طلعت سعاد وخشت ولاء 💔
صح العيون متلاقنش بس في حاجه في داخل كل وحده تحركت 👌
الاء حست بالشعور يلي ليها 14 سنه فاقداته وسعاد قلبها مال لأن قلب الأم ديمه يشعر بضناه 👌
ركبت سعاد السيارة وحطت يدها علي قلبها 👐❤
احمد شبحلها : خيرك يا امي
سعاد نزلت يدها : لالا مفي شي 😩
احمد حرك السيارة : تمام بس بنقولك حاجه
سعاد بخوف : شن في
احمد : متخافيش بوي داير حادت بس مصارله شي
سعاد خبطت وجهها : ينااري يناري من قالك ؟
احمد : يا امي اهدي اتصل بيا راجل وقالي مفيه شي واهو توا ماشيينله 👐
سعاد تبكي : يااربي سلمه 😢
وصلو للمستشفى ونزلو 🚶🚶
احمد يكلم في الاستعلامات : لو سمحت 👆
الشاب : تفضل خوي
احمد : نبي نسألك في شخص داير حادت اسمه عادل ال.... ؟
الشاب ايشوف في الكمبيوتر : دقيقه بس
اهوا لقيته في غرفه 17 الدور التاني عاليمين 👍
احمد : صحيت بارك الله فيك 👍
وركبو 🚶🚶
خشو عليه لقوه راقد عالسرير ويده مجبسه
سعاد تبكي : كيف درت الحادت وشن فيك 😢
عادل ايمس في يده : اهدي مفيا شي كسر بس والحادت واحد خش فيا
سعاد : الحمد لله 😢
احمد : الحمد لله علي سلامتك يا بوي
عادل : الله ايسلمك وين رؤى مالا ؟
احمد : خليناها في المستشفى التانيه مع اهل حسام
عادل : اه باه شن صار فيها البنت
سعاد : مزالت في العمليه بنيه زي الورده يناري 😔
عادل : انشاء الله تطلع سالمه
الكل : ياارب ❤
عادل قعمز : ساعدوني بنطلع منيش قاعد
سعاد واحمد : كيف تطلع راجي مزال
عادل صبا : لالا عارفتيني منحبش المستشفيات من زمان
سعاد سكتت : باه هيا 😞
ساعدوه وطلعو مشو للحوش وسعاد قعدت في الحوش عشان عادل متبيش تخليه بروحه اما احمد رجع للمستشفى 👐
في المستشفى :
يآآرب كلمآ ضاق قلبي بهموم الدنيآ 💔
ذكرني بأن الصبر جميل وبأنگ المستعان ✋
حسام كان جالس وايراجي ويبكي وكان حداه احمد وفجأه جاه مراد وخلفه ألاء و أنسام يبكن
مراد : لو سمحت انت حسام ؟
حسام رفعله راسه : اي تفضل 💔
مراد : اني الي اتصلت بيك ، هدينا معاك ؟ " علي لطيفه والبنات "
حسام : اي
مراد التفت لألاء وانسام : امشن حداهن
الاء وانسام هزن راسهن ومشن ومراد جلس حدا حسام
ألاء تبكي : مزال مطلعتش 💔
لطيفه : انتن صاحباتها 😢
هنا الزوز : اي 😢
انسام حضنت ألاء وانفجرت : ااااه ياارؤى ااااه بالله متخلينيش 💔 بالله يا الاء متخلووهاش تمووت هيا عيلتي وهيا اختي بالله 😢
ألاء تسكت فيها وتبكي : خلاااص بالله بتعييش هيا خلااص 😢💔
كانو ولاء واحمد يشبحولهن 💔
بس ميعرفوش ان الاء هيا اختهم الي عاشت معاناة وعذاب 💔
صفاء قدمت بالكروسه ودموعها ايقطرن : رؤى بتعيييش هيا قويه عارفه اسكتي 😢
انسام فكت روحها من الاء وحضنت صفاء : ااااااه اااااه معنديش غيرها والله 😢كنت حاااسه بيها 💔
الاء واقفه وتبكي و ولاء تشبحلها ودموع ينزلو و ألاء معرفتش شن خلاها تمشي إتجاه ولاء وتحضنها 💔
اي حضنت اختها يلي متعلمش انها اختها وقعدن يبكن جمييع 💔
حسام كان يشبح ناضلهن حامق ودموعه ينزلو :
اااسسسس انتي وياااها اسسسس رؤى بتعيش اني عاارف اسسسس 💔
كل وحده فكت التانيه وقعدو يشبحوله 💔
حسام : شن تشبحوولي هيا بتعييش مشحا تخليني عاارف اسسس معش تبكو خلااص 😢
طاح علي ركبيه وحط ايديه علي وجهه : هيااا بتعييش عاارف ليش تبكو 💔 بالله فهموووني ليش البكااء 💔
امي قوليلهم رؤى بتعيش 💔 قوليلهم بتصح وبنتزوجها وبنكونو عيله حلوة 😢
جاته لطيفه تجري حضناته : يناااري وليدي خلااص بتعييش اي اسس اسسس 💔😢
