تحت سقف الوجع 💔

part 12

ومآ أخد الله منا من فرحٍ إلا ليعطينآ أضعآف ما تمنينآ💕

عند البنات ❤:
البنات فرحانات لان رؤى تغير جوها وقدت تضحك معاهن فقررن يخشن للمطبخ بالدرقه وايطيبن حاجه :
الاء : رؤى قوليلنا شن خاطرك 😍
رؤى : اي شي عادي بس خاطري في كيكه 😍
الاء والباقي : من عيوننا 😘
انسام : اسماء امشي جيبي الدقيق بالشويه 😮😶
اسماء : هي شويه وانجي 😈
الاء تخلط فالمقادير : هيا يا انسام وين اسماء معش جابت الدقيق 😤
اسماء ووجها كله دقيق : اني جيت 😁
البنات : تي كنتي تجيبي في دقيق والا غطستي كلك فيه😂😂😂😂
اسماء و رؤى تمسحلها في دبشها ووجها : تي ماهو حاطينه في سطل كبير وهوا في القعر فخشيت كلني 😁😂😂
رؤى ضربتها علي كتفها : والله مبدعه الصراحه 😂😂
الاء مصبيه وتفنص : هدرزن هدرزن نين انوضن هديكنا واحنا نقعدو بلا كيكه 😒😤
رؤى باستها : هاك الدقيق الا زعلك لولي 😘
الاء صبت الدقيق تخلط في الكيكه : امممم امتى اتطيب بس 😍😍😋😋
انسام و اسماء : يا طحوشه علي اساس لرؤى هيا 😂😂
الاء : طريف بس 😅
رؤى : تي كلها ليكن والله 😍😘
وحطن الكيكه فالكوشه وقعدن اخلطن فالشوكولاته 😁🍫
اسماء : انسام يا بارده قلنالك خلطي مش كل شويه تلحسي فيها 😂
انسام : تي اسكتن ليا شهووور مضقتها 😍😍
الاء : حولي حولي خلني اني نخلط 😂😅😅
اسماء : مفيش كاشفاتك 😌😂
رؤى : عطني لحسه باهي 😂
اسماء عبتلها كاشيك وعطتهلها : هاك 😁
رؤى كلاته وحست بوجع في بطنها 😦
الاء : رورو خيرك 😱
رؤى : فيا مغز 😫
اسماء وانسام : شن رايك نرفعوك للمستشفى الي فالشارع التاني يشكرو فيها وبالبلاش 😀
رؤى : لالا بيش اجن ويلقنا مش قاعدات 😲
الاء : والله كلامهن حقا هادي فرصتنا 👍
رؤى وافقت بعد اصرار 😁 وطلعن الكيكه من الكوشه وزيننها 🎂 ودسنها في دارهن وضمن المطبخ 💁
ولبسن وطلعن بسرعه 🏃🏃🏃🏃

عند حسام وهوا جالس عالبحر 🌅:
وهوا مقعمز ويشكي ويبكي زي عادته للشيئ الوحيد يلي يسمع فيه 💔
حس يد علي كتفه 👐
التفت لقاه راجل كبير فالسن 👴 : تسمحلي نقعمز جنبك يا ولدي ؟
حسام يمسح في دمعته : اكيد تفضل يا عمي 👐
الراجل : اني يا ولدي نشتغل هنا فالبحر وديمه مشبح فيك من بعيد تجي وتبكي للبحر وتتكلم بروحك وكل مرة بنجيك نتردد بس اليوم قلت ضروري نجيك 👇
حسام : بارك الله فيك يا عمي 💔
الراجل : احكيلي يا ولدي خيرك شن في ؟ديرني زي بوك ❤
حسام : الله يرحمه بوي وانت اكيد بمثابته يا عمي 😞
الراجل : باه احكيلي وفرغ يلي في قلبك راه والله لما اتدس هلبا تمرض 👌 قولي شن حبيبتك سيباتك والا خسرت شغلك والا شن ❗
حسام ضحك ضحكه وجع : ههههه ياااااريت يا عمي ياااريت 💔
الراجل : باه احكيلي شن انشاء الله خير
حسام : اني يا عمي توفى بوي من لما صغير 💔 وعمامي مقاطعينا و معنديش خوال يعني امي وحيدتهم وتحملت المسؤوليات كلهن وعندي اخت مقعده 💔
الراجل : الله يرحمه ويغفرله ❤ كمل
حسام : يعني امي واختي معندهن حد غيري 😢 وامي ليا شهرين نعاني من مرض الكانسر جايني فالامعاء 💔 قالولي الدكاترة ضروري من عمليه وعلاج بس اني رفضت لان امي لو سمعت حتنهار واختي معندهاش غيرها فكاتم هالسر في قلبي😢
الراجل بحزن : لا حول ولا قوة الا بالله شاب زي الورده مزلت في بدايه حياتك 😔
حسام : يا عمي والله مندور في حيااااتي والله بس انخمم في امي واختي اني سنه بالكتير ونمووووت والله يا عمي موجووووووع موجوووووع 💔 وانهار حسام بكي 😢
الراجل يبكي : باه يا ولدي عدي راجع التحاليل بلكي كدب بلكي غالطين عدي شووف 😢💔
حسام وهوا يبكي: متأكد يا عمي متأكد لأن معدتي بتقطعني من الوجع وجلعن عليا بعض الاعراض 💔
الراجل : سلم اوليدي عدي راجل التحاليل عشان خاطري انت مش خاسر شي 💔
حسام : متأكد والله بس حنراجعهن عشانك يا عمي 😢💔
الراجل : ايواه سلم اوليدي وتوا نوض روح واغسل وجهك وتوضى وصلي وادعي ربك وامشي للمستشفى 💔 وانشاااء الله ياااارب يطلع كله غلط
حسام وهوا يمسح في دموعه : حاضر يا عمي وبارك الله فيك خففت عليا 💔
الراجل : وفيك بارك الله وانت زي ولدي امتى متحب تعال واشكيلي ومتنساش بعد التحليل اتجي اتطمني 😔
حسام وهوا ينفض في ملابسه من التراب : حاضر يا عمي وتواةفي امان الله 💔👋
الراجل : في امان الله 👋
ركب حسام سيارته وكان متفائل خير مع انه متأكد 💔 وقرر ايخش للمستشفى طول 💔
خش حسام وسحبو منه دم وقالوله ارجع بعد ساعه 1⃣
طلع حسام من المتشفى لان عنده شغل 🚗

