تحت سقف الوجع 💔

part 4

صباحُُ جدييد ولكن يحمل معه العديد من المآسي ✨
فأحيآنا يجمعنآ سقف واحد ولكن 👌
#الوجع يختلف💔

سعاد جالسه بروحها : اااه في غصه في قلبي مش عارفه خيرني هاليومين 😩
جا عادل حداها : سعاد خيرك هاليومين مش علي بعضگ 😞
سعاد وهيا مخنوقه : والله ما عارفه يا عادل وجع فقلبي مش طبيعي نحس في غصه فرقبتي 😔
عادل طوول عقله مشا لألاء بس محبش اقول لسعاد باش متزيدش تتوجع 👐

عند البنات :
انسام ناضت أول وحده 1⃣
شبحت لسرير وجدان لقاته فاضي :
ونايضه بكري معاها هالخاينه 😒
خدت فرشه اسنانها ومنشفها ومشت للحمام 🚶
تفتح فالباب بس في حاجه وراه ❗
دفاته بالقوة والصدمه ✨
وجدان غارقه فدمها 💔
انساام من يلي شبحاته كأنه حد بزع عليها ميه ساخنه جمدت معاش عرفت تعيط او تسكت او ترفعها ⁉
شويه ووعت علي نفسها ومشت تجري لأمال وفوزيه :
تعااااالووو بسرعه وجداان انتحرت تعااالن 😭😭😭
فوزيه وامال : تي شن تقولي انتي انتحار شن 😲
انسام وهيا تبكي : وو وجداا اان ط طاايحه في الح ماام 😭😭😭
مشوو يجروو وناضن باقي البنات علي صووت العياط ومشو يجرو 🏃🏃🏃
والاء تخبط عالباب بقووة : افتحوولي شن في شن صااير 😢😢
سمعتها اسماء 👂 مشت تجري طلعت المفتاح من غرفه امال وفتحتلها ومشو يجروو 🏃🏃
وصلو للحمام وهنا كانت وجدان طايحه ودمها معبي المكاان والمرايه مكسره وفي دمووع جافات علي خدها 💔

أين أنتي يا أمي لتري هذه اللحظه 💔

البنات يبكن و قعدو يكرو فيها وكان في نبض 💓 وطلعوها برا الحمام و فوزيه كلمت الاسعاف 🚑
رفعوها ومشت معاها امال وباقي البنات بيلحقو مع فوزيه ✨
اسماء تعيط بصوت عالي : ياااربي ساامحني اكيد اني السبب امس اني عااركتها ااااه ساامحيني يا وجداان 💔😢
الاء تبكي : اسس يا اسمااء هيا اكيد عاايشه اسكتي 😢
انسام كانت تشبح وقلبها 💔
اي قلبها 💔 متستغربوش ، هيا صح اذتها بس مكانتش تتمنى تشوفها بالمنظر هدا وهيا متأكده ان هيا السبب من اسماء 👌
ركبو كلهم السيارة ومشو 🚗

في نفس المستشفى 🏥:
خيريه : مفتاح وينه الدكتور معش جا 😡
مفتاح : اصبري حبيبتي تو اجي ومتتعصبيش تو بنوتتنا تعصب 😉
خيريه : باهي ياروحي 😀
وهنا مرت قدامهم حاله علي سرير الاسعافات يجرو بيها 🏃🏃
خيريه : ينااري شكلها مزالت صغيرة ربي انوضها بالسلامه ❤
مفتاح : اي صح 😐

وهل تعلمي يا أمي أن هذه الفتاة هي أنا 💔

خششوها يجرروو للعمليات لأن فقدت هلبا دم وأوردتها كانو متقطعات هلبا 💔
خشن البنات يبكن كلهن و فوزيه صبت علي امال تسأل فيها :
ها شن صار ⁉
امال : حالتها خطيرة يا فوزيه والله حتخش فيها الشرطه وحنمشو فيها علي قلت المسؤوليه 😧
فوزيه : فال الله ولا فالك
البنات فحجرة الانتضار :
ااااه يا وجدااان متموتيش 😢😢
رؤى طاحت منها دمعه وبسرعه مسحتها 💔
و انسام كانت تدعي فربي انها تنوض بالسلامه 💔
وهنا خش واحد من الأطباء :
لو سمحتو الحاله الي توا دمها نازل هلبا وضروري نبو متبرع و فصيله دمها A-
بس مفيش ولا بنت فصيله دمها هكي زاادو يبكووو 😢😢😢
خيريه : دكتور لو سمحت ✋
دكتور : تفضلي
خيريه : اني فصيلتي هكي نبي نتبرع 💔
مفتاح : تي اهبلتي انتي حامل 😡
خيريه : مفتاح البنت وجعتني ومزالت صغيرة نبي نتبرع 😔
مفتاح : امري لله هالنهار الاغبر 😠
مشت خيريه والدكتور وسحبو منها دم وعطوه لوجدان 👌

ولم أعلم أن أخر الأشيأء التي ستصلني منگ هي دمك وانا هنا يا أمي 💔

خيريه جلست تسأل فالبنات :
خيرها الحاله و وين امها بوها
البنات : حاولت تقص وريدها وبوها متوفي وامها تخلت عليها من قبل واحنا كلنا بنات من الملجأ 😢💔
خيريه بخوف و قلبها تزايدو دقاته : شن اسمها ؟
البنات : وجدان 💔
خيريه : يبست معش قدرت تتحرك ومشت بسرعه تبي تشوفها وتتأكد هيا او لا 💔
تجري وتجري ومتعلم بشيئ ومكأناش اي حد حداها 😢:
يا دكتووور بالله نبيي نشووفها بالله
الدكتور : هيا توا فالعمليه أهدي لو سمحتي
خيريه : نبي نلقي نضرة بس الله ايربحك 💔
الدكتور : تمام ادخلي معاي بس نظرة وتطلعي
خيريه : اكيد راضيه
خشو هما الزوز و خيريه جمدت ودمووعها يقطرو تقطير :وجداااان هدي انتي نووووضي سااامحيني 😢💔
الدكتور : اطلعي لو سمحتي خلاص
طلعت وانهارت قدام غرفه العمليات : وجدااااااان ينااااري مقسااني يبنيتي يناااري ظلمتك معاااي ساامحيني متمووتيش نبيك معااي نووضي نووضي 💔
التمن عليها البنات وهيا تبكي : هدي بنتي وجداااان راهي ااااااه يا وجعي ااااه والبنات كلهن يبكن وفوزيه وامال تأترن هلبا 💔
وفي عز البكآء طلعو الدكاترة من الغرفه :
خيريه وكلهم ببكاء : طمنا ياااا دكتووور شن صااار 💔
الدكتور : ........

انتهى البارت ❤
سامحوني لأنه كله ألم 💔
بس نتمنى يكون عجبكم 👍
انتظرو البارت الجاي 👐 ✨