تحت سقف الوجع 💔

part 21

ليس عليگ أن تكون قويا دائما 👌
مر بلحظات الضعف ولا تخجل منهآ لأنهآ جزء من انسيآتگ ❤

ناضت ليلى متأخر شبحت جنبها لقت البنات نايضات وضامات مكاناتهن وطالعات وحاطتلها جنبها فطورها ✨
عرفت انهن محبنش اينوضنها عسبات ليلة امس ⚡
صبت وقفت قدام المرايه شبحت لوجهها كيف دابل وحطت يدها عليه 👐 مساته ومست اتر دموعها إلي مجفنش امس بكل 💧 ، فكت شعرها ولفاته وشبحت لروحها مرة تانية : ليلى هدي اخر مرة تبكي فاهمة 👌
انتي قويه ومفي شي يبكيك 👌
مشت للحمام غسلت وجهها وتوضت وصلت وفطرت فطورها وضمت سريرها وقعمزت عليه وهيا سانده راسها علي الساس ومغمضه عيونها وتفكر 👐
قطع حبل افكارها صوت اسماء :
ليلى نضتي كيف حالك اليوم 😞
ليلى بابتسامه بسيطه : الحمد لله ❤
اسماء حطت يدها علي يد ليلى : نبوك ديمه قويه معش تبكي 😔
ليلى حطت يدها التانيه علي يد اسماء : اخر مرة بإذن الله ❤
اسماء ابتسمت : باه هيا نطلعو للبنات برا 💓
ليلى : هيا هي 💗
وطلعن 🚶🚶
البنات جن لي ليلى يجرن : ليلى ليش نضتي ؟
ليلى ابتسمتلهن : راه مفيا شي هاه 😘❤
البنات فرحن : باه تعالي نقعمزو
قعمزن كلهن جميع وايهدرزن ويضحكن ، خشت عليهن فوزيه :
انشاء الله ديمه هالجمعه 😊
البنات : امييين 😏
فوزيه : طويلات لسان 👌
البنات محبنش اردن تجنبا للمشاكل
فوزيه : اتفوو عليكن 💦 ومشت 🚶
ليلى : بالله هدي مش تبي كف كويس علي خليقتها 😠
انسام : بالله فكينا يا لولو عارفتيها انتي
البنات : اي انسام عندها حق
ليلى قعدت مفنصه وتهز في رجلها لان راقيلها 💢
البنات شبحن لبعضهن وغمزن بعض 😉 وهجمن علي ليلى : دغدغدغدغ 😂😂😂😂
ليلى تضحك وتعيط : وووووك يحمارات خلني 😨😂😂😂
البنات يدغدغن فيها : اي اي اضحكي 😂😂😂
ليلى : حاضر حاضر اطلقني بس وووو 😂😂😂😲
البنات طلقنها : ايواه هك نبوك 😌😁
ليلى تضحك : مجنونات 😂😂
وكملن جوهن ضحك ولعب ❤😀

في حوش لطيفه 🏡:
لطيفه راكله اتدق علي شقت حسام
دق دق دق ✊
ياااحسااام افتح وينك لتواا
دق دق دق ✊ :
تربح سلم اوليدي افتح وينك هدا كله نووم
حسام يسمع في الدق 👂 وجسمه متكسر وحاس روحه مريض ، ناض بالشويه وكان شعره مشفشف وسروال راقي وسروال نازل وفتح الباب :
نعم يا امي 😪😷
لطيفه : هييي خيرك رايح هكي 😲
حسام يتاوب : مخيرنيش يا امي مريض شويه بس 😪😯
لطيفه تمس في راسه : حيي حرارتك مرتفعه يا وليدي 😭
حسام : يا امي والله ما فيا حاجه ناخد دوا وتمت وبنرقد متراجونيش 😫
لطيفه : باهي انديرلك شربه دافيه وانجي 😞
حسام : خاضر يا امي 😘
وسكر الباب ولطيفه نزلت 🚶
صفاء تكر في كروستها : ها يا ماما وينه حسام منزلش فطر معانا ؟
لطيفه : مريض عنده حرارة بنديرله شريله دافيه وبنرفعهله 😞
رؤى كانت تسمع فيهن ولما سمعت انه مريض حست بإحساس غريب ✨
رؤى ناضت : اعميمه تريحي توا نديرها اني الشربه 👐
لطيفه : اتديري فيا خير يا بنيتي كان درتيها عندي مئه حاجه تبي الدير 😣
رؤى : خلاص مالا تو نخش نديرها 😊
كرت رؤى صفاء معاها في المطبخ وبدت فالتطييب 🍴
ورؤى كان كل مرة تسأل في صفاء عالخضرا يلي احبها حسام باش اتحطهله فيها 💕
طابت الشربه وحطتهله في صفرة معاها خبزة وليمونه 🍋 وطاسة نعناع دافيه 🍵
وطلعت : عمتي يا عمتي
لطيفه تسيق فالجنان : نعم يا رؤى
رؤى : طابت الشربه تعالي ارفعيهله 👐
لطيفه تسيق : ارفعيها انتي والله ما فاضيه 😵
رؤى " يا غبارتي السوده كيف بنقابله 😨 " : حاضر يا اعميمه 😫
رؤى خدت وشاحها وركبت اتدق
دق دق دق ✊
حسام كاين امدوش ولابس توته وشاد منشف اجفف في شعره : هيا هيا ✋ و فتح الباب ✨
رؤى تحشمت : تفضل غداك 🙊
حسام حط المنشف علي كتفه وخدا منها الصفرة : صحيتي 😅
رؤى : اسلمك 😅
ونزلت تجري 🏃
وهوا خش قعد احك في شعره تهبل البنت 😅
وقعمز ياكل 😁 طاح فيها 61 اكال عجباته 😍
رؤى مشت لي لطيفه وقعدت تسيق معاها ✨
لطيفه : رفعتيها الشربه لي حسام
رؤى تدكرت الموقف : اي اي رفعتها 😅
لطيفه : نجيها بنيتي 😘
وكملن تسييق وخشن حدا صفاء ❤
ونزل حسام بصفرته : امي يا امي 💕
لطيفه وهيا تغير بالريموت : نعم يا وليدي خش 😊
حسام خش : سلم ايديك الشربه تهبل 😋😍
رؤى فرحت من داخل 😀😍
لطيفه : هادي رؤى دارتها مش اني 😘
حسام شبح لرؤى وابتسم : سلم ايديك يا رؤى 😅
رؤى ابتسمتله : اسلمك 🙊
وحطها في المطبخ وطلع لشغله 🚗
وهما قعدو يتفرجو عال TV📺