وأملي فيگ يا إلهي كبير ❤
فلا تخيب يا إلهي حسن ظني 💗

البنات في المستشفى في حجرة الانتظار 💢
رؤى : حي علينا كان اروحن فوزيه وامال وميلقناش 😧
الاء : اسكتي اهم شي نطمنو عليك 😠
انسام : اي الاء عندها حق 😡
رؤى شدت يد اسماء : ووو خايفه يا بنات 😫😭
الاء واسماء : متخاافيش احنا معاك 😟
انسام : اي وبنراجو التحاليل وبنروحو نحتفلو وبناكلو الكيكه 😏
رؤى : يااااارب 😫😟
جت الممرضه تنادي : رؤى اسماعيل 💙
" قالتلهن ان بوها اسمه اسماعيل بيش ميديروش موضوع ويخبرو متاعين الملجأ عليها "
رؤى : اني ✋
الممرضه : تفضلي توا دورك 💛
رؤى : حاضر هي جايه 😟
البنات : امشي هيا متخافيش احني نراجو فيك 💪
رؤى : ادعنلي يا بنات 😟 باي 👋
البنات ياااارب كون معاها وفرحها ❤
وخشت رؤى وعاينت وسحبو منها دم 💉وقالولها راجي ساعتين  ويطلع 2⃣
البنات : حي حي ساعتين هلبا كيف نديرو 😲
رؤى : هيا نروحو والله ايامنا سود كان روحن قبلنا 💔
البنات : باهي تمام وبعد ساعتين تطلع وحده منا بالدرقه تاخدهن 👍
رؤى : اي تمام 👍
وروحن وكانن ينترضن بالساعه والدقيقه ومبنش ياكلن الكيكه لين يطلع التحليل 💕

بعد ساعتين 2⃣
انسام تدوي بالشويه : اسمااء هيا البسي بيش انطلعوك وميحسنش بيك 😰
اسماء تلف في وشاحها : هيا هي واتيه اطلعن سكرن وراي الباب 😨
الاء و رؤى : هيا احنا وراك 😵
وطلعت وسكرن وراها الباب ✨
تسندت رؤى عالباب من الخلف : ياااارب ياااارب بشرني 💔
حضننها الاء وانسام : بإذن الله خير بإذن الله ❤
وخشن بسرعه بيش محد يشوفهن 🏃🏃🏃

عند حسام :
بعد تم شغله تفكر التحليل 💔
يسووق في سيارته ويدعي 💔
يااااارب ياااارب غير حالي من سيئ لاحسن يااارب 😢
ياااارب صح قبل تأكدت بس عندي امل ياااارب عشان امي واختي 💔

حسام خش للعياده وخدا التحليل متاعه ومشى للبحر بيش يفتحه غادي لأنه كان يفهم في اللغة الانجليزيه ويفهم في مسطلحات طبيه هلبا 💢

اما عند انسام :
خدت التحليل وجت بتروح بس تفكرت انهن ميفهمنش فيه فسألت الممرضه :
لو سمحتي ممكن تشوفيلي التحليل هدا 👐
الممرضه : اكيد حاضر 😘
انسام وهيا خايفه هلبا : تفضلي 👐
الممرضه فتحاته وتقرا فيه : يا حبيبتي انتي التحليل ليك ؟
انسام : لالا لصديقتي
الممرضه : والله ........ .

انتهى البارت 😘
نتمنى يكون عجبكم وقولولي شن تتوقعو ❤
هل يا ترى يطلع حسام مفيه شي ويتفرغ لامه واخته واكون ربي جابله الراجل كبشارة ليه او لا ❗
وهل يا ترى رؤى تطلع مريضه بمرض خطير او تطلع مفيها شي وياكلو الكيكه جميع وهنا فرحانات ❤
كل هدا فالبارت الجاي 😘