و إني أحبك لليوم ، للغد ولليوم الذي لآ يعد ❤
ولاء في المدرسه 🏢:
ولاء : اووفف وينه الحصله وينه لتوا مجاني 😡😡
صديقتها " بشرى " : خيرك يا ولي تنفخي ليك ساعه 😂
ولاء : البلوة احمد معاد جا اقسم بالله اعصابي تلفن 😡😤
بشرى في خاطرها " بلوة بروحك مش حمودي 😒" : اصبري تو اجيك خيرك قالقه انتي 😅
ولاء : بالله اسكتي معنديش خلوق 😒
بشرى : سكتت 😒
وشويه ونادو علي اسمها : ( ولاء عادل )
بشرى اهو جاك اطلعي 😒
ولاء : والله الما يشوف خزي 😡
وطلعت حامقه وراقيلها وفتحت باب السيارة وركبت وتساوي في شنطتها : وينك يا بارد يا حصله خزي عليك مخليني لتوا 😡😡 وشبحت جنبها 😮😐
محمد : كملي كملي بارد وحصله وخزي عليا وشن تاني 😂😂👏👏
ولاء : ااه لالا ندوي علي بنت طيرتهلي بس 😅
محمد : صدقتك صدقتك 😂😂 وعلي فكرة لسانك يبي قص 😌
ولاء : بلا كتر دوة وين احمد خوي 😒
محمد : احمد مش فاضي فخديت سيارته وجيتك 😌
ولاء : باهي وقف نبي نركب للوراء 😒
محمد : وخيرا هنا مش عاجبك 😂😂 اهو حقي فيا اني جنبك خير من التبييت من الروشن الرؤيه ضعيفه 😏😌😂😂
ولاء : شن تحسابني ميته عليك غير بالصدفه بنسكره هداك اليوم انت شبحتلي 😡
محمد : اي صح ماهو كنتي ماده عيونك كيف القطوس ومركزة 😮😂😂
ولاء في خاطرها " ووو عليا الضحكه 😍😍" : بالله امشي بلا قطاف زايد 😒
محمد : ماشي ماشي يلي مطيرة عقلي من راسي 😉😁
ولاء " وانت مطيرني كلني 😍" : ترا اسكت 😡😡
محمد : سكتت 😁😌
ومد يده وولع اغنيه وقعد اغني معاها ومرة مرة يشبح لولاء 🎶 :
عافيتي عافيتي 🎶
يا نسمه وفاتت بريتي 😘
أحبك يا بعد بيتي 😍
وتأمرني أمر 😁😍
وتأمرنيي أمررر ❤😍
دفيني دفيني 😉😍😁
بحضنگ وحدي خليني 🙊😍
يا كللل العمرر 😍😍
يااا كل العمرر 😍😍😘
ولاء كانت تسمع وهيا بتطير من الفرح 😍😍 ولما يشبحلها محمد تشقلب عيونها 😒😂😂😂
و وصلو للحوش 😁🏡
ولاء تلبس في شنطتها وبتنزل : مش شكرا 😌😏
محمد : مش شكرا صار 😂😂 باهي تي والله لجايك مرة تانيه 😌😉
ولاء " تعال تعال 😍😍 " : اتجي عينك 😠
وصرفقت الباب بقووو قووها😏 وخشت 🚶
محمد : مجنوونه وتهبل 😍😍
وحرك السيارة وفات 🚗😁
عند حسام :
لطيفه : حساام يا وليدي نوض الظهر فات وانت راقد 😲
حسام وهوا راقد : هممم يمي خيرك 😫😵💤
لطيفه : نووض نووض صلي وباش تفطر الغدا قريب ❤
حسام صبا ويحك فعيونه : هي يا امي ندوش ونتوضى ونصلي ونجي 😪
لطيفه : باه واني نوتيلك فطورك 😊
حسام خش للحمام دوش 🚿 وتوضى وصلى 💕 ومشى حدا امه وباس راسها : ربي ما يحرمني منك يا غاليه 😘
لطيفه : ولا منك يا الغالي ❤ هي افطر سلم اوليدي 😘
حسام يفطر وتجي صفاء بكروستها : حسام حسام 😱😱
حسام : خيرك شن في 😲
صفاء : اليوم بتجيب البنت والا 😱
حسام خلط راسه : حييي والله نسيت 😧
لطيفه : باهي الي وقضتيه يا صفيوه 😲❤
حسام : اي والله تو بعتالي نرفعك معاي يا امي بيش نجيبوها 😊
لطيفه : حاضر يا وليدي 😊
صفااء : واخيرا 😁😁
حسام يضحك : يا مطرشقه 😂
صفاء : وعاجبتني روحي 😌
حسام : خفي علينا خفي 😂😂
لطيفه تضحك : طول عمركم هكي 😂 ربي ما يحرمني منكم 😍😍
