس وراجلها متوفي وهيا الي تعاني في بنتها والحوش ورافضه الخدم ❤
وفي مكان تاني 🏠 :
ولاء تتصل بأحمد : احمد يا دعوة تعال ارفعني لصاحبتي 😡
احمد : جااي فالطريق يا حصله 😠
وبينما احمد اسوق العجله انفلقت 😂😂
احمد : ييه عليا اللهم طولك يا رووح 😡😡احسن شي نكلم محمد 😩 ترننن 📞
محمد : اهلا يا صاحب 😁
احمد : لا صاحب لا مخزوم تعال في شارع ... العجله انفلقت والبلوة ولاء عندها مشوار 😵
محمد في خاطرة ولااء 😮 : اوكي هي فريرة جايك 😁
🚗 10 دقائق و خدا احمد معاه ومشو لولاء :
احمد : هيا يا بلوة اطلعي جيتك 😤
ولااء : تي باهي يا زهاق 😒
طلعت ولاء وفاصله :
ويينك لتواا ااه 😡😡 وشبحت لقت محمد معاه تحشمت 🙊
وفي خاطرها : طرف هداك اليوم 😍
وبعدها حطوها عند صاحبتها ومشو للسيارة 🚗😁
خلونا نشوفو حال البنات في الملجأ ❤
الاء : والله مكانها فاضي 😞
اسماء : ربي يرحمها وانشاء الله تسامحنا 💔
الاء : لاحظتي إن رؤى و انسام معش ناشبونا بكل 😶
اسماء : اي والله بلكي تغيرو 😪
الاء : انشاء الله ونولو صديقات ❤
اسماء في خاطرها : غير كان تعلمي يا الاء انهن هنا السبب بس في حبستك فالدار وموتت وجدان شن تقولي 💔
وانتهى هذا اليوم عالكل بحلوة ومره ✨
انتهى البارت ❤
نتمنى يعجبكم حبايبي 😘😘😍😍
أنت تقرأ
تحت سقف الوجع 💔
Fantasyهادي الروايه تحكي علي مجموعه بنات يعيشو في ملجأ 💔 وكل وحده حتصير معاها قصه مختلفه حنعرفوها من الروايه ❤ ممنوع نقل الروايه ❤ ومش حنسامح اي حد ينقلها 👌
