تحت سقف الوجع 💔

part 25

إن بكاء العين يفضح 👌
ولكن بكآء القلب يذبح 💔

عند حسام وهوا عالبحر 🌅 :
تعرف يا بحر استاحشتگ هلباااااااا والله 💔
سامحني ليا هلبا معاد جيتك بس عندي كلاام هلباااا بنحكيهلك 😔
تعرف البنت يلي جبتها لأمي 👐
شكلني حبيتها 💔 وانت عارف أن اني مش للحب 💔
خدا حسام رشاده ولوحها في البحر :
انيييي مش للحب قلبي مش للحببب 💔
حط راسه علي اركابه وقعد يبكي : ليييش حياتي كلها هموووم حتى لما قلبي حب حب في الوقت الخطا 😢
بدل من إني كنت بنسيب شخصين توا راحو تلاته 💔
اااااه ياااااارب 💔
ناض حسام وروح للحوش 🚗
خش لقى امه وصفاء مقعمزات جا قعمز حداهن وحط راسه علي رِجل امه ❤
جت رؤى الي واضح عليها الارهاق والتعب قعمزت جنبهم وكانت حاسه ان حسام فيه حاجه لانه كان مغمض عيونه وحاط راسه علي أمه كأنه اخر مرة بيشوفها وبيشم ريحتها 💔
حسام حس روحه بيبكي لما تذكر انه بيفارق امه 💔
ناض وعدل جلسته اول ما قعمز جت عينه علي رؤى ولااحظ الارهاق الي علي وجهها نين استغرب : رؤى كيف حالك توا ؟
رؤى طبست راسها : كويسه الحمد لله ❤
حسام : رؤى نرفعك نعاينك
رؤى هزت راسها : لالا مافيا شي ايام ونصح
لطيفه : والله يا وليدي حتى ايكال متاكل شوف وجهها 😞
حسام : رؤى ليش متاكليش ؟
رؤى شبحتله : معدتي توجع فيا لما ناكل 😔
حسام : رؤى بنعاينك بالسيف
رؤى ناضت : قتلك منبيش 💔
مشت رؤى لدارها 🚶
لطيفه : خيرك يا وليدي معاها تو تصح 😞
حسام : يا امي قالت معدتي ضروري تعاين بلكي التهاب عندها صروري دوا
لطيفه : تو نزيد نكلمها
حسام ناض : باه كلميها وقوليلي 👐
لطيفه : حاضر يا وليدي 👐
حسام ركب لشقته 🚶✨

عند سعاد :
خش عادل لقاها راقده : سعاد يا سعاد
سعات ناضت : نعم يا عادل
عادل قعمز حداها : خيرك شن فيك
سعاد بتعب : حسني مريضه ومتكسره وخشومي وراسي بكل 😵
عادل : تو نجيبلك دوا 😞
سعاد : حاضر والبس كبوطك الجو مسقع برا
عادل : حاضر تريحي ❤
عادل طلع اينادي علي ولاء : ولاااء يا ولااء
جاته : نعم يا بابا
عادل : عدي سلم بنيتي حدا امك وشوفيها شن تبي راهي مريضه
ولاء : حاضر يا بابا 😞
طلع عادل وقال في خاطره " لو كانت الاء هنا راهي كانت حدا امها واتطيب واتدير 😔 " يااااارب 😔💔 انشاء الله اتسامحنا 💔
ومشى للصيدليه 🚶🏪
ولاء جت حدا امها : ماما يا ماما
سعاد بتعب : نعم يا بنيتي
ولاء بحزن : خيرك نوضي 😞
سعاد : تو نصح يا بنيتي وبالله ديريلي طويسه ليم
ولاء باست راسها : من عيوني 😘
خشت ولاء دارتلها طاسه عصير ليمون 🍹 وعطتهلها 👐
ركبت لدارها لقت رساله جايتها تحسابه محمد : والله ماني راده عليك 😒😡
شافتها لقتها بشرى : { لولو كانك قاعده غدوة بنجيك }
ولاء بصوت عالي : وووو هالحصله 😐😰
خش عليها احمد : خيرك تلعلعي 😠
ولاء : الحصله بشرى قالتلي غدوة بنجيك 😵😵
احمد تدكرها : وخلها تجي خيرك انتي 😅
ولاء مستغربه : تو مش امي مريضه يا دماغ 😒😐
احمد : تي عادي امي في دارها وانتي وياها فالصاله 😉
ولاء : امري لله 😵
احمد : قوليلها تعاالي عيب راه 😲
ولاء : حاضر 😒
كتبتلها رساله : { تفضلي قاعده 😊}
احمد : ها شن صار 😀
ولاء : قتلها 😒 بعتالي من امتى انت تعرف في جو العيب وهكي 😒😕
احمد : من يومي نعرف 😌
ولاء : باه اقلب وسكر الباب 😒
احمد : طالع 😅
طلع احمد وهوا فرحان 😍
بندير روحي مريض بيش منطلعش غدوة 😁😅
عند ولاء :
تليفونها ايرن ،📞
شبحت لقاتها محمد : اووف خيره هدا 😡
ردت : ها نعم 😒
محمد يضحك : الكسكسي اهبل 😂😂
ولاء بحمق : تو متصل عشان هكي 😡
محمد : قلت ضروري نعطيك رايي زي مطلبتي 😂😂
ولاء : خلاص معش نبيه 😒
محمد : ويين كان عقلك بالله 😂😂 وووو حاطتيه هكي 😂😂
ولاء : محمد 😠
محمد : وووووو 😂😂
ولاء سكرت في وجهه 💥 : حماار 😒
رد اتصل 📞
ولاء ردت : اوووف خيرك 😡
محمد : كسكسي ني ههههههههااي😂😂😂
ولاء بحمق : محمد خلااص والله معاد نكلمك راه 😠😡
محمد شد ضحكته : باه سكتت 😮😂😶😂
ولاء : ايواه 😒
محمد : باه قوليلي من معلمك التطييب 😁
ولاء : محمد 😡
محمد : هه تبكشت 😯😂
وكملو هدرزتهم😜😁