عند مراد :
مراد : امتى بنمشو للملجأ يا سيد قاسم
قاسم : الايام الجايه بإذن الله وحيكون الدخول ليهم مفاجئ
مراد يشرب في قهوته : اي وحتى اني نبيه هكي باش نشبحو كيف يعاملو فيهم 👐 بالذات الصبح لان سامع ان ينوضو فيهم بطرق تعذيب صارمه
قاسم : معناها تمام الصبح حتكون المداهمه
مراد حط قهوته : تمام اتفقنا 👍
قاسم : اكيد 👍
وطلع مراد 🚶
جاته رساله 💬
فتحها وقراها { مراد تعال في مقهى..... ضروري نتكلمو }
مراد : اففف شن تبي هدي توا 😵
كتبلها : {تمام }
ومشالها 🚗
خش للمطعم شبحها تشيرله بيدها 👋
مشالها قعمز جنبها : اهلا كيف حالك اليوم 😊
سمر بتطنيش : بخير 😊
مراد : شن الموضوع يلي بنحكو فيه ؟
سمر : راجي نطلبو قهوة قبل 👍
لو سمحت ✋
القرسون : تفضلي
سمر : نبو اتنين قهوة عربيه 😊
القرسون : تمام شوي واتجيكم 👐
قعدو مقتمزين نين جابولهم القهوة :
تفضلو ☕☕
سمر و مراد : شكرا 😊
مراد يشرب في قهوته : هي تكلمي اهي القهوة جت ☺
سمر شاده فنجانها : انت تحبني ؟
مراد رفع حاجبه وحط القهوة : وشن مناسبه السؤال ؟
سمر : جاوب بدون لف ودوران
مراد : لا
سمر نزلت دموعها : ليش
مراد : سألتيني وجاوب واني منبيش نكدب عليك ونعيشك في وهم .. اسف سمر 👐
سمر تمسح في دموعها : عندك حق كل شيئ اجي بااسيف الا حبني يا بنادم 👌
خدت شنطتها وطلعت 🚶
مراد ناض وخدا مفاتيحه " اسف سمر مقدرتش نحبك 💔 "
ركب سيارته وروح 🚗
خيريه : خيرك يا وليدي وجهك متغير
مراد : سيبت سمر 👐
خيريه بصدمه : لييش
مراد خاش لداره : هدا الي مفروض كان صاير من زمان واليوم جا وقته
خيريه : ااه ربي يهديك ياوليدي وخلاص 😞

تعلم معاذرة الأمكآن التي لا تناسبگ سريعا 👌
لكي لا تندم مؤخرا على البقآء 👍

عند محمد :
ياااربي امتى بتتصل 😟
اني الحمار مخديتش رقمها 😤
خش عليه بوه 💥
نوووض نوووض يا عار خوتك 😡
محمد : خيرك يا حويج 😲
صالح : شن اتدير هنا وخوتك برا يشتغلو 😡
محمد : شغل شن يا بوي عندي قرايه 😲😧
صالح خبطه بالعكوز : نووض قتلك نوض 😠
صالح : امري لله 😓
طلع ووراه صالح بالعكوز 😂😂
محمد يجري : تعال يا حويج تعال 👏👏😂😂
ورن نقال محمد برقم غريب ✨ محمد عرفه ولاء 😍
محمد بصوت عالي : نحبك يا حوييييج😍😍😁
صالح عطاه خبطه علي سيقانه : حبك برص يلي ما تتحشم 😡
محمد طار يجري : بنرد عالتليفون ونجيك يا حوييج 😍😍😂😂
صالح : توو تشووف 😡
وخلاه فات وعمكم صالح قعد يضحك علي ولده المهبول 😁
وادكر ايامات كان زيه وادير فالعمايل لبوه 😂😂

انتهى البارت 😘😘😍😍
تفااعلو معاي حبايبي 😁