تحت سقف الوجع 💔

part 28

..سيخرج يومآ شخص من بين تلگ الحشود..
ويحبگ بشكل لائق 💕
وبالشكل الصحيح وبالطريقة التي تفضل أن تحب بهآ
سيأتي عوضآ عن كل تلگ الليآلي التي بكيت بها ولم يهتم أحد لأمرگ 💗

صباحا في الملجأ :
ناضت ألاء تبكي بصوت عالي : لااا لااا
جنها البنات يجرن والمسؤولات : ألاء خيرك شن في
ألاء تبكي : حلمت حلم مش حلو بكل 😢
وفاء : شن حلمتي قوليلنا 😞
الاء تبكي : لالا منبيش نقوله 😢 أعوذ بالله من الشيطان الرجيم وخلاص 💔
انسام تمسحلها في دموعها : خلاص لولي بالله 😔
اسماء وشوشتها في ودنها : نسيتي شن قالك مراد 💔
الاء تفكرت ان قاللها معش تبكي 💔
اسماء : يلا ابتسمي وهدا مجرد كابوس
الاء مسحت دموعها وابتسمت ❤
مروى : هي تعالي الفطور واتي
الاء ناضت : حاضر 💕
ناضن وقعمزن علي سفرة الفطور وياكلن 🍞🧀🍵☕🍶
انسام : استاحشت رؤى هلبااااااا 💔
اسماء : حتى ني والله اشبح شن دايرة 😞
الاء حست بنخصه في قلبها : مزارتناش بكل
انسام : انشاء الله تكون بخير بس 👐
الاء واسماء : ياااارب
هدى : من رؤى ؟
اسماء : هادي بنت معانا بس تكفلتها عائله
هدى : ااه
بسمه : ياريت تعرفونا عليها بعدين ❤
انسام : اكييد 👍
وكملن فطورهن وألاء مزال فيها نفس الاحساس وبالذات الحلم شاغل بالها وإلي هوا إنها حلمت برؤى 💔
بس محبتش تقول لان عارفه انسام كيف تحب رؤى
طلعت الاء بتقعمز برا واتشم هواء 🚶☀
قعمزت وقعدت تشبح للسماء وتشبح للطيور 🐦
شبحت طير ومعاه طير صغير ميعرفش ايطير والطير هداك اساعد فيه باش ايطير 👐
عرفت الاء إن الطير هداك هوا الام ❤
الاء وهيا تشبح : الله حتى الطير عنده امه مهمه 💕
نزلت راسها وقعدت تتفكر 💭
الاء عمرها 4سنوات :
عادل خاش فرحان : الاء يا الاء
جاته الاء تجري : نعم يا بابا 😍
عادل طبها : ترا قولي شن اشريتلك 😁
الاء : قولي بابا هياا 😟
عادل باسها : شريتلك بشكليطه 😘
الاء فرحت : هييي انت احلى بابا 😍😍
نزلها عادل وعدا جاب البشكليطه 🚲
الاء فرحانه تنقز : بابا شرالي شكليطه 😍
جت سعاد : خيرها بنيت ماما فرحانه 😍
الاء : بابا شرالي شكليطه 😁😍
سعاد باستها : نجيها ياربي 😘
وعادل مصبي ويضحك 😂
الاء : ماما ركبيني 😟
سعاد : حاضر من عيوني 😘
ركبت الاء عالبشكليطه وسعاد تعاون فيها 👐
والاء تشبح لبوها وتضحك 😁😂😍❤
نرجعو للحاضر :
الاء بعد تفكرت نزلن دموعها بغزارة : لييش سيبتوني بس 💔 ياااارب 💔
حست بيد انحطت علي كتفها 👐
رفعت راسها والتفتت لقاته مراد : ممكن نقعمز جنبك
الاء تمسح في دموعها : اكيد تفضل
قعمز مراد جنبها : شن قلنا عالدموع احنا
الاء نزلت راسها : مقدرتش نشدهن 💔
مراد : ترا اشبحيلي
الاء شبحتله : هه
مراد : تعرفي والله عيونك ما يطلع عليهم الحزن بكل
الاء نزلت راسها
مراد : اقسم بالله بجد نحكي
الاء : اني كل ما نتفكر اهلي دموعي ينزلن بروحهن 💔
مراد : نبيك قويه اقوى من الدموع اقوى من كل شي نبيك بنت بستين راجل
الاء تشبحله
مراد : اي نبيك بنت بستين راجل وحيجي يوم يلي تقابلي فيه اهلك
الاء طبست راسها : منبيش نقابلهم 💔
مراد سند راسه عالساس : صدقيني حتقابليهم وتسامحيهم واكيد عندهم عذر
الاء : مهما كان العذر ميخليكش تسيب طفلك
مراد : عندك حق بس اني عند كلامي 👌
الاء : انشاء الله 💔
مراد صبا ومد يده لألاء : هيا نوضي ✋
الاء شبحت ليده بعدها مدتلها يدها وناضت
مراد طبسلها : اخر مرة تبكي صح 👌
الاء ابتسمت : حاضر ❤
مراد : هي خشي توا صقع تمرضي
الاء : باه 🙊
مراد : هي توا مع السلامه 👋
الاء : مع السلامه 👋
خشت الاء ومراد طلع ومشى لحوشه 🏡