وكن في الدعآء لحوحآ👌
فقد اوشگ السهم أن يصيب ❤
في حوش سعاد :
ولاء راقده ودموعها علي خدها لانها عارفه روحها غلطت وخايفه تخسر خوها بسبب فعلتها هدي لان عارفه لما يحمق ادير اي شيئ 😢
سعاد اتدور في الحوش وتخمم في احمد يلي طلع وهوا حامق وشن حيدير في رفيق دربه محمد :
ياااارب رجعلي وليدي يااارب منبيش نفقدته سادني فقدتي الاولى سادني 💔
عادل خش عليها : خيرك يا سعاد شن في ؟
سعاد ترعش : مفي شي غير احمد متعارك مع محمد وخايفه عليه بس
عادل : تي كيف متعارك معاه وين تعاركو ومن قالت
سعاد : كان هنا واتصل بيه حمق منه وقاله جايك وهوا راقيله 😔
عادل حمق : تو نشوفه هالفرخ هدا 👌
طلع تليفونه من جيبه 📞
اتصل بيه : رنننن 📞
احمد سمع تليفونه ارن طلعه ورد :
ايوا نعم يا بوي
عادل بحمق : وينك يا فرخ روح 😡😠
احمد : شن في يا بوي
عادل : امك قالتلي تعاركت مع محمد و الله تديرلها حاجه نوريك وروح بسرعه
احمد : والله مفي حاجه واني توا نشرب في طاسه شاهي عنده مع عمي صالح
عادل تريح : باه مطولش امك تراجي فيك ومشغول بالها
احمد : باه ❤
تريح احمد هلبا لان امه مخبرتش بوه 💕
وسعاد : ها شن صار وينه
عادل : تريحي قالي يشرب في شاهي مع الحاج صالح ومحمد
سعاد فرحت : الحمد لله ❤
و
ركبت لولاء بتشوفها 🚶
خشت عليها : ولااء يا ولااء
ولاء حولت البطانيه من علي وجهها ودموعها يقطرن : نعم 😢
سعاد : خلاص اسكتي ومعش تعاوديها 👌
ولاء خشت في حضن امها : سامحيني بالله 💔
سعاد مسحتلها دموعها : سامحتك خلاص اسكتي
ولاء وامها تمسحلها في دموعها : احمد وين خايفه عليه 💔
سعاد : احمد مفيه شي وتصالح مع محمد ❤
ولاء ابتسمت : حقااا
سعاد ابتسمتلها : اي خلاص نوضي 💓
ولاء : حاضر يا ماما 👐
سعاد نزلت و ولاء خشت للحمام غسلت وجهها وشبحت للمرايه وفرحت هلباااا : الحمد لله ياااااارب ❤
في حوش لطيفه :
لطيفه تبكي : يناااري عليك يا رؤى يانااري 😢
صفاء دموعها ينزلو وبس : كييف قبل حسام يحساب روحه مريض وطلعت رؤى هيا يلي مريضه 💔
لطيفه وهيا تبكي : سبحاان الله مكتوب من ربي ان التحاليل يتلخبطن و تجينا واحنا الي نعالجوها 😢
صفاء شبحت للفوق : ياااارب اشفيها والله هيا زي اختي يااارب 💔
تليفون لطيفه ايرن 📞
لطيفه سمعاته ناضت لقاته حسام 💔
ردت عليه : ايوا حسام 😢
حسام وصوته واضح في ان باكي نين شبعان : وتي روحك قريب نوصلك 💔
لطيفه : حاضر يا وليدي
وسكر 💥
صفاء : خيرا حسام ياماما
لطيفه : قالي قريب يوصل بيرفعني
صفاء : نبي نمشي معاكم
لطيفه تلبس في جلبابها : باه تو نرفعوكصفاء حركت كروسها وساعدتها لطيفه عشان تلبسه وقعدن ايراجن ✨
حسام وصل 🚗
نزل من السيارة وخش لقاهن اراجن
لطيفه وصفاء قلبهن تقطع علي منظره لان كانن عيونه منفوخات وحمررر ودبشه مش مساوي و واضح فيه الألم 💔
حسام : هيا 💔
اطيفه وصفاء بدون اي رد لان قلبهن تقطع عليه طلعن وراه 🚶🚶
ركبو السيارة ومشو 🚗
وصلو للمستشفى 🏥
نزل هوا قدامهن ونزل كروسه صفاء وحطها عليها وخشو 🚶🚶🚶
مشو للمكان يلي فيه رؤى 💔
قعدو يشبحولها من القزاز لان كان ايبين يلي داخل 💔
كانت راقده علي السرير زي الميته والتغديه في يدها والطوبوات في خشومها والاجهزة معلقه فيها 💔
اول ما شبحتها صفاء دموعها نزلو : ينااااري عليك يا رؤى
لطيفه : ينااري يبنيتي ربي يشفيييك 😔
اما حسام فكان متكي عالساس ورافع رجله و مدارش ولا ردت فعل 😔
لطيفه : امتى العمليه متاعها 😔
حسام نزل رجله : غدوة الصبح
لطيفه : ربي اينوضها بالسلامه يااااااارب 💔
حسام نزل راسه وخاناته دمعته 💧
صفاء لما شبحت خوها قربت منه بالكروسه : حسااام 💔
حسام رفعلها راسه ودمعته علي وجهه
صفااء ودموعهة ينزلو : متبكييش هيا حتعيش 💔
حسام ناض وحضنها وقعد يبكي هوا وهيا 😢
لطيفه تشبحلهم وتبكي 😢
حسام بعد فرغ يلي فيه طلق صفاء وشبح لفوق ومسح دموعه 💔
صفاء وخرت بكروسها لأمها وقعدن يبكن جميع 💔
حسام : هيا بنروح بيكم متقعدوش هنا
لطيفه ودموعهة ينزلو : بنقعدو
حسام بألم : امي بالله هيا امي قاعد غدوة نجيبك
لطيفه محبتش تناقش فقلت باه
وطلعن ووصلهن حسام للحوش 🏡
وهوا مولي جاه اتصال 📞
شبح لقاه احمد
رد عليه بصوت مخنوق : خير يا احمد
احمد استغرب من نبرة الصوت : خير كيف حالك
حسام بتنهد : الحمد لله 💔
احمد : انشغلت عليك قلت نكلمك وحتى امي مشغوله تتصل بأمك متردش
حسام : شي غير لاهيين في البنت يلي جبناها طلعت مريضه 💔
احمد انصدم : لا حول ولا قوة الا بالله خيرها
حسام ودمعته نزلت : كانسر 💔
احمد بوجع : لا حول ولا قوة الا بالله
حسام : بارك الله فيك عالنشده
احمد : تي كيف يا خوي هدا واجبي وكيف حالها المريضه توا ؟
حسام : نقولو الحمد لله وغدوة عندها عمليه
احمد : اما مستشفى ؟
حسام : مستشفى ال .....
احمد : غدوة نكون معاك بادن الله
حسام : بارك الله فيك مرة تانيه
احمد : وفيك بارك الله وتوا نخليك وانشاء الله يارب بابشفاء ليها
حسام : يااااارب , مع السلامه
وسكر 💥
وصل حسام للمستشفى 🏥
خش وعدا لمكان رؤى
جاته الممرضه : تقدر تخشلها
حسام : نبي نخش توا
الممرضه : تعال البس اللبس الخاص
لبس حسام اللبس الخاص وخش 💔
صبى جنبها : رؤى رؤى نووضي اسمعيني
قرب منها ومسك يدها ودموعه ينزلو : رؤى ردي عليا بالله عليك ردي 💔
رؤى متخلييينيييش 💔 رؤى بالله عليك كوووني قويه بالله 💔 رؤى هيا نوضي وصحي وارجعي معاي للحوش وديريلي شربه زي متاع هداك اليوم 💔 نووووضي رؤى ساد نووم مش كويس النوم هلباا نووضي 💔
قعمز علي ركابه وشاد يدها ويبكي : رؤى تدكري الوجه يلي رسمتهلك عالوطا وقلتي بتريحي ديمه زيه مبتسمه 😢
هه توا مش مبتسمه انتي نوووضي كوني زيه نووووضي رؤى نووووضي ريحيني نوووضي 💔
جاته الممرضه : لو سمحت خلاص اطلع 😔
حسام ناض : رؤى متخدلينيش غدوة بالله عليك 💔
طلع قعمز قدام الغرفه وانهار بكاء 💔
نرجعو لحوش سعاد :
احمد : امي يا امي
سعاد : تعال يا وليدي فالمطبخ اني
احمد مشالها : بنقولك اتصب بيا حسام وقال البنت يلي تكفلوها مريضه فيها الخبيث هدا بيش لاهيين وميردوش 😔
سعاد خبطت وجهها : يناااري انشاء الله رؤى
احمد : مش عارف الاسم بس هكي قالي وغدوة الصبح عمليتها بنمشي نحضرها
سعاد : كيف حالها توا 😞
احمد : قالي حسام في العنايه
سعاد : لاحول ولا قوة الا بالله ، بنمشي معاك غدوة
خشت عليهم ولاء ولما شبحت احمد رجعت 🚶
احمد : باه الصبح نمشو
طلع احمد 🚶
ولاء خشت لامها : شن في يماما
سعاد : رؤى عندها الخبيث 😔
ولاء بصدمه : معقوووله
سعاد بحزن : اي ينااري صغيرة 😔
ولاء بحزن : وجعتني وسط كبدي يناااااري 💔
سعاد : اي فالعنايه توا 💔
ولاء : بنمشي حتى ني البنت صاحبتي 😢
سعاد : باهي غدوة ساهل 👐
ولاء ركبت لدارها تبكي علي رؤى لان وجعتها هلباااا 💔
وسعاد تنكدت وتخمم في لطيفه شن صاير فيها 💔
انتهى البارت 💕
أنت تقرأ
تحت سقف الوجع 💔
Fantasyهادي الروايه تحكي علي مجموعه بنات يعيشو في ملجأ 💔 وكل وحده حتصير معاها قصه مختلفه حنعرفوها من الروايه ❤ ممنوع نقل الروايه ❤ ومش حنسامح اي حد ينقلها 👌