عند البنات :
المسؤولات الجدد ( وفاء - سعاد )
وفاء خشت عالبنات وهنا في الدار : مرحبا يا بنات ❤
البنات : مرحبتين 💕
سعاد : عادي نخشو معاكم 💞
البنات : اكيد
دنت انسام و اسماء : تعالن هنا 😊
خشن وفاء وسعاد وقعمزن : ها علي شن كنتو تهدزو 👐
البنات : نهدرزو في حاجات عاديه بس
وفاء : اممم باه هدزولنا او اسألونا اي سؤال ☺
اسماء : ليش جيتو تشتغلو هنا وليش تعاملو فينا كويس مش زي يلي قبلكم ؟
وفاء : جينا هنا كعمل خيري يعني بدون مناخدو ولا قرش علي شان المسؤوليه هنا
سعاد : ونعاملو فيكم كويس لاننا نخافو يوم بكرا ونخافو من ربنا ❤
ليلى : باهي مزال في ناس تخاف ربي 💔
سعاد : شن كانن اديرنلكم هدكنا ؟
انسام : ضرب واحنا راقدات علي تبزيع ميه و ضرب بالطوبو ديمه وكلام مفيش اقسى منه 💔
ليلى : اني صح جيت فالاخير بس والله عمري مشفت ناس هكي واول مرة حد اعاملني معاملتهن 💔
وفاء شدت يد ليلى : من يوم وغادي حنكونو زي العيله وبإذن الله ميكون خاطركن الا طيب ❤
البنات حطن اديهن كلهن عليها : واحنا حنكونو زي بناتك وانتي زي امنا 💕
وفاء وسعاد : اكييد 👍
قعدن اهدرزن ويضحكن وكان مراد يسمع فيهن 👂
وفرح هلبا لانه احسن الاختيار ✨

أحيانآ يأتي الندم متؤخرا جدا 👌
بحيث لا يستطيع صاحبه تبرير أي من اعماله 
و يموت من الندم ✨

في السجن :
امال مقعمزة وتبكي : مش نقولك يا فوزيه ريحي رووحك اهوو توا قعدنا هنا رييتي من وراء افعالك 😢
فوزيه تبكي : بالله متزيديني هم علي همي والله نادمه 💔
امال : شن ينفع الندم توا شن قوليلي 💔
فوزيه : بالله اخطيني يا امال ساد الي فيا سااد
امال : اني 3سنين وانتي4شن بفوتهن شن 😢
فوزيه تبكي : ريت هالاهل يلي ادورو فينا او ينشدو علينا بيش نطلعو علي سباهم او نستاحشوهم 💔
امال : بس هلبااا 😢
فوزيه : نبي نعتذر من البنات بس 😢 وفي عندي سر بنقوله 💔
امال : شن احكي 😢
فوزيه تبكي : تدكري الراجل الي جانا السنه الي فاتت
امال : اي خيرا
فوزيه تبكي : جاي ينشد علي بنته ويلي هيا الاء واني قتله مش عندنا 💔
امال تخبط في وجهها وتبكي : ياا ناارك ياا فوزيه حي عليك من ربك شن درتي شن 💔
فوزيه تبكي باقوى ما عندها : هك كرهي ليها عماني وقتله مش عندنا 😢💔
امال تبكي : وشن دار الراجل ؟
فوزيه : نزلن دموعه قال ليا 3سنين ندور عليها ملقيتهاش 💔
امال سندت راسها عالساس وتبكي : ربي اسامحك ياا فووزيه وخلااص ربي اسامحك 💔
فوزيه : ياااااارب سامحني 💔😢
وفات اليوم علي امال وفوزيه وهنا يبكن بس هل ايفيد الندم وهل ايرجعن الدموع يلي فات ؟
مستحيل يرجع اي شي فات زي ما مستحيل يرجع الزجاج كان انكسر لشكله الطبيعي 👌
ومستحيل الدموع ايرجعن اي شي فات ومضى مهما كان كتر سيلهن 👌

انتهى البارت ❤
اضغطو علي ⭐
وشكرا 💕