البنات والاولاد من المشهد تأترو هلبااا بس خلو دموعهم ينزلو ومقدروش ايديرو أي ردت فعل لأن كانو حاسين بيه 👌
لأن في الحيآة مفيش أصعب من إنگ تفارق شخص يعني ليگ كل شيئ 👌
وهما يبكو طلع الدكتور
مشوله كلهم يجرو وناضو احمد ومراد حتى هما : هاا شن يا دكتور ؟
الدكتور طبس راسه : درنا مجهودنا 👐
حسام يبكي : اي وشن صار ؟
الدكتور : البقاء لله 😔
كلهم بصدمه وبكااء خلو كل الي حداهم يبكو : مستحيييل لااا لااا رؤى مستحيل تمووت💔
حسام شد الدكتور : انت تكدب مستحييل تخليني مستحيييل 💔
الدكتور : اسف 😔
انسام حاطه يدها علي فمها وتبكي : يااربي لااا رؤى لاااا 💔
صفاء تبكي وجامده من الصدمه
حسام مشى يجري وخش للغرفه وكلهم اشدو فيه : رؤى نوووضي رؤى لييش سيبتيني ليييش 💔
رؤى اصحي بالله رؤى متعديش بالله 💔
يااااربي ليش خديتها مني يااارب كنت فرحان لما عرفت ان مفياش مرض وقلت بنفتح قلبي للحب 💔
يااااارب أاااااااه 💔
الدكاترة اشدو فيه : اهدا هدا قدر الله اهدا 😔
حسام يبكي : بالله بالله متخلووهاش اتمووت انتو تكدبوو صح تكدبوو 💔
الدكتور الكبير بيناتهم : اهدا حندير صدمات اصتناعيه اهدا بس وانشاء الله ايفيدن💔
حسام يبكي : بالله هيااا متخلوووهاش تخليني هيااا 💔
طلعوه من الغرفه وبدو ايديرولها في صدمات اصتناعيه 👐
طلع الدكتور وجاه حسام يجري : شن يادكتوور شن 💔
الدكتور نزل الكمامه من علي وجهه : المريضه نجت وبصعوبه
حسام طاح عالوطا ويبكي ويشبح لفوق : الحمد لله ياااارب الحمد لله 💔
الاء تحضن في انسام وتبكي : نجت يا نسوومه نجت افرحي
انسام تبكي : الحمد لله الحمد لله
ولاء ولطيفه وصفاء يبكن ويضحكن : الحمد لله الحمد لله
مراد واحمد من بين دموعهم ايسلمو علي حسام : الحمد لله علي سلامتها 👐
حسام يبكي ويضحك : الله ايسلمكم 💕
حسام سجد لله شكر : الحمد لله 💕
ومشى لأمه وحضنها : رؤى اجتازت الخطر يا امي افرحيلي
لطيفه اتبوس فيه : اي يا وليدي انشاء الله ديمه انشوفك فرحاان 💕
مراد نزل للكافي متاع المستشفى وشرى كيكه وعصير 🍹🍹🍩🍩🍰🍰
وركب عطاهم كلهم وصبى علي الاء : الحمد لله علي سلامتها ❤
الاء من بين دموعها ابتسمتله : الله ايسلمك ❤
مراد لف جا بيمشي ناداته : مراد
مراد التفتلها : نعم ❤
الاء : شككككرااا 💓
مراد ابتسملها : واااجبي 💕
ومشى حدا حسام واحمد 🚶
وألاء رجعت حدا البنات ولطيفه : والله حمل انزاح علي قلبي
انسام ابتسمتلها : والله حتى اني اااااه ❤
ولاء : انتن صاحباتها صح
ألاء وانسام : اي
ولاء : انتن اما وحدات
الاء : اني الاء وهدي انسام
ولاء : ااه انتي الاء هيا لما حكتلي عليك قتلها يشبه اسم ولما بنحصل اخت بنسميها الاء زيك
الاء ابتسمت علي كلام ولاء : انشاء الله اتحصلي واتسمي 💕
ولاء : انشاء الله ❤
وبينما هما ايهدرز طلعو رؤى علي السرير من غرفه العمليا وحطوها في غرفه خاصه بس كانت مزال فاقده الوعي من تأتير الإبر 💉
حسام كان يشبحلها وبيطير من فرحه 💕
ومراد كان فرحاااان لان ألاء فرحت وصاحبتها نجت وشاف السعاده في عيونها 💞
ولطيفه وصفاء كانن فرحانات لان واخيرا شافن حسام يضحك و من قلبه ❤
ولاء واحمد كانو يشبحو لألاء ويتبادلو في الابتسامات وكأن قلوبهم حنت وعرفت بعض 💓
انتهى البارت 💕
أنت تقرأ
تحت سقف الوجع 💔
Fantasyهادي الروايه تحكي علي مجموعه بنات يعيشو في ملجأ 💔 وكل وحده حتصير معاها قصه مختلفه حنعرفوها من الروايه ❤ ممنوع نقل الروايه ❤ ومش حنسامح اي حد ينقلها 👌