هما الزوز : ولا منك يا الغاليه 😍😘❤
العشيه عند البنات :
هنا مقعمزات ويضحكن ويهدرزن وخشت عليهن فوزيه :
دووم اللمه يارب 😏
البنات : اميين 😌
فوزيه : نبي نقوللكن خبر حلو 😌
البنات خافن : شن في قولي ؟
فوزيه : رؤى جت عائله بتتكفلها والمسؤولين وافقو 😌
البنات نزل عليهن الخبر زي الصاعقه وبالذات رؤى :
تكدبي صححح ❗❗
فوزيه : للأسف لا 😁
رؤى تبكي : بس اني منبيش 💔
فوزيه : مش برايك 😏 المهم وتي دبشك شويه وبجو ياخدوك 😉 وطلعت 🚶
البنات يحضنن فرؤى ويبكن : لييش ليش بعد ما فرحنا وتفاهمنا بيفرقوونا 😢💔💔
رؤى تكسر فالحاجات يلي فالدار : خيرني اني ديمه حياتي منحووسه خيرني 💔
الاء تشد فيها : يارووووحي عليك يا رؤى 😢😢
انسام حضنت رؤى : كيف بنقدر بلاك كييف 💔
رؤى تبكي بعبرتها : نبيكن نبيكن اني منبيش نمشي 💔😢😢
اسماء تبكي : بلكي ربي كاتبلك فيها خير طلعتك 💔
رؤى : منبيشي الخير منبييشي نبيكن انتن عيلتي انتن خوااتي 💔
بكن بكن بكن وبعدها ضمت ملابسها في شنطه 💔 وضمن بعضهن : رؤى زورينا متنسينااش 😢😢😢
رؤى : مستحيل ننساكن وحنجيكن والله وانشاء الله انتن تطلعن كلكن ونتلاقو 💔💔😢😢😢
امال خشت عليهن : ههههه تبكن 😌😏
كلهن شبحن لأمال بنظرة كره : حيجيك يووم انتي وفوزيه حيجييك يوووم 👌💔💔
امال : ترا بلا دوة فاضيه وهيا يا رؤى الراجل وامه يراجو فيك برا 😏
وهنا كلهن كرشن في رؤى ويبكن : بالله لااا لااا خلوووها مبووها احني 😢😢😢💔💔
امال تكر في رؤى : قتلككك اطلعيي 😡😡😡 وضربتها ✋
رؤى تبكي وهنا يبكن 💔 وطلعت رؤى والدمووع علي خدها 💔
المسؤول خيري : اهيا البنت يا استاد حسام 😊
لطيفه وحسام شبحولها وهيا تبكي قلوبهم تقطعن 💔
لطيفه ضمت رؤى : اسكتي يا بنيتي اسكتي والله بنديرك زي بنتي صفاء اسكتي 😔
رؤى تبكي وحست بالراحه بعد الكلام هدا 💔
وقع حسام علي اوراق الاستلام وطلعو 🚗
في السيارة صمت تمام معادا صوت شهقات رؤى 💔
وصلو ونزلو 🚶🚶🚶
لطيفه شدت رؤى من يدها : خشي يا بيتي هدا حوشك من يوم وغادي 😞
حسام : معش تبكي يا اختي والله حتكووني كأنك في عيلتك 💔
رؤى : حاضر 😢
خشو وجت صفاء بكروستها فرحانه : جييتو 😍😍
بس تلاشت ضحكتها لما شبحت دموع رؤى 😞 :
خيرك تبكي 💔
رؤى تبكي ومردتش 😢
قربت منها صفاء بالكروسه وحضنتها وقعدن يبكن الزوز 💔
صفاء : اسكتي والله احني ما نأدوك واني زي اختك وحسام زي خوك وامي هيا امك 😢
رؤى من بين دموعها ابتسمت : حااضر وشكرا ليكم بجد 💔
وخششوها وعرفوها عالحوش وكانت دارها مع صفاء وانسجمن هلبا مع بعض وقعدت اتنادي في لطيفه امي 💕
اما حسام فحب اخليها ترتاح وركب لشقته فوق 💕
لربمآ دموعنآ التي نزلت بحزن على أمرٍ مآ ضنناه شراً✨
يأتيهآ يوم وتنزل فرحآ على نفس الأمر 👌
انتهى البارت نتمنى يكون نال اعجابكم 😘😘
تفاعلو اكتر باش انعجل بالبارتات الجايات 😉😍😍😘
أنت تقرأ
تحت سقف الوجع 💔
Fantasyهادي الروايه تحكي علي مجموعه بنات يعيشو في ملجأ 💔 وكل وحده حتصير معاها قصه مختلفه حنعرفوها من الروايه ❤ ممنوع نقل الروايه ❤ ومش حنسامح اي حد ينقلها 👌